Sjukepleiar og vernepleiar

Bu- og avlastingstenesta har ledig stilling som

Sunnfjord kommune Bu- og avlastningstenesta

Sunnfjord Bu- og avlastingsteneste  er ei døgnbemanna eining som yt avlasting til føresette med særs krevjande omsorgsoppgåver. Vi søker deg som vil vere med på å gjere ein forskjell i barn og unge sine liv.    Vi har no ledig: ​ 1 x 100 % fast stilling som autorisert sjukepleiar/vernepleiar  1 x 100 % vikariat som autorisert sjukepleiar/vernepleiar   1 x 100 % vikariat som autorisert sjukepleiar/vernepleiar frå 01.12.2026   Delar av den faste stillinga og vikariatet frå 01.12.26 er i heim på natt og dag.     Bu- og avlastingstenesta yter tenester til føresette med særskilt tyngande omsorgsoppgåver for barn 0-18 år. Vi som jobbar her er assistentar, helsefagarbeidarar, barne- og ungdomsarbeidarar, lærarar, pedagogar, sosionomar, vernepleiarar og sjukepleiarar. Vi held til i eit nytt tilrettelagt og praktisk bygg i sentrum av Førde og har meir enn 40 barn innom til ulike tider. Nokon bur fast i eigne leilegheiter, men dei fleste bur heime. Alle skal ha ein trygg og god oppfølging av oss når dei er her. Dei treng hjelp, rettleiing og trygge tolmodige tilsette som er støttande og ivaretakande. Vi følger barna til aktivitetar som  bading, i trampolineparken, klatrehallen, Hafstadparken, skibakken og elles finn vi på rolege aktivitetar inne eller ute på avlastinga Vi ser etter deg med eit stort hjarte som ynskjer å nytte din fagkompetanse til å gjere ein skilnad. Vi legg opp dagane i samråd med føresette, barn, unge og samarbeidspartar etter barna sine ynskjer, interesser og behov.   Her får du vere med på alt frå klatring, sykling, bading, ski, trampolinepark og fotball, til rolege aktivitetar som brettspel, teikning og kos inne - alltid med fokus på meistring, tryggleik og glede – ein har i stor grad mogelegheit til å legge opp arbeidsdagen sin sjølv. Du vil jobbe tett med føresette, skule, barnehage, spesialisthelsetenesta og andre som yt tenester til barn og unge for å sikre eit heilskapleg tilbod.   Ein jobbar i tredelt turnus med arbeid tredje kvar helg. Arbeidsoppgåver: ​ • Legemiddelhandtering  • Koordinator i ansvarsgrupper  • Skape trygge dagar gjennom tydeleg struktur og varme relasjonar  • Legge til rette for og gjennomføre meiningsfulle aktivitetar tilpassa den enkelte sitt funksjonsnivå  • Samarbeide med interne og eksterne instansar   • Planlegge, følgje opp og evaluere tiltak  • Oppdatere tiltaksplanar  • Fagleg, etisk og trygg gjennomføring ved behov etter Helse- og omsorgstenesteloven kap. 9   • Journalføring i fagprogrammet Cosdoc  • Matlaging, klesvask og anna førefallande arbeid  Krav til stillinga:​ • Norsk autorisasjon som sjukepleiar/vernepleiar • Må meistre godt norsk skriftleg og munnleg  • Du må vere sjølvstendig samt kunne samarbeide  • Må vere personleg eigna og ha interesse for fagfeltet  • Førarkort kl. B  Vi søker deg som:​ • Er tolmodig og har eit ynskje om å jobbe med barn og unge  • Du bidreg til eit positivt arbeidsmiljø og deler fagkunnskap med kollegaer  • er påliteleg, ryddig og ansvarsfull Vi tilbyr: ​ • Ein meiningsfull kvardag der du kan gjere ein skilnad  • Eit inkluderande, fagleg sterkt og støttande arbeidsmiljø  • Varierte dagar med mykje aktivitet og glede  • Gode pensjons og forsikringsordningar  Gyldig politiattest må leverast før oppstart i stilling.      Velkommen som søkar, vi ser fram til å høyre frå deg!    Link til søknadsskjema: Søk her

