Arbeidsoppgåver

Som tilsett i IKT systemdrift blir du ein viktig fagressurs innan Microsoft 365 og brukarsikkerheit. Du vil arbeide både operativt og strategisk, og få stor moglegheit til å påverke korleis vi utviklar tenestene våre.

Du vil mellom anna:

implementere, drifte, forvalte og sikre tenester og applikasjonar i Microsoft 365- og Entra-miljøet

arbeide med Microsoft Defender, Conditional Access og MFA

bidra i handtering og oppfølging av sikkerheitshendingar og trusselbiletet

utvikle førebyggjande sikkerheitstiltak og automasjon som gjer oss meir robuste

handtere e-posttruslar og gjennomføre phishing-øvingar for tilsette

administrere og vidareutvikle SharePoint og tilhøyrande tenester

drifte og forvalte fagsystem i samarbeid med systemeigarar og andre fagmiljø

bidra med teknisk kompetanse ved anskaffing av nye skybaserte system og tenester

samarbeide tett med operativt sikkerheitsteam og andre fagmiljø på tvers av seksjonen

2-linje support ved behov

Du får dermed ein variert arbeidskvardag der du kan gå frå førebyggjande sikkerheitsarbeid og teknisk utvikling til å handtere konkrete sikkerheitshendingar når dei oppstår. Du vil også få ei viktig rolle i vidareutviklinga av M365-plattforma og i arbeidet med å finne gode, sikre og framtidsretta løysingar for organisasjonen.

Kvalifikasjonar

Vi ser etter deg som har solid erfaring og kan vere ein trygg fagperson i eit stort og komplekst driftsmiljø.

Du har:

relevant høgare utdanning frå høgskule eller universitet. Relevant erfaring kan kompensere for manglande utdanning

Du har gjerne:

solid erfaring med Microsoft 365, Entra og Defender

erfaring med drift og forvaltning av skyløysingar i større organisasjonar

erfaring med brukarsikkerheit og handtering av phishing og andre sikkerheitstruslar

erfaring med SharePoint-administrasjon

kjennskap til Infrastructure as Code (IaC), versjonskontroll, CI/CD-pipelines og moderne DevOps-prinsipp

relevante Microsoft-sertifiseringar er ein fordel

Vi forventar ikkje nødvendigvis at du kan alt. Det viktigaste er at du har solid kompetanse innan Microsoft 365 og sikkerheit, og at du er nysgjerrig på ny teknologi og ønskjer å utvikle deg vidare.

Personlege eigenskapar

Vi er på jakt etter deg som:

er sjølvstendig og strukturert, og som tek ansvar for å få oppgåvene heilt i mål

har sterk fagleg integritet og eit gjennomgåande fokus på sikkerheit

er proaktiv og løysingsorientert – du ser moglegheiter og tek initiativ

trivst med å samarbeide og dele kompetanse med andre

kommuniserer godt med både teknikarar, fagpersonar og systemeigarar

held hovudet kaldt når det skjer mykje på ein gong

har god norsk munnleg og skriftleg framstillingsevne

Personleg eignaheit vil bli vektlagt. Vi har eit stort driftsmiljø med mange brukarar, og det krev både fagleg tryggleik, sjølvstende og struktur. Samtidig er du aldri åleine.

Du vil arbeide tett med dyktige kollegaer innan drift, sikkerheit og andre fagområde, og vi ønskjer ein kultur der det er låg terskel for å spørje, dele og utfordre kvarandre.

Vi tek arbeidet vårt på alvor, men ikkje oss sjølve for høgtideleg. For oss er humor, godt humør og det å ha det kjekt på jobb ein viktig del av kvardagen.

Vi tilbyr

Hos oss får du:

eit sterkt og inkluderande fagmiljø med flinke kollegaer

ei sentral rolle i sikringa av digitale tenester for over 32 000 brukarar

varierte og fagleg utfordrande arbeidsoppgåver

stor moglegheit til å påverke utviklinga av M365- og sikkerheitsplattforma vår

gode moglegheiter for fagleg utvikling

gode pensjons- og forsikringsordningar

løn etter avtale

fleksibel arbeidstid og heimekontor etter gjeldande avtale i VLFK

arbeidsstad i Leikanger eller Bergen

Vi ønskjer at medarbeidarane våre skal utvikle seg i jobben. Derfor legg vi til rette for intern opplæring, kurs, seminar og kunnskapsdeling på tvers av fagmiljøa.

Seksjonen har høg trivsel, og vi legg vekt på at vi skal ha det godt saman også utanfor dei daglege arbeidsoppgåvene. Vi har mellom anna ein eigen Teams-kanal der medarbeidarane kan ta initiativ til sosiale aktivitetar som padeltennis, fjellturar, dart og spelekveldar.

Vi møtest også til årlege samlingar for heile seksjonen, i tillegg til eigne samlingar i faggruppene.

Vil du vere med på laget og bidra til at Vestland fylkeskommune har trygge, moderne og velfungerande digitale tenester – i dag og i framtida? Då gler vi oss til å høyre frå deg!

KontaktinformasjonØyvind Daae Johansen, leiar, 91730197

ArbeidsstadLars Hilles gate 22

5008 Bergen

Nøkkelinformasjon:Arbeidsgivar: Vestland fylkeskommune

Referansenr.: 5172523053

Stillingsprosent: 100%

Fast

Søknadsfrist: 20.09.2026

Senior Systemkonsulent – M365 og brukarsikkerheit