I digitaliseringsseksjonen jobbar vi for å løyse oppgåver og prosessar på smartare måtar. Stillinga ligg under faggruppa «Brukar og design». Vi søkjer deg som brenn for å skape gode brukaropplevingar og forretningsresultat, gjerne ved smart bruk av teknologi og digitale verktøy.
Vi nyttar «brukaren i sentrum» som ein del av standardisert metodikk når vi forbetrar prosessar, utviklar leveransar og løysingar. Hjå oss vil du jobbe saman med brukarar i alle avdelingar og seksjonar på ulike prosjekt og leveransar. Rolla vil vere å fasilitere og bistå i ulike prosjekt med mål om å utvikle brukarretta tenester som fungerer godt i praksis.
Arbeidsoppgåver
- Fasilitere og delta i ulike prosessar med bruk av verktøyet «Brukaren i sentrum».
Fungere som utgreiingsleiar/-ressurs i konseptfasen t.d prosjekt i tidlegfase
Utforske problemstillingar og utvikle løysingsforslag saman med faggruppa
Prototype og visualisere tenester, produkt og prosessar
Bistå med å konkretisere behov og løysingar gjennom konseptforslag
Overlevere og presentere resultat og anbefaling til oppdragsgjevar/prosjekteigar.
Bistå med å forme og implementere metodikk og designkultur i organisasjonen
Kvalifikasjonar
Du må ha:
Relevant høgare utdanning på bachelornivå innan tenestedesign/UX-design, interaksjonsdesign eller tilsvarande utdanning.
God norskkunnskap, både skriftleg og munnleg (minimum B2)
Erfaring med designverktøy, for eksempel Mural eller Figma
Erfaring med å gjennomføre, dokumentere og visualisere ulike konsept frå ide til løysing
Kunnskap om offentleg forvaltning
Du bør ha:
Kompetanse og erfaring med tilrettelegging og gjennomføring av workshop
Kunnskap og erfaring i presentasjon av arbeid og funn, både munnleg og skriftleg
2-5 års relevant arbeidserfaring
Kjennskap til UX-metoder og universell utforming
Erfaring med arbeid i tverrfagleg team
Personlege eigenskapar
- Nysgjerrig og trygg i dialog med brukarar og interessentar
Blir motivert av å vere i eit fagmiljø som framleis er under oppbygging- og som brenn for å påverke korleis vi jobbar med brukarorientert design
Tar initiativ, deler kompetanse og bidreg til at faggruppa og tilsette lukkast
Er løysingsorientert, fleksibel og komfortabel med å prøve, teste og lære
Du kjenner deg igjen i verdiane våre som er open, kompetent og modig.
Personlege eigenskapar vil bli særleg vektlagt.
Vi tilbyr
Hos oss får du:
Ein meiningsfull og samfunnsnyttig arbeidskvardag
Ei spanande stilling i eit arbeidsmiljø med høg fagleg kompetanse
Gode moglegheiter for fagleg utvikling
Løn etter avtale
Fleksibel arbeidstid
KontaktinformasjonTom Sølve Myklebust, seksjonssjef, 41530977
ArbeidsstadLars Hilles gate 22
5008 Bergen
Nøkkelinformasjon:Arbeidsgivar: Vestland fylkeskommune
Referansenr.: 5171003457
Stillingsprosent: 100%
Fast
Søknadsfrist: 13.09.2026