Vil du være med å utvikle Val skoler som arbeidsplass og organisasjon?

Stipendiat (8 stillingar) ved Det medisinske fakultet

Universitetet i Bergen

UiB - Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAStipendiat (8 stillingar)​ Ved Det medisinske fakultet er det ledig åtte (8) opne stipendiatstillingar med oppstart frå februar 2027. Stipendiatar vert tilsett i 100 % stilling for ein periode på tre (3), eller til maksimalt fire (4) månader etter fullført doktorgrad dersom graden er fullført før tre (3) år.  Desse stillingane er opne for søkjarar som har mastergrad som er relevant for fakultetet sine forskingsområde. Åtte (8) stillingar er opne stipendiatstillingar ​ Stillingane vil verte knytte opp mot det instituttet som det er naturleg at prosjekta høyrer inn under. Denne utlysinga gjeld stillingar knytte til forskingsprosjekt ved: – Institutt for biomedisin (IBM) – Klinisk institutt 2 (K2) – Institutt for global helse og samfunnsmedisin (IGS) – Klinisk institutt 1 (K1) For søkjarar frå Institutt for klinisk odontologi (IKO) vert det synt til eiga utlysing. ​   Fire (4) stillingar er øyremerkte for kandidatar med bakgrunn frå forskarlina​ Stillingane er kvoterte for søkjarar med bestått cand.med. og master i odontologi samt fullført forskarlina under studiet. Det er eit vilkår at du startar i stipendiatstillinga direkte etter studiet. Dei som vert uteksaminert hausten 2026 startar i stillinga 1. februar 2027. Dei som vert uteksaminert våren 2027 startar i stillinga 1. september 2027.  Dei som får dei øyremerkte stillingane vert tilsette i 100 % stilling i ein periode på tre (3) år, med fråtrekk av tid for gjennomført opplæringsdel i ph.d.-programmet, eller til seinast fire (4) månader etter at stillingsperioden er ute eller etter fullført doktorgrad. Dei som får stillingane pliktar å arbeide i inntil 20 timar årleg ved forskarlina. Dette arbeidet er knytt til rekruttering, informasjonsarbeid og liknande, etter avtale med leiinga ved forskarlina. Vurdering av søkjaren:​ Søknadene vert vurderte ut frå følgjande kriterium: • Kandidat: Søkjaren sin kompetanse, karaktergrunnlag og relevant fagleg aktivitet. Krav er fullført og godkjent mastergrad (sjå meir informasjon under). • Prosjekt: Den vitskaplege verdien til prosjektet, samt om det er mogleg å gjennomføre det innafor rammene til ph.d.-programmet og stipendiatstillinga. • Forskingsmiljø: Miljøet si evne til å utvikle kandidaten, relevant publikasjonsaktivitet.  • Opphald ved utanlandske institusjonar frå 6-12 månader vert tillagt vekt. Det må gå klart fram frå prosjektomtalen korleis utanlandsopphaldet er integrert i prosjektet og gjev meirverdi til prosjektet. Retningslinjer for vurdering av kandidat, prosjekt og forskingsmiljø finn du her.   Kvalifikasjonar og eigenskapar:​ • Stillingane er opne for søkjarar med profesjonsutdanning eller masterutdanning relevant for forskingsfelt ved fakultetet.      • Evne og motivasjon til å gjennomføre eit doktorgradsprosjekt  • Sjå også krav om dokumentasjon av engelsk-kunnskapar.  Forskarutdanning:​ Stilling som stipendiat har som mål at kandidaten skal fullføre forskarutdanning fram til doktorgrad. Stipendiaten skal gjennomgå eit godkjend opplegg, fastlagt i fakultetet sitt ph.d.-program, innafor den fastlagde tidsramma. Endeleg plan for gjennomføring av forskarutdanninga skal vere godkjent av fakultetet innan tre (3) månader etter start i stillinga.  Stipendiatstilling:​ Stipendiatstillinga er ei åremålsstilling. Ingen kan vere tilsett som stipendiat i meir enn éin åremålsperiode ved same institusjon. Du kan heller ikkje verte tilsett i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk. På ph.d.