Vi søkjer engasjert sjukepleiar til fast stilling 

Medisinsk sengepost 2 Førde, Helse Førde

Medisinsk sengepost 2 ved Førde sentralsjukehus har ledig 100% fast stilling for sjukepleiar, med oppstart snarast. ​ Vi ønskjer å kome i kontakt med deg som har eit fagleg engasjement og ønskje om å bidra til god kvalitet i tenestene våre. Medisinsk sengepost 1 og 2 har flytta inn i nytt og moderne sjukehus, og sengepostane samarbeidar tett med kvarandre. Medisinsk sengepost 2​ har  mage/tarm, lunge, lungekreft- og utgreiing  som spesialiserte fagfelt. Medisinsk sengepost 1​ har nyre, diabetes og endokrinologi, hjartesjukdommar og geriatri som spesialiserte fagfelt. Hos oss vil du få  ein kvardag prega av stor variasjon, eit mangfald av kollegaer som du kan spørje, lene og støtte deg på. Det er det gode moglegheiter for fagleg utvikling og nye erfaringar.  Arbeidsoppgåver​ Som sjukepleiar, vil du møte akutte og kronisk sjuke pasientar med ulike sjukdomsbilete, mange av pasientane er eldre med samansette helseplager. Arbeidet er pasientrelatert med oppfølging av behandling, stell og pleie. Vi har 3-delt turnus og ein må kunne jobbe i det. Vi tilbyr også langvakter i turnus på helg. Arbeidet er tverrfagleg og vi samarbeider også med pårørande og primærhelsetenesta. I det tverrfaglege arbeidet samarbeider ein til dømes med lege, fysioterapeut, ergoterapeut og apotekpersonell. Dokumentasjon i DIPS og Meona er ein del av det daglege arbeidet. Kvalifikasjonar​ Søkjar må vere autorisert sjukepleiar. Det vil være ein fordel om du har erfaring frå sengepostarbeid frå tidlegare, men ikkje påkrevd. Du må kunne handtere bruk av PC med tilhøyrande program. Det vert gitt opplæring i sjølve programma vi brukar. Søkjar må mestre godt norsk både skriftleg og munnleg.  Søkjar med relevant erfaring vil bli prioritert Personlege eigenskapar​ Vi ser etter ein engasjert og motivert sjukepleiar som ønskjer å ta del i ein hektisk kvardag med mange varierte problemstillingar. Det er viktig at du kan arbeide både sjølvstendig og i team. Ein av våre styrker er at vi er ei inkluderande gruppe som hjelper kvarandre og har lav terskel for å stille spørsmål. Fagleg utvikling, evne til fleksibilitet og omstilling er eigenskapar som er viktige hos oss. Vi tilbyr​ Medisinsk sengepost tilbyr god opplæring gjennom faddeordning med trygge rammer. Vi jobbar aktivt med organisasjonsutvikling på våre tenester og ønskjer gode og glade medarbeidarar med oss på laget for å skape eit nytt og betre sjukehus for våre pasientar og tilsette. Vi har fokus på å styrkje sosial tilhøyrsle og trivsel på arbeidsplassen med årlege treffpunkt som julebord, sommarfest og blå-tur. Medisinsk sengepost ønskjer å komme i gang med langvakter og vil tilby dette til dei som ønskjer det.    Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. ​ Kontaktinformasjon​Anne Mari Indrebø, Seksjonsleiar, (+47) 909 20 435 Arbeidssted​Svanehaugvegen 2 6812 Førde Nøkkelinformasjon:​Arbeidsgiver: Helse Førde Referansenr.: 5092104462 Stillingsprosent: 100% Fast Søknadsfrist: 16.08.2026

Sjukepleiar/nevrofysiologiteknikar

Nevro og revma poliklinikk, Helse Førde

​Har du interesse for nevrologi og ønskjer å arbeide med mellom anna klinisk nevrofysiologi?​ Ved Nevro- og revmapoliklinikk har vi ledig ei 70 % fast stilling frå 1. oktober 2026. Stillinga er primært knytt til fagfeltet nevrologi og klinisk nevrofysiologi (KNF), og gir høve til å arbeide i eit spennande og utviklande fagmiljø med høg kompetanse. Vi samarbeider tett med Avdeling for klinisk nevrofysiologi ved Nevroklinikken på Haukeland universitetssjukehus. Vi er opptekne av å skape ein arbeidsplass der medarbeidarane trivst, utviklar seg og spelar kvarandre gode. Hos oss får du dyktige kollegaer, god opplæring og tett oppfølging i eit arbeidsmiljø prega av samarbeid, respekt og fagleg nysgjerrigheit. For søkjaraar som ønskjer høgare stillingsprosent, kan stillinga kombinerast med helgestilling ved Nevrologi- og rehabiliteringssengeposten slik at samla stillingsstorleik kan bli 100 %. Arbeidsoppgåver​ • Utføre klinisk nevrofysiologiske undersøkingar, hovudsakleg elektroencefalografi (EEG) og nevrografi (NCV) • Assistere ved og utføre polikliniske prosedyrar • Klargjere, følgje opp og informere pasientar i samband med undersøkingar • Arbeide sjølvstendig og bidra i tverrfagleg samarbeid i eit fagmiljø med både praktiske og teoretiske arbeidsoppgåver • Delta i øvrige oppgåver ved Nevro- og revmapoliklinikken • Dokumentere og registrere i elektronisk pasientjournalsystem • Bidra til fagleg utvikling og kvalitetsarbeid i seksjonen Kvalifikasjonar​ • Vi ønskjer primært ein offentleg godkjend sjukepleiar, men søkjarar med anna relevant utdanning kan også søkje • Erfaring innan nevrologi og/eller klinisk nevrofysiologi er ein fordel, men ikkje eit krav • Gode IT-kunnskapar og teknisk forståing • Gode norskkunnskapar, både skriftleg og munnleg Personlege eigenskapar​ • Du er teknisk anlagt, har god digital kompetanse og likar å setje deg inn i ny teknologi • Du har gode kommunikasjonsevner og eit tydeleg pasientfokus • Du har gode samarbeidsevner, fagleg interesse og engasjement • Du arbeider strukturert og sjølvstendig, samtidig som du fungerer godt i team • Du er fleksibel og trivst med høgt arbeidstempo • Du bidreg aktivt til eit godt arbeidsmiljø Vi tilbyr​ • God opplæring. • Strukturert oppleæring innan klinisk nevrofysiologi • Rettleiing og fagleg støtte frå erfarne kollegaer • Høgt fagleg nivå • Aktivt og inkluderande arbeidsmiljø • Mogelegheiter for fagleg og personleg utvikling • Lønn i samsvar med gjeldande overeinskomst • Gode pensjons- og forsikringsordningar   Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. Kontaktinformasjon​Anne Marit Sølvberg Rygg, Avdelingssjef, (+47) 958 25 538 Elin Ese, Seksjonsleiar, (+47) 986 04 663 Arbeidssted​Svanehaugvegen 2 6812 Førde Nøkkelinformasjon:​Arbeidsgiver: Helse Førde Referansenr.: 5154244635 Stillingsprosent: 70% Fast Startdato: 01.10.2026 Søknadsfrist: 16.08.2026