Tre stipendiatstillingar ved Institutt for samfunnspsykologi

To stipendiatstillingar ved Institutt for pedagogikk

Universitetet i Bergen

UiB - Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAStipendiat​ Ved Institutt for pedagogikk, Det psykologiske fakultet, er det ledig to stipendiatstillingar (100%). Stillingane er for ein åremålsperiode på fire år, med 25% karrierefremjande arbeid (undervising, rettleiing, sensur, m.m.). Stillingane er finansiert av UiB. Oppstart i stillingane er seinast januar 2027. Om prosjektet/arbeidsoppgåver:​ • Stipendiatane er ein viktig del av fag- og forskingsmiljøet ved Institutt for pedagogikk. Doktorgradsprosjekta inngår i instituttet sitt langsiktige arbeid med å styrkje pedagogisk forsking. • Tilsetting som stipendiat skjer på grunnlag av tidlegare utdanning, erfaring frå forsking og undervisning i høgare utdanning, eventuelle vitskapelege arbeid og prosjektplanen for forskingsprosjektet. Kvaliteten på prosjektplanen vil tilleggas størst vekt i vurderinga. • Forskingsprosjektet som kandidaten skal gjennomføre må utviklast og gjennomførast i samråd med ei av forskingsgruppene ved instituttet, og vere innan ein tematikk kor instituttet kan tilby rettleiing. • Som søkjar bør du så tidleg som mogleg ta kontakt med ein av forskingsgruppeleiarane ved instituttet eller du kan ta kontakt med instituttleiar/stadfortredar som vil vise deg til ei relevant forskingsgruppe. Leiaren for forskingsgruppa vil kunne hjelpe deg med å finne rettleiar. Ei oversikt over forskingsgruppene finn du her: Forskningsgrupper | Institutt for pedagogikk | UiB  Kvalifikasjonar og eigenskapar:​ Du må: • på søknadstidspunktet ha oppnådd mastergrad eller tilsvarande i pedagogikk, spesialpedagogikk, utdanningsvitskap eller lærarutdanning på masternivå. Mastergrad frå andre disipliner enn disse vil kunne vere kvalifiserande dersom masteroppgåva har eit utdanningsvitskapleg relevant tema. • frå oppstart i stillinga kunne bidra i undervisnings- og formidlingsaktivitet på norsk eller eit anna skandinavisk språk. • kunne arbeide sjølvstendig og strukturert og ha gode samarbeidsevner • kunne nytte engelsk skriftleg og munnleg Du bør: • kunne dokumentere gode forskareigenskapar og/eller kunnskap som dekker prosjektskildringa, til dømes gjennom masteroppgåva og/eller gjennom annan forsking/publikasjonar. Det er normalt eit krav om karakter B eller høgare på masteroppgåva for opptak i ph.d.-programmet ved fakultetet. Personlege eigenskapar vil bli lagt vekt på. Ambisjonar og potensial vil også telle ved vurdering av kandidatane. Sjølve tilsettingsprosessen, inkludert intervju av aktuelle søkarar, vil gå føre seg på norsk. For stillinga gjeld følgande:​ Samla stipendperiode er 4 år. Minst tre årsverk skal vere dedikert til doktorgradsarbeidet. Resten av tida blir sett av til anna karrierefremmande arbeid som skal bidra til at du kvalifiserer deg for relevante karrierar som krev forskingskompetanse. Det karrierefremmande arbeidet ved instituttet vil i stor grad bestå av undervisingsoppgåver, rettleiing og sensur m.m. Du kan ikkje tidlegare ha vore tilsett i ein åremålsperiode som stipendiat ved Universitetet i Bergen UiB er underlagd regelverket for eksportkontroll og regelverket gjeld ved behandling av søknadar til stillinga. Dersom UiB ikkje har mottatt svar på søknad om eksportlisens innan 6-12 veker, vil eit eventuelt tilbod om tilsetting annullerast. Om ph.d.-utdanninga​ Som stipendiat skal du gjennomføre ph.d.-programmet ved Det psykologiske fakultet innan ei tidsramme på 3 år. Ved vurdering av dine kvalifikasjonar til stillinga vil du også bli vurdert for opptak til ph.d.-programmet.  Meir om ph.d.-utdanninga ved Det psykologiske fakultet finn du her. Vi tilbyr:​ • Spennande og utviklande arbeidsoppgåver i eit sterkt fagmiljø • Brutto årsløn som stipendiat (kode 1017) kr 568 700. Vidare opprykk skjer etter stillingsansiennitet. Dersom du har spesialistutdanning kan høgare lønn bli vurdert.  • Medlemsskap i Statens pensjonskasse  • Gode velferdsordningar Søknaden skal innehalde:​ • Ei kort utgreiing om dine forskingsinteresser og motivasjonen for å søkje stillinga • Prosjektskisse (maks 10 sider inkl. referanseliste) • Stadfesting frå forskingsgruppe og ph.d.-rettleiar • Namn og kontaktopplysningar til to referansepersonar, ein av desse må vere hovudrettleiaren frå masteroppgåva eller tilsvarande oppgåve  • CV • Karakterutskrifter og vitnemål (all høgare utdanning) • Dersom du har utanlandsk utdanning må du leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka   • Viktig: Dersom du har utanlandsk utdanning må du i tillegg legge ved HK-dir si generelle godkjenning av høgare utdanning. Vi gjer merksam på at dette kan ta noko tid og at søknad om vurdering bør sendast så snart du veit du vil søkje stipendiatstillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Nokon utdanningar frå utvalde land er automatisk godkjent. Sjekk denne sida for kva utdanningar det gjeld: Automatisk godkjenning – et raskere alternativ | HK-dir (hkdir.no). Dersom dette gjeld deg, må du laste ned godkjenninga og legge den ved søknaden. • Relevante attestar • Eventuell liste over vitskaplege arbeid (publikasjonsliste) • Eventuelle publikasjonar Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge. Generell informasjon:​ Utfyllande opplysningar om stillinga kan ein få ved å vende seg til:  • Instituttleiar Line Torbjørnsen Hilt, Institutt for pedagogikk, e-post: line.hilt@uib.no, tlf.: +47 55584845 • Stadfortredar Astrid Tolo, e-post: astrid.tolo@uib.no, tlf.: +47 55584881 Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.       Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.        Livet som ph.d.-kandidat ved UiB​ Astrid Nybø forteller om livet og arbeidshverdagen som ph.d.-kandidat ved UiB. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5