-utdanninga er undervisningsspråket engelsk. God skriftleg og munnleg engelsk er eit krav.  Særlege krav til stillinga​ Regelverket for eksportkontroll gjeld for Universitetet i Bergen. Regelverket vil liggje til grunn i handsaminga av søknadane. Vi tilbyr:​ • Spanande og utviklande arbeidsoppgåver i eit sterkt fagmiljø • Løn for tida kr 600 000 (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 615 000 (For søkjarar som er autorisert som lege eller tannlege, må dokumentasjon på norsk autorisasjon leggjast ved søknaden). For søkjarar med spesialistutdanning er løna for tida kr 635 000 (For søkjarar som har spesialistutdanning, må det leggjast ved spesialistgodkjenning frå Helsedirektoratet.)  • Gode velferdsordningar, inkludert pensjonssparing i Statens pensjonskasse, yrkesskadeforsikring, full løn under sjukefråvær i 52 veker og betalt foreldrepermisjon. • Trening i arbeidstid Treningstilbud for ansatte | For ansatte | UiB • Norskkurs utan kostnad. • Fleksible arbeidsordningar, tilgang til ulike permisjonsordningar og eit støttande og trygt arbeidsmiljø som legg til rette for ein god balanse mellom arbeid og fritid Søknaden skal innehalde føljande vedlegg, nummererte som vist under: ​ • Søknadsbrev. Søknadsbrevet skal innehalde tittel på prosjektet og namn på både hovudrettleiarar og medrettleiarar, forskingsgruppe og instituttet der prosjektet skal gjennomførast. Her skal det òg komme fram kven som er hovudrettleiar og medrettleiar(ar). Vi gjer merksam på at hovudregel ved opptak til ph.d-programmet er éin hovudrettleiar og éin medrettleiar. I søknadsbrevet skal det greiast ut om søkjar sin motivasjon til å gjennomføre eit ph.d.-løp med det aktuelle prosjektet.  • Prosjektskisse på maksimalt seks sider, inkludert samandrag og referansar etter mal. Prosjektskissa skal innehalde tema, problemstillingar og val av teori og metode.  • CV: (maksimalt 3 sider) etter mal.  • Stadfesta kopi av vitnemål og karakterutskrifter av all høgare utdaning, på originalspråket. Søkjarar med utanlandsk utdanning må i tillegg legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved Direktoratet for høyere utdanning og kompetanse (HK - dir) si generelle vurdering om utdanninga (bachelor- og mastergrad) samsvarar med norsk mastergrad. Sjå https://hkdir.no/ for meir informasjon om vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stipendiatstillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg​. Søkjarar med skandinavisk utdanning, eller medisinutdanning frå EØS-området som har fått lisens til å arbeide som lege i Norge, er unnateke kravet om HK-dir vurdering, sjå Opptakskrav | Det medisinske fakultet | UiB  Legg ved dokumentasjon av engelsk-kunnskapar i tråd med følgjande krav.  • Liste over eventuelle vitskapelege arbeid (PDF), med ei kort skildring av innhald og eige bidrag for kvart arbeid.  • Eventuelle vitskapelege arbeid  • Rettleiarerklæring (maksimalt 1 side) • Hovudrettleiar  sin CV (maksimalt 4 sider) etter mal, med: • Kandidatproduksjon. Hovudrettleiar sin rettleiarerfaring (master- og ph.d.). Dokumentet skal innehalde ei oversikt over ph.d.