Diabetessjukepleiar
Bergen4 dagar kvar
Vi søker ein engasjert og fagleg sterk diabetessjukepleiar til Eining for behandlingshjelpemiddel (BHM). Stillinga har hovudfokus på diabetesbehandling og oppfølging av pasientar som får medisinsk teknisk utstyr i heimen.
Vi ser etter deg som har solid kompetanse innan diabetessjukepleie og som trivst i eit fagfelt i kontinuerleg utvikling. Du vil få ei viktig rolle i samhandling med kliniske miljø, pasientar og leverandørar – og vil få moglegheit til å bidra i nasjonalt anbodsarbeid.
BHM har ansvar for utlån og oppfølging av medisinsk teknisk utstyr og tilhøyrande forbruksmateriell til pasientar i Helse Bergen. Eininga har eit tett samarbeid med kliniske avdelingar og tilbyr òg poliklinisk oppfølging og opplæring.
Du vil bli del av eit tverrfagleg og kompetent fagmiljø som arbeider for gode og effektive pasientforløp.
Arbeidsoppgåver
Ansvarsområde:
oppfølging av pasientar innan diabetes og behandlingshjelpemiddel
tett samhandling med klinikkar, primærhelsetenesta og leverandørar
bidra i nasjonalt innkjøpsarbeid og oppfølging av avtalar
medverke til utvikling av tenesta i tråd med fagleg og teknologisk utvikling
Konkrete oppgåver:
handtere pasientførespurnader via telefon og Helsenorge
rettleie og samarbeide med kliniske miljø og førstelinjetenesta
gjennomføre opplæring i bruk av insulinpumper og sensorteknologi
dokumentere i journalsystem
følgje opp utstyr, forbruksmateriell og leveransar
bidra til kvalitetssikring og forbetringsarbeid
Kvalifikasjonar
- norsk autorisasjon som sjukepleiar
vidareutdanning i diabetessjukepleie
relevant formell utdanning og dokumentert arbeidserfaring innan diabetesbehandling kan erstatte kravet om vidareutdanning etter ei samla vurdering
god digital kompetanse og evne til å setje seg raskt inn i nye system
meistrar norsk skriftleg og munnleg godt
Det er i tillegg ein fordel med:
erfaring med avanserte insulinpumper og sensorteknologi
erfaring frå spesialisthelsetenesta
erfaring med innkjøpsprosessar, avtaleoppfølging eller liknande arbeid
Personlege eigenskapar
- arbeider strukturert og systematisk
har høg gjennomføringsevne og evnar å følgje opp oppgåver over tid
trivst i eit fagfelt i endring og held deg fagleg oppdatert
er serviceinnstilt og løysingsorientert
trivst med å arbeide både sjølvstendig og i team
bidreg positivt til arbeidsmiljøet
Vi tilbyr
- ei spennande stilling i eit framtidsretta fagfelt i rask utvikling
moglegheit til å påverke og bidra i nasjonalt arbeid
eit sterkt tverrfagleg fagmiljø
fleksitid med kjernetid
dagarbeid med fri i helgar
løn etter gjeldande overeinskomst
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
KontaktinformasjonIrene Morild, Seksjonsleiar, 55977982, irene.morild@helse-bergen.no
ArbeidsstadSolheimsgaten 13
5058 Bergen
Nøkkelinformasjon:Arbeidsgivar: Helse Bergen HF
Referansenr.: 5164633841
Stillingsprosent: 100%
Fast
Søknadsfrist: 06.09.2026