Ungdomsarbeidar 50% fast stilling (2 stillingar)
Kvinnherad6 dagar kvar
Vil du vere med og skape trygge møteplassar og gode oppvekstvilkår for ungdom i Kvinnherad?
Kvinnherad kommune søkjer to engasjerte og relasjonssterke ungdomsarbeidarar i 50 % faste stillingar. Stillingane er knytte til Ungdomsteamet og har hovudfokus på drift og utvikling av ungdomsbasane i Rosendal og på Husnes. I tillegg vil du vere ein viktig del av det førebyggjande arbeidet gjennom oppgåver innan både utekontakt og ungdomslos.
Dette er spennande stillingar for deg som ønskjer å gjere ein forskjell i ungdomar sine liv, og som trivst med ein variert arbeidskvardag der relasjonar, aktivitetar og samarbeid står sentralt.
Om stillingane
Ungdomsteamet i Kvinnherad består av ungdomsarbeidarar, ungdomslosar og utekontaktar som saman arbeider for å skape trygge, inkluderande og rusfrie arenaer for ungdom.
Som ungdomsarbeidar vil du:
vere med å drifte og vidareutvikle ungdomsbasane i Rosendal og på Husnes
bidra til å skape trygge, inkluderande og rusfrie møteplassar for ungdom
planleggje og gjennomføre aktivitetar, arrangement og prosjekt saman med ungdomane
byggje gode relasjonar og vere ein trygg vaksenperson i ungdomane sin kvardag
arbeide oppsøkjande og førebyggjande gjennom utekontaktarbeid
bidra i oppfølging av ungdom som har behov for støtte og rettleiing i samarbeid med ungdomslos og andre tenester
samarbeide med skule, helsestasjon, politi, barnevern, frivillige lag og andre aktuelle samarbeidspartnarar
bidra til utvikling av kommunen sitt samla ungdomsarbeid
Arbeidstid
Stillingane er på 50 %, med arbeidstid i hovudsak fordelt på 2 til 3 arbeidsdagar per veke.
Arbeidet er primært lagt til ettermiddag og kveld, og omfattar:
arbeid på ungdomsbasane 2 til 3 ettermiddagar eller kveldar per veke
arbeid kvar tredje søndag
noko møteverksemd, planlegging og oppfølgingsarbeid på dagtid ved behov
Stillingane passar godt for personar som ønskjer å kombinere arbeidet med andre arbeidsforhold, studiar eller annan relevant aktivitet.
Me søkjer deg som
har eit ekte engasjement for ungdom og ønskjer å bidra til gode oppvekstvilkår og positive ungdomsmiljø
er ein trygg og tydeleg vaksenperson som byggjer gode relasjonar og skapar tillit
møter ungdom med respekt, varme og tydelege grenser
ser ressursane hos ungdom og legg til rette for medverknad og meistring
har gode samarbeidsevner og kommuniserer godt med ungdom, føresette og samarbeidspartnarar
er fleksibel, løysingsorientert og trivst med ein variert arbeidskvardag
tek ansvar, arbeider sjølvstendig og bidreg til eit godt arbeidsmiljø
trivst i endring og er open for å ta på deg nye oppgåver når behova i tenesta utviklar seg
Kvalifikasjonar
erfaring frå ungdomsarbeid, miljøarbeid, fritidsklubb, frivillig arbeid eller anna arbeid med barn og unge er ønskjeleg
erfaring frå førebyggjande arbeid, oppfølging av ungdom eller tverrfagleg samarbeid er ein fordel
relevant fagutdanning eller høgskuleutdanning innan helse-, sosial- eller pedagogiske fag er ønskjeleg
særleg relevant erfaring kan kompensere for manglande formell utdanning
førarkort klasse B er eit krav
Me veit at gode ungdomsarbeidarar kjem med ulik bakgrunn. Difor vil personlege eigenskapar, relasjonskompetanse, engasjement og relevant erfaring frå arbeid med ungdom verte vektlagde minst like mykje som formell utdanning.
Kvelds- og helgearbeid er ein naturleg del av stillingane, og me oppmodar særleg personar med erfaring frå arbeid med ungdom og gode relasjonelle ferdigheiter om å søkje.
Ungdomsteamet er ei teneste i kontinuerleg utvikling. Endringar i ungdomane sine behov, satsingsområde og organisering kan gjere at nye arbeidsoppgåver og ansvarsområde vert aktuelle over tid.
Personleg eignaheit vil verte tillagt avgjerande vekt ved tilsetjing.
Me tilbyr
ein variert og meiningsfull arbeidskvardag
moglegheit til å vere med og utvikle ungdomsarbeidet i Kvinnherad
eit fagleg sterkt og engasjert ungdomsteam med godt arbeidsmiljø
tett samarbeid med ungdomslosar, utekontaktar og andre fagpersonar
løn etter gjeldande avtaleverk
pensjonsordning og forsikringsordningar gjennom KLP
arbeidsplass i ei IA-verksemd
Gyldig politiattest må leggjast fram før tiltreding.
Vil du vere med å skape trygge møteplassar, gode relasjonar og nye moglegheiter for ungdom i Kvinnherad?
Me gler oss til å høyre frå deg!
Link til søknadsskjema: Søk her