- og postdoktor-kandidatar som hovudrettleiar er hovudrettleiar/mentor for, og som er finansiert av Det medisinske fakultet. Oversikta skal innehalde namn på kandidat, startdato og forventa sluttdato for alle kandidatane. Dersom du er hovudrettleiar eller mentor for kandidatar som er finansiert av Det medisinske fakultet for tida, må du opplyse om det. Det er etablert retningslinjer for kor mange kandidatar av fakultetet sine rekrutteringsstillingar ein person kan rettleie samstundes. (max 4 stipendiat og postdoktorar finansiert av Det medisinske fakultet)​  • Liste over hovudrettleiar sine publikasjonar siste sju år. • Omtale av forskingsgruppa (maksimalt 1 side). • Invitasjon for det prosjektsspesifikke forskingsopphaldet frå utanlandsk institusjon (når eit utanlandsopphald er del av prosjektet), der det klart går fram kva oppgåver søkjar skal utføre. • Eventuelle andre vedlegg. Vi gjer merksam på at vi ikkje vil kunne vurdere deg som søkjar dersom vedlegg og etterspurt informasjon manglar i søknaden.​ Merk at kursa rettleiarkurs og Behandling av personopplysninger i medisinsk og helsefaglig forskning er obligatoriske for alle rettleiarar og mentorar ved Det medisinske fakultet og må være gjennomført før opptak til ph.d.-programmet. Andre opplysningar:​ Hovudrettleiar må ha hovudstilling (minst 50% stillingsstorlei​k) ved Det medisinske fakultet. Unntak kan verte gjort for personar som har bistilling ved fakultetet og hovudstilling i helseføretak i Helse Vest, i NORCE eller i primærhelsetenesta på Vestlandet.  Hovudrettleiar må vere tilsett ved fakultetet i heile stipendperioden. Unntaksvis kan det gjerast fråvik frå regelen om tilsetjing i heile perioden, men då må ein gjere greie for korleis rettleiinga skal ivaretakast av ein annan person tilsett ved fakultetet. En person kan ikkje være hovudrettleiar på søknadstidpunktet dersom han/ho vert pensjonert (inkludert emeritus) i løpet av stipendperioden.  Berre éin søknad frå kvar hovudrettleiar vil verte evaluert. Generell informasjon:​ Nærare opplysingar om stillinga kan ein få ved å kontakte oss på fellesutlysning ved Det medisinske fakultet Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.   Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.        Livet som ph.d.-kandidat ved UiB​ Astrid Nybø forteller om livet og arbeidshverdagen som ph.d.-kandidat ved UiB. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5

Instituttleiar ved Institutt for lingvistiske, litterære og estetiske studium

Universitetet i Bergen

Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgA Instituttleiar ved Institutt for lingvistiske, litterære og estetiske studium​ Vil du leie eit institutt som formar framtida for humaniora?​ Det humanistiske fakultet ved Universitetet i Bergen søkjer instituttleiar ved Institutt for lingvistiske, litterære og estetiske studium (LLE) med tilsetjing frå 01.11.2026, eller så snart som mogleg etter dette. Instituttleiarstillingar er åremålsstillingar med tilsetjingsperiode på fire år, med høve til å søkje om inntil ein ny åremålsperiode. Kvifor søkje?​ Som instituttleiar får du ein unik moglegheit til å leie, utvikle og påverke. Stillinga er både utfordrande, mangesidig og ansvarsfull. Du vil arbeide i eit spennande og mangfaldig miljø med dyktige og inspirerande kollegaer, der du skal vera med på å forme eit institutt slik at både tilsette og studentar får gode vilkår for læring, utvikling og trivsel. Som leiar for den faglege og administrative staben har instituttleiaren moglegheit til å påverke og forme instituttet som arbeidsplass, studiestad, fageining og samfunnsaktør. Som instituttleiar får du eit særleg ansvar for å sikre eit inkluderande og fagleg stimulerande læringsmiljø, vidareutvikle kvaliteten i utdanningstilbodet og å sikre gode rammevilkår for både lærings- og studiekvardagen. Du må vere ein aktiv leiar som stimulerer til utvikling og samarbeid innanfor og utanfor instituttet. I stillinga vil du få god moglegheit til å utvikle deg sjølv som leiar i nær samhandling med leiargruppa ved instituttet og med støtte frå fakultet, dekanat og universitetsleiing. Du vil ta del i den faglege og organisatoriske verksemda på både fakultets- og universitetsnivå, og du får dermed stor innverknad på utviklinga av humaniora som fagfelt. Om instituttet​ Institutt for lingvistiske, litterære og estetiske studium har om lag 80 vitskapleg tilsette, 17 administrativt tilsette, rundt 40 ph.d.