Ønskjer du ei spanande læretid med varierte arbeidsoppgåver i eit godt arbeidsmiljø, søk lærlingplass hjå oss!

Er du vår nye kollega innan vatn og avløp?

Voss herad Vatn og avlaup

Vil du arbeida med ei av dei viktigaste samfunnsoppgåvene i Voss herad?​ Me søkjer ein engasjert og løysingsorientert VA-driftsoperatør som vil vera med å sikra trygt drikkevatn og ei berekraftig avløpshandtering for innbyggjarane våre. Om stillinga ​ Driftsavdelinga har ansvar for drift og vedlikehald av kommunale vegar, vatn- og avløpsanlegg, og består av om lag 40 tilsette. Vatn og avløp er ei samfunnskritisk teneste, og Voss herad er inne i ei spanande utvikling med fleire større prosjekt innan VA-sektoren. Som VA-driftsoperatør får du ei variert og viktig rolle i arbeidet med å sikra stabil drift og vidare utvikling av infrastrukturen vår. Arbeidsoppgåver​ • Drift og vedlikehald av vassforsyningssystem, inkludert: • • vassbehandlingsanlegg • pumpestasjonar • høgdebasseng • leidningsnett • Kontroll, inspeksjon og vedlikehald av avløpsanlegg • Røyrinspeksjon og tilsynsrapportering • Utskifting og etablering av nye anlegg • Andre driftsoppgåver innan avdelinga ved behov Det er etablert vaktordning innan veg, vatn og avløp. Etter opplæringsperiode må den som vert tilsett delta i ordninga. Kvalifikasjonar​ Me søkjer deg som har: • fagbrev som røyrleggjar, industrirøyrleggjar, innan anleggsfaget eller tilsvarande • relevant erfaring og god realkompetanse innan VA-sektoren • førarkort klasse BE • gode norskkunnskapar, både munnleg og skriftleg Det er ynskjeleg med ADK1-sertifikat. Relevant erfaring kan kompensera for manglande fagbrev, men søkjar må vera villig til å ta relevant fagutdanning. Personlege eigenskapar ​Personlege eigenskapar vert vektlagde. Me ser etter deg som: • er positiv og løysingsorientert • samarbeider godt med andre • trivst med praktisk og variert arbeid • er sjølvstendig og ansvarsbevisst • bidreg til eit godt arbeidsmiljø Me tilbyr​ • god opplæring og fagleg oppfølging • gode moglegheiter for kompetanseutvikling • eit godt tverrfagleg og sosialt arbeidsmiljø • gode pensjons- og forsikringsordningar • løn etter kommunalt avtaleverk • tilsetjing på vanlege kommunale vilkår   Søknad​ Voss herad ønskjer eit arbeidsmiljø prega av mangfald. Me oppmodar alle kvalifiserte kandidatar til å søkja, uavhengig av alder, kjønn, funksjonsevne eller kulturell bakgrunn. Søk på stillinga via søknadsportalen. Hugs å leggja ved relevante attestar og vitnemål, samt oppgje referansar. I samsvar med offentleglova § 25 kan opplysningar om søkjar verta offentleggjorde sjølv om søkjar har bedt om unntak frå offentleg søkjarliste. Link til søknadsskjema: Søk her

Einingsleiar Miljø- og velferdstenester - 100% fast stilling

Stryn Kommune

Stryn kommune søkjer ein nysgjerrig, motiverande og samlande leiar som vil vere med på spennande utviklingsarbeid i Miljø og velferd dei næraste åra.  Som einingsleiar i Miljø og velferd vil du ha ei sentral rolle i å vidareutvikle tenestene gjennom nye arbeidsmåtar, god fagutvikling og målretta endringsarbeid. Det vil vere stadig fleire innbyggjarar som har behov for kommunale tenester, noko som gjer at nytenking, omstilling og berekraftige løysingar står sentralt i stillinga. Samstundes er det viktig å ta vare på det som fungerer godt i dag.  Om eininga ​ Miljø- og velferdstenester består i dag av:  • Teneste for rus og psykisk helse • Teneste for menneske med funksjonsnedsetting • Avlastningsbustad for barn • Arbeidssenter • Koordinerande eining  Tenestene arbeider tett saman for å leggje til rette for meistring, deltaking og god livskvalitet for brukarane.  Som einingsleiar vil du ha overordna personal- og budsjettansvar, samt hovudansvar for drift, beredskapsarbeid og internkontroll i eininga. Du har òg det overordna faglege ansvaret for tenestene.  Du vil vere ein del av kommunalsjef for Helse og sosial si leiargruppe og bidra aktivt i tverrfagleg samarbeid og utviklingsarbeid i kommunen.    Arbeidsoppgåver​ Som einingsleiar har du ansvar for:  • Personalleiing, arbeidsmiljø og kompetanseutvikling • Budsjett- og økonomistyring • Drift, internkontroll og beredskapsarbeid • Dagleg og organisatorisk utvikling av tenestene • At tenestene er i samsvar med gjeldande lovverk og etiske retningslinjer • God samhandling med brukarar, pårørande, andre einingar, samarbeidspartnarar og frivillige  Kvalifikasjonar​ Relevant utdanning på høgskule- og/eller universitetsnivå, gjerne innan helse- og sosialfag  Leiarutdanning og/eller leiarerfaring vil bli vektlagt Vi ønskjer at du har:​ • Forståing og interesse for medarbeidardrivne endringsprosessar • Kjennskap til relevant lov- og avtaleverk • God forståing for økonomi- og budsjettarbeid  • Interesse for fagutvikling, kvalitet og tverrfagleg samarbeid  Personlege eigenskapar​ Vi legg vekt på at du:  • Er ein tydeleg, inkluderande og motiverande leiar • Har evne til å samle og engasjere medarbeidarane  • Er trygg i endringsleiing og utviklingsarbeid  • Har gode samarbeids- og kommunikasjonsevner  • Er opptatt av kvalitet, etikk og brukarorienterte tenester  Vi tilbyr​ • Ei spanande leiarstilling med stor påverknad og utviklingsmoglegheiter  • Deltaking i strategisk utviklings- og planarbeid i kommunen  • Eit godt arbeidsmiljø med kompetente og engasjerte kollegaer  • Gode pensjons- og forsikringsordningar  Kontaktinformasjon​Alexander Rande, Kommunalsjef, 97040762 Åshild Heggdal, Einingsleiar miljø- og velferdstenester, 93446790 Arbeidsstad​Tonningsgata 4 6783 Stryn Nøkkelinformasjon:​Arbeidsgivar: Stryn Kommune Referansenr.: 5147609344 Stillingsprosent: 100% Fast Søknadsfrist: 26.07.2026

