Likar du å jobbe med menneske og ynskjer å bidra til at fleire kjem i arbeid og blir sjølvstendige? Då kan dette vere stillinga for deg!
Om Nav region Sogn
Nav Sogndal har ledig 100 % fast stilling som rådgivar. Stillinga høyrer til team helse og inkludering. Teamet arbeider på tvers av heile region Sogn, og omfattar kommunane Luster, Årdal, Aurland, Lærdal, Vik og Sogndal. Arbeidsstad vil vere Nav Sogndal.
Kva går jobben ut på?
Du vil følgje opp personar som har behov for rettleiing og støtte for å meistre overgangen til arbeid eller kvalifisering, og arbeidet skjer i tett samarbeid med både interne og eksterne aktørar. Hovudoppgåva di vil vere å bidra til at fleire kjem i arbeid, utdanning eller annan form for aktivitet gjennom:
rettleiing og individuell oppfølging av vaksne over 30 år med helseutfordringar som treng bistand for å kome i arbeid, kvalifisering eller aktivitet
kartlegging av ressursar, utfordringar og moglegheiter knytte til arbeid og aktivitet
samhandling med behandlarar, arbeidsgivarar, tiltaksarrangørar og andre samarbeidspartnarar for å nå brukarane sine mål
rettleiing i bruk av Nav sine digitale tenester
gjennomføring av møte med arbeidsgivarar og samarbeidspartnarar
Kva kompetanse er viktig i denne rolla?
Du må ha
fullført utdanning på minimum bachelornivå. Relevant erfaring og/eller utdanning kan kompensere for utdanningskravet.
gode munnlege og skriftlege norskkunnskapar, samt god skriftleg framstillingsevne
kjennskap til og interesse for Nav sitt samfunnsoppdrag
gode digitale ferdigheiter
førerkort kl. B
Det er ein fordel om du har
erfaring med rettleiing, saksbehandling eller liknande arbeid, gjerne frå offentleg sektor
kjennskap til arbeidslivet og erfaring med samarbeid med eksterne aktørar
Kva ser vi etter hos deg?
- evne til å jobbe sjølvstendig, og du likar å jobbe i team
god relasjonskompetanse og evne til å motivere, engasjere og skape moglegheiter for andre
du er trygg og tydeleg i møte med arbeidsgivarar og andre samarbeidspartar
Kvifor velje oss?
- spennande og meiningsfulle arbeidsoppgåver innafor eit viktig samfunnsområde
godt arbeidsmiljø med kunnskapsrike og engasjerte kollegaer
relevant opplæring og gode høve til utvikling
fleksitidsordning med moglegheit for heimekontor og trening i arbeidstida
god pensjonsordning, låneordning og forsikringar gjennom Statens pensjonskasse
statleg tilsetting i stillingskode 1434 rådgivar med lønnsspenn frå kr. 639.000 - 661.000 per år. For særleg kvalifiserte søkjarar kan noko høgare løn vurderast.
Nav kontoret ligg i Sogndal kommune som er omfatta av den nye ordninga for sletting av studiegjeld. Det vil seie at etter eitt år som yrkesaktiv kan du få sletta 25 000 kroner av studielånet ditt.
KontaktinformasjonTorill Nesheim Tokvam, Avdelingsleiar, Nav Sogndal, 901 02 033, torill.nesheim@nav.no
ArbeidsstadSognefjordvegen 56
6863 Leikanger
Nøkkelinformasjon:Arbeidsgivar: Nav
Referansenr.: 5176180091
Stillingsprosent: 100%
Fast
Søknadsfrist: 22.09.2026