-kandidatar og sju postdoktorar. Instituttet femner om faga allmenn litteraturvitskap, digital kultur, klassiske fag, kunsthistorie, nordisk litteratur, språk og fagdidaktikk, norrøn filologi, norsk som andrespråk, språkvitskap og teatervitskap. Instituttet er òg stolt vertskap for to senter, Senter for digitale forteljingar og Senter for norsk fagspråk, og for tre av dei viktigaste ordbøkene i Noreg. Arbeidsoppgåver og ansvar:​ Instituttleiar har det overordna ansvaret for den samla faglege og administrative verksemda ved instituttet. Instituttleiaren har fullmakt til å prioritere og gjere strategiske val innanfor instituttet sine samla ressursar, med unntak av saker som skal avgjerast i instituttrådet. Leiaren sitt ansvarsområde omfattar strategisk og fagleg-politisk leiing og leiing av forsking, forskarutdanning, undervisning og formidling ved instituttet. Som instituttleiar vil du mellom anna ha ansvar for forvalting av studietilbodet inkludert ressursbruk. Gjennom tett samarbeid med fagtilsette og studentar skal instituttleiar bidra til å sikre høg fagleg kvalitet i studieprogramma. Utvikling og drift av forskingsaktiviteten er ein del av den faglege leiinga. Det høyrer med til instituttleiar sine oppgåver å motivere tilsette til å skaffe ekstern forskingsfinansiering og oppmuntre til forskingsformidling. Instituttleiar har ansvar for det internasjonale samarbeidet ved instituttet. Stillinga har arbeidsgjevaransvar ved instituttet, ansvar for HMS-tiltak og administrasjon, og innstillingsfullmakt i tilsetjingssaker. Instituttleiaren har ansvar for utforming av årsplan og budsjett, og skal sikre rasjonell drift og budsjettbalanse innanfor rammevilkår gitt av fakultetsstyret. Nødvendige kvalifikasjonar:​ • Søkjarar skal fortrinnsvis ha professorkompetanse (minimum førsteamanuensisnivå), med forskings- og undervisingserfaring innanfor instituttets fagområde eller liknande fagområde. Søkjarar med relevant doktorgrad og fagleg relevant kompetanse frå verksemder i privat og/eller offentleg sektor vil også bli vurdert. • Fagleg-administrativ leiarerfaring frå sektoren eller andre komplekse organisasjonar med faglege oppgåver. • God kjennskap til nasjonal og internasjonal forsking, utdanning og forskingsfinansiering for fagområda ved instituttet. • Gode norskkunnskapar, både skriftleg og munnleg. Administrasjonsspråket ved universitetet er norsk. Det vil bli lagt stor vekt på personlege eigenskapar, inkludert: • Evne til strategisk tenking og planmessig handling innanfor gjevne ressursrammer. • Evne til å arbeide resultatorientert mot fastsette mål. • Høg integritet og evne til å skape tillit. • Ein motiverande, open, målretta og inkluderande leiarstil. • Evne til å leggje til rette for eit godt arbeidsmiljø. • Solide kommunikasjonsevner og evne til å byggje relasjonar og samarbeid. • Fokus på utvikling og å finne gode løysingar. • Evne til å ivareta studentperspektiv gjennom aktiv involvering av studentane. Tilsetting i stillinga vil bygge på ei heilskapleg vurdering. Hos oss får du:​ • Interessante og utviklande leiaroppgåver. • Eit fagleg stimulerande arbeidsmiljø. • Dyktige og engasjerte tilsette i aktive fagmiljø. • Høve til å byggje sterke faglege nettverk. • Ein arbeidsstad i hjartet av Bergen - nær både byliv