Ledig stilling

I Lærdal bur det berre rundt 2 200 menneske, men jammen skjer det mykje her! Gjennom året byr me på store marknader, musikkfestival, matfestival, gytefestival (den må du nesten berre googla), varierte konsertar, motbakkeløp, terrengløp, fotballcup med gamle stjerner, vårfest – og mykje meir.

Me er omkransa av majestetiske fjell og har eit rikt utval av fantastiske turmoglegheiter, både til fots og på ski. Her finn du også ei mengd fiskevatn og gode jaktmoglegheiter. Sentrum er koseleg og sjarmerande, med gamle trehus som strekkjer seg heilt ned til fjorden. I den grøderike dalen dyrkar dyktige bønder poteter, grønsaker, bær og frukt i rikeleg monn.

Kommunen vår ligg faktisk svært sentralt til: Det tek om lag tre timar å køyra til Bergen og fire timar til Oslo. I tillegg ligg både «bygdebyen» Sogndal og turistmagneten Aurland berre ein dryg halvtime unna. Og ja – me har eige lokalsjukehus.

Om stillinga

Stillinga er 40 % som koordinator og 60 % som sjukepleiar i heimetenesta. I koordinatorstillinga vil du jobbe med kartlegging og koordinering av pasientforløp, og ha ei aktiv rolle i tildeling av tenester i helse og omsorg.

Kommunen skal frå 1. september etablere tildelingskontor, lokalisert i Lærdal rådhus, der koordinator i pleie og omsorg vil ha ei naturleg rolle.

60% av stillinga vil vere plassert i heimesjukepleien, dagtid, med arbeid kvar 3 helg. Du vil arbeida i team, saman med andre sjukepleiarar/vernepleiarar . Vi jobbar for å rigga sjukepleiartenesta i team, reindyrka sjukepleiar oppgåvene, for å sikre rett kompetanse til rett oppgåve. Du vil komme til å ha vakter der du er ein del av eit ambulant team, og vakter der du er ein del av den ordinære bemanninga i avdelingane. 

Me søkjer deg med sjukepleiar/ vernepleiar utdanning til ein spannande arbeidskvardag, der pasient, fag og medarbeidarskap står i fokus!  

Om arbeidsgjevaren:

Heimesjukepleia yter tenester til 12 heildøgns bemanna omsorgsbustader, og ca. 70 teneste mottakarar rundt om i bygda. Me er samlokaliserte med Lærdal bu og omsorgsheim, der det er 23 plassar; 1 KAD, 4 korttid og 18 langtids plassar. I tillegg har me eige kjøkken, fysio/ ergoterapeut, sakshandsamar, demenskoordinator og aktivitetstove med mykje liv og røre!

Me er omlag 75 tilsette, og kanskje vert du vår nye kollega!

Er dette deg?

Hjå oss får du:

Kva kvalifikasjonar krev me?

Me tilbyr:

Det kan nemast at Lærdal kommune mellom anna har:

Les meir om Lærdal ved å klikka på denne lenkja

Me ønskjer eit arbeidsmiljø prega av mangfald, og at dei tilsette hjå oss skal spegla samansetjinga i resten av befolkninga. Me oppmodar alle kvalifiserte søkjarar til å søkja stilling hjå oss, uavhengig av alder, funksjonsevne, kjønn eller minoritetsbakgrunn. Me legg til rette for arbeidsforholda dersom du har behov for det.

Etter at søknadsfristen har gått ut, vert det sett opp ei offentleg søkjarliste. Lista inneheld namn, alder, stilling eller yrkestittel, samt bustads- eller arbeidskommune for kvar søkjar. Det kan gjerast unntak frå innsyn i opplysningar om ein søkjar dersom vedkomande sjølv ber om det. Opplysningar om ein søkjar kan likevel verta offentlege sjølv om søkjaren har bede om å ikkje stå oppført på søkjarlista. Dersom anmodninga ikkje vert teken til følgje, vil søkjaren verta varsla om dette.

Link til søknadsskjema: Søk her