Ønskjer du å skaffa deg spanande og meiningsfull jobb på helg ?

Bjørnafjorden kommune Tilrettelagte tenester

Tilrettelagt tenester ​har ledige helgestillingar frå snarast: -  15% - 30% faste stillingar Stillingane er i turnus, med variable vaktlengder, enten kvar 2,3, eller 4. helg. Spesifiser i søknad kva vaktordning du ønskjer. Tilrettelagte tenester er for born, unge og vaksne med ulike funksjonsnedsettingar: Tenesta for vaksne​ består av 9 bufellesskap (Os /Fusa), 2 dagsenter i tillegg til tenester i heim : - Hellemyra bufellesskap- (Fusa) - Torsneset bufellesskap - (Fusa) - Fusa butenester - (Fusa) - Kuhnletunet bustader - Vestre Lurane bufellesskap - Bolig Moberg bufellesskap - Idrettsvegen bufellesskap - Bjørnefjorden bufellesskap - Søfteland bufellesskap Tenesta som gjeld for barn og unge​ er tilrettelagt heildøgns omsorgstilbod, på institusjon og i heim : -  Varafjell avlastningssenter  -  Os avlastning  -  Fusa avlastning - (Fusa) Dersom du har bestemte ønskjer om avdeling, er det viktig at du set det opp i prioritert rekkefølgje i søknaden. ​ Arbeidsoppgåver ​Du skal yte eit heilskapleg og fagleg omsorgstilbod til tenestemottakarane, der det er lagt vekt på god livskvalitet, brukarmedverknad og førebygging. "Kva er viktig for deg", skal spegla seg i ord og handlingar og stå sentralt i vårt miljøarbeid og samhandling med tenestemottakar. Vi skal sikre at kvar enkelt får den bistand vedkommande treng for å gjennomføra daglege gjeremål og ta del i sosiale aktivitetar. Målretta miljøarbeid og oppfølging av ulike tiltak er sentrale arbeidsoppgåver.  Kvalifikasjonar ​Til helgestillingar ønskjer vi også rekruttere deg som er student innan helse, sosialfagleg eller pedagogisk utdanning. Andre søkjarar med relevant utdanning eller erfaring kan også bli vurdert. Vi søkjer og deg som er ufaglært, men har interesse for å jobbe med menneske, og som på sikt kunne tenke deg å ta ei relevant utdanning. Du er bevisst dine haldningar og prioriterer høgt verdiar som respekt, lojalitet og etikk. Vi legg vekt på å sette saman personalgruppa med størst mogleg kompetansebreidde og personlege kvalifikasjonar. Det vert lagt stor vekt på din kjennskap til brukargruppa og på dine personlege eigenskapar.  Søkjarar over 18 år vil bli prioritert. Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet Vi tilbyr ​ • Faglege og personlege utfordringar i eit godt og inspirerande arbeidsmiljø • • Løn etter gjeldande avtalar. For sjukepleiarar og vernepleiarar i turnus i pasientnært arbeid, tilbyr Bjørnefjorden kommune tillegg i grunnlønn på kr. 25.000,- over garantilønnstabell. Studentar med relevant utdanning er omfatta av eiga avlønning. • Studentar som blir tilsett i minimum 13% fast stilling under dokumentert utdanning til sjukepliear eller vernepleiar kan etter lokal ordning få tilbod om årleg stipend på kr. 15.000/20.000,-. • God pensjonsordning, yrkesskade- og gruppelivsforsikring • Vi arbeidar for å få etablert heiltidskultur i kommunen Søknadane blir handsama fortløpande. Kun aktuelle kandidatar blir kontakta og kalla inn til intervju. Vi oppmodar deg derfor om å senda inn søknaden snarast​ Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det. Vi vil aldri be søkjar om å oppgi BANK-ID informasjon i søknadsprosessen.   Link til søknadsskjema: Søk her