og natur. • Løn i stillingskode 1475 vert fastsett etter individuell vurdering innanfor eit spenn mellom kr 1 184 600 – 1 255 700, avhengig av kompetanse og erfaring. For særskilt kvalifiserte søkjarar kan det verte aktuelt å vurdere høgare løn. Frå bruttoløna vert det trekt 2 % til pålagt medlemsskap i Statens pensjonskasse. • Medlemskap i Statens pensjonskasse, som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån. • Ein trygg og fleksibel arbeidskvardag med gode velferdsordningar. • Mogleg fast stilling etter utløp av to heile åremålsperiodar. Slik søkjer du stillinga:​ Søknad og CV skal sendast elektronisk via lenka «SØK STILLINGA» på denne sida. Nærare om tilsettingsprosessen her. Generell informasjon:​ Utfyllande opplysningar om stillinga kan ein få ved å vende seg til dekan, professor Camilla Brautaset på telefon 55 58 23 06 / 473 29 832 eller e-post camilla.brautaset@uib.no, eller til fakultetsdirektør Kim Ove Hommen på telefon 55 58 93 41 / 908 85 702 eller e-post kim.hommen@uib.no. Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no. Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Stipendiat

Høgskulen på Vestlandet

Ved Høgskulen på Vestlandet (HVL) er det ledig ei stlling som stipendiat innan forskingsprosjektet Singing Maps: developing online music communities to support Sámi adolescent cultural resilience, ved Fakultet for lærarutdanning, kultur og idrett​ Stillinga inngår i Institutt for kunstfag, campus Bergen. Det er ønskjeleg at stipendiaten startar i stillinga innan 1. oktober 2026, men seinare oppstart er også mogleg. Om prosjektet: ​ Forskingsprosjektet Singing maps er eit 4 årig (2025-2029) forskingsprojekt finansiert av Forskningsrådet som skal bygge kunnskap om og utvide deltaking av samiske ungdommar i samiske musikaliske tradisjonar. Singing Maps undersøker sentrale spørsmål rundt kulturell berekraft og urfolks resiliens som tradisjon og fornying, eigarskap og ansvar, og kulturell identitet i samisk kontekst. I samarbeid med kulturberarar frå heile Norden og eit breitt internasjonalt nettverk av høgare utdanningsinstitusjonar, vil denne studien gi eit empirisk grunnlag for betre å forstå korleis urfolksmusikk har blitt til og effektivt kan delast med unge menneske. Desse perspektiva vil danne grunnlaget for utvikling og implementering av eit første i sitt slag nettbasert musikklæringsfellesskap for bruk i vidaregåande opplæring i Norge, Finland og Sverige. Slik vil dette prosjektet bidra til å engasjere samiske ungdommar i levande musikalske miljø, styrke kulturell resiliens og sikre ei berekraftig samisk stemme i nordisk samfunn. Prosjektet har fire kjerneføremål:​ • Bygge kunnskap om tradisjonelle læringspraksisar i samisk kultur i Norge, Sverige og Finland. • Etablere etiske standardar for deling av tradisjonell musikk i ein internasjonal samanheng for urfolk. • Utvikle nettbaserte musikkopplæringsressursar i samarbeid med kulturarvsberarar. • Evaluere effektiviteten av ein nettbasert plattform for å støtte samiske ungdommar sin kulturelle resiliens gjennom musikkundervisning. Om stillinga:​ Stipendiatstillinga vil vere knytt til Singing Maps-prosjektet med ei musikkpedagogisk forskingsinnretting, og vil særskilt koplast til forsking på Sámiske vokale tradisjonar og kandidaten si eiga kunstnarleg verksemd og identitet. Stipendiaten vil leie ein sjølvstendig forskingsstudie som brukar kunstnarleg utviklingsarbeid/autoetnografiske metodar med ei problemstilling som undersøker på kva måtar overgangsritualet frå lærling til kulturberar kan opplevast og forståast gjennom moderne kunstnarleg praksis og kunstnarleg utviklingsarbeid. Resultatat frå studien vil kaste lys over emne som er relevante for dei sentrale kjerneføremåla i Singing Maps, som til dømes notids og historisk samisk vokalmusikkpraksis, generasjonsoverføring av vokale tradisjonar, Samisk kulturell og kunstnarleg identitet, og tradisjon og fornying i samisk musikkutøving. Ph.d.