Sjukepleiar i Team - Furuhaugane omsorgssenter   

Sjukepleiar – vikariat ved Furuhaugane omsorgssenter​

Furuhaugane omsorgssenter er ein somatisk sjukeheim med 49 sengeplassar, fordelt på langtids- og korttidsplasser. Langtidsavdelinga har 23 pasientrom og eitt palliativt rom. Korttids- og langtidsavdelinga har 25 senger, inkludert to ØHD-senger (øyeblikkeleg hjelp døgnplassar), og tek imot pasientar med ulike behov for korttids- og langtidsopphald. Korttidsavdelinga har ansvar for rehabiliterings-, vurderings- og avlastningsopphald, i tillegg til ØHD-plassane. På huset har vi også eige mottakskjøkken, samfunnskoordinator og musikkterapeut som bidreg til eit variert og heilskapleg tilbod til bebuarar og pasientar.

Vil du bli ein del av sjukepleiarteamet vårt?​

Vi søkjer ein engasjert sjukepleiar i vikariat i samband med fødselspermisjon, og ønskjer deg velkomen som ein del av vårt sjukepleiarteam.

Hos oss blir du ein del av eit stort og variert fagmiljø, med dyktige og engasjerte kollegaer. Det kan bli moglegheit for forlenging.

Bli med på utviklinga fram mot ny institusjon - Albertatunet​

Furuhaugane skal avviklast i 2028, og vi skal då flytte inn i ein ny institusjon. Dette gir oss ein unik moglegheit til å vere med på å utvikle framtidas eldreomsorg i Kinn kommune. I overgangen til ny institusjon skal vi vidareutvikle sjukepleiarrolla og skape ei framtidsretta og innovativ teneste. Ambisjonen vår er at den nye institusjonen skal bli eit løft for eldreomsorga i Kinn kommune, og at vi skal liggje i front når det gjeld sjukeheimsfagleg utviklingsarbeid.

Som sjukepleiar hos oss får du derfor ikkje berre ein jobb i eit etablert fagmiljø – du får også moglegheita til å bidra til utviklinga av morgondagens tenester.

Personsentrert og kunnskapsbasert omsorg​

For oss handlar det om å sjå kvar enkelt bebuar og pasient, og leggje til rette for at livet skal vere meiningsfullt og helsefremjande, uavhengig av funksjonsnivå.

Vi er opptekne av kontinuerleg kompetanseutvikling og kvalitetsforbetring. Vi gir moglegheit til både digitale og fysiske kurs og opplæring, og vi tek i bruk ny teknologi og innovative løysingar som kan bidra til betre kvalitet og tryggare tenester. Eit døme er bruk av digitale risikotavler gjennom IMATIS.

Arbeidsoppgåver​

• Faglege prosedyrer

Kvalifikasjonar​

• Autorisasjon som sjukepleier

Personlege eigenskapar​

• Fagleg engasjert

Vi tilbyr​

• God oppfølging som nytilsett.