-prosjektet kan gjerne innrettast mot eitt eller fleire av følgjande forskigsspørsmål, eventuelt liknande problemstillingar: a) kva kjenneteiknar samisk læringspraksis i tradisjonell sang og joik i ulike generasjonar? b) korleis kjønnsroller vert definerte, utforma og utfordra innanfor samisk vokalmusikklæring og framføringspraksis c) korleis overgangsritual frå elev til kulturberar i samiske vokaltradisjonar vert ramma inn og opplevd av unge menn og kvinner, og d) kva aspekt ved desse læringspraksisane kan vere utfordrande i formell og virtuell musikkundervisning.  Prosjektgruppa i Singing Maps vil kunne gje stipendiaten eit rikt forskingsmiljø på fleire måtar. Kandidaten vil få eit stipendiatmiljø med andre som skriv doktor- eller mastergrad innafor tangerande tema. Kandidaten vil møte mange forskarar med doktorgrad, både frå HVL og dei andre samarbeidsinstitusjonane, som kan støtte opp om doktorgradsarbeidet. Singing Maps har eit omfattande nettverk og samarbeider med Sámisk kulturinstitusjonar i Norden som kan støtte førestillingar og formidling av stipendiaten sine  kunstnarlege  produksjonar, utvikla innanfor prosjektet. Dei internasjonale forskarane i Singing Maps kan gi kandidaten mulighet for internasjonalt forskingssamarbeid og mobilitet over heile den nordisk regionen og andre land som Kina, Canada, Aotearoa New Zealand, og Australia. Stipendtiaten vil få høve at delta og presentere forskinga si på store internasjonale konferansar både sjølv og saman med andre forskarar i Signing Maps. Stipendiaten skal inngå i eit godkjent opplegg for ph.d.-grad innan ei tidsramme på 3 år. «Føresetnaden er at stipendiaten vert teke opp på ph.d.-programmet «Studiar av danning og didaktisk praksisar» ved HVL. Dette er eit forskarutdanningsprogram som har som mål å fremje vitskapleg arbeid og forsking innanfor utdannings- og opplæringssektoren, kultursektoren og andre sektorar som krev spesiell vitskapleg innsikt i samanhengar mellom danning og didaktisk og pedagogisk praksis. Ansvars- og arbeidsområde:​ I tillegg til å gjennomføre eige prosjekt skal stipendiaten gjennomføre obligatorisk del i doktorgradsprogrammet «Studiar av danning og didaktiske praksisar» ved FLKI, delta i stipendiatforumet ved FLKI og bidra aktivt i forskargruppa Singing Maps.  Stipendiaten skal samarbeide med andre medlemmer av Signing Maps-teamet, inkludert seniorforskarar, tradisjonsberarar og andre doktorgrads- og masterstudentar for å utvikle vitskaplege publikasjonar, seminar, konferansepresentasjonar, populærvitskaplege publikasjonar og pedagogisk/digitalt arkivmateriale.  Kvalifikasjonskrav:​ Søkjar må ha mastergrad i musikkutøving, musikkpedagogikk eller anna relevant fagområde som til dømes etnomusikologi,  musikkvitskap, undervisningsvitskap eller pedagogikk. Kandidaten skal lede ein etablert kunstnarleg praksis med tilknyting til samisk musikk. Det er meriterande om ansøkaren har verifierad samisk kulturell kompetens.  Det er ein fordel om søkjar har gode munnlege og skriftlege kunnskapar i norsk eller anna skandinavisk språk. Flytande munnleg og skriftleg framstillingsevne på engelsk er eit krav for stillinga. Følgjande kvalifikasjonar vert særskilt vektlagt: ​ Søkjar må legge ved ei prosjektskisse på inntil fem sider som presenterer og grunngjev tema, problemstilling og val av teori og metode for eit potensielt prosjekt. Denne prosjektskildringa blir brukt til vurdering av kvalifikasjonane til kandidaten og vil ikkje vere den endelege prosjektskildringa. Det endelege stipendiatprosjektet vil seinare bli utforma i samråd med rettleiar. Stipendiatar som blir tilsett må bli tekne opp i doktorgradsprogrammet «Studiar av danning og didaktiske praksisar» ved FLKI. Det er ein føresetnad at kandidaten fyller krava for opptak til phd-studiet. Normalt tek programmet opp berre kandidatar med karakter A eller B på mastergraden. Vitskapleg produksjon kan bli vektlagt. Nærmare informasjon om doktorgradsprogrammet finn ein HER.  Seinast 3 månader etter tilsetting må stipendiaten vere teken opp på ph.d.-programmet. Nærare informasjon om korleis ein søkjer opptak til ph.d.-programmet finn ein HER.  Varigheit :​ Stipendiaten skal inngå i eit opplæringsprogram for ph.d.-grad innanfor ei tidsramme på 3 år. Det er ein føresetnad at den som blir tilsett har arbeidsplassen sin ved Høgskulen på Vestlandet, campus Bergen. Personlege eigenskapar:​ Den som blir tilsett må vere nytenkjande, ha god gjennomføringsevne og kunne arbeide sjølvstendig og i eit fellesskap.  Korleis søkje på stillinga?​ Send søknad og CV ved å klikke på knappen merka ”Søk stillingen” på denne sida. Me gjer merksam på at søknadar vert vurdert ut frå den informasjon som er lagt inn i www.jobbnorge.no ved søknadsfristens utløp. Det er søkjar sitt eige ansvar å sørge for at alle relevante vedlegg er lagt inn innan fristen, herunder masteroppgåva/hovedfagsoppgåva og inntil 5 vitskaplege arbeid som de ønsker å ha med i vurderinga, fullstendig publikasjonsliste, prosjektskildring, attestar og vitnemål. Dersom vitnemål, karakterutskrift eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje. Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning.  HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.  Søkjarar til stipendiatstillingar vert vurdert av ein bedømmingskomité. Bedømminga skjer på bakgrunn av dokumentert kompetanse og andre krav fastsett i utlysinga. På bakgrunn av komitéen si innstilling vil aktuelle søkjarar bli kalla inn til intervju. Tilsettingsorgan er tilsettingsutvalget/råd ved Høgskulen på Vestlandet. Søknadane vert sendt elektronisk til det sakkunnige utvalet. Søknadar kan ikkje sendast på e-post til enkeltpersonar ved høgskulen. Vi tilbyr:​ • Gode pensjons-, forsikrings-, og låneordningar i Statens pensjonskasse • Spanande fagmiljø med moglegheit for kompetanseheving – og utvikling • Moglegheiter for trening i arbeidstida Stillinga som stipendiat vert løna i stillingskode 1017 Stipendiat. Vidare opprykk skjer etter tenesteansiennitet i stillinga. Frå løna vert det trekt 2 % innskot til Statens pensjonskasse. Den som blir tilsett, må rette seg etter dei retningsliner som til ei kvar tid gjeld for stillinga. Generell informasjon:​ Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje. Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ei balansert alders- og kjønnssamansetjing, rekruttere personar med minoritetsbakgrunn, personar med nedsett funksjonsevne og hol i CV.  Tilsatt under forutsetning av at du får innvilget arbeids- og oppholdstillatelse (må vurderes individuelt​). Høgskulen på Vestlandet er underlagt eksportkontrollforskriften. Forskrifta kan komme til bruk i behandlinga av søknadane. Kontaktpersonar ved Høgskulen på Vestlandet er:​ 1) Instituttleder for kunstfag, Hege Gjerde Sviggum, Hege.Gjerde.Sviggum@hvl.no 2) Førsteamanuensis David Johnson, David.Johnson@hvl.no Inkludere, utfordre og samhandle​ Les meir på våre heimesider.