Stipendiat i barnevernsarbeid ved Institutt for helse, miljø og likeverd (HEMIL)

Universitetet i Bergen

UiB - Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAStipendiat​ Ved Institutt for helse, miljø og likeverd (HEMIL), Det psykologiske fakultet, er det ledig ei stilling som stipendiat i barnevernsarbeid. Åremålet er på fire år. Stillinga er finansiert av UiB og vil i utgangspunktet vere knytt til forskningsgruppa Barnevern, likeverd og inkludering (BLI). Oppstart i stillinga er seinast januar 2027. HEMIL er eit tverrfagleg institutt som driv forsking og masterprogram på fagfelta barnevernsarbeid, helsefremjande arbeid og global utvikling. Instituttet er en del av Alrek Helseklynge ved Universitetet i Bergen (uib.no): Alrek helseklynge  Om prosjektet/arbeidsoppgåver:​ Forskingsprosjektet skal generere kunnskap som kan vere av betydning for velferda til barn, unge og familiar i utsette livssituasjonar. Relevans kan vere teoretisk, empirisk og/eller metodologisk. Prosjektet kan vere grunnforsking og treng ikkje vere anvendt forsking.  Prosjektet skal byggje på kvalitative metodar og må liggje innanfor eitt eller fleire av følgjande tematiske område: • Problemstillingar knytt til mangfald, likeverd, inkludering og tilhøyrsel, til dømes relatert til kulturell og sosial bakgrunn, migrasjon, språk, funksjonsvariasjonar, kjønn, seksuell orientering og/eller andre minoritetsposisjonar. • Tema knytt til inkluderings- og ekskluderingsmekanismar og -prosessar av betydning for velferda til barn, unge og familiar i utsette livssituasjonar. • Tema knytt til tenesteutvikling/innovasjon som kan ha betydning for velferda til barn, unge og familiar i utsette livssituasjonar. Tenesteutvikling/innovasjon kan til dømes vere knytt til velferdsinstansar som barneverntenesta, eller sivilsamfunnsaktivitet. Prosjektet må kvalifisere stipendiaten for opptak til fakultetet si organiserte forskarutdanning. Tilsetjing vil bli gjort på grunnlag av tidlegare utdanningsbakgrunn og akademiske arbeid, samt kvalitet og relevans av søknadsbrev og prosjektskildring. Prosjektskildring skal vere på maks. 5 sider. Forskingsprosjektet til kandidaten skal utviklast og gjennomførast i samråd med minst ein hovudrettleiar frå instituttet. Moglege hovudettleiarar for prosjektet er førsteamanuensis Raquel Herrero-Arias og førsteamanuensis Lill Susann Ynnesdal Haugen. Prosjektet kan vere sjølvstendig eller knytt til rettleiaranes pågåande forsking. Det er ein føresetnad for søknad at søkjar tek tidleg kontakt med ein av dei moglege hovudrettleiarane for å drøfte prosjektidé og fagleg forankring. Endeleg organisering av rettleiarar avklarast ved tilsetjing.   Kvalifikasjonar og eigenskapar:​ • Søkjarar må på søknadstidspunktet ha mastergrad i barnevern/barnevernsarbeid, sosialt arbeid, psykologi eller annan relevant samfunnsvitskapleg mastergrad. Det er normalt krav om karakteren B eller høgare på masteroppgåva ved opptak til forskarutdanninga. • Arbeidserfaring frå barnevernfeltet vil bli tillagt vekt. Anna arbeidserfaring knytt til unge og familiar i utsette livssituasjonar er òg relevant.  • Det er ei føremon å kunne dokumentere gode forskareigenskapar og/eller kunnskap relatert til prosjektskildringa, til dømes gjennom masteroppgåva og/eller  anna forsking/publikasjonar. • Søkjaren må kunne arbeide sjølvstendig og strukturert og ha gode samarbeidsevner. Personlege eigenskapar, ambisjonar og potensial vil bli lagt vekt på.  • Søkjarar må ha god munnleg og skriftleg framstillingsevne både på norsk og engelsk.  For stillinga gjeldt følgande:​ Om stipendiatstillinga: ​Minst tre årsverk skal vere dedikert til doktorgradsarbeidet. Resten av tida blir sett av til anna karrierefremjande arbeid (undervising, rettleiing, sensur, m.m.) som skal bidra til at du kvalifiserer deg for relevante karrierar som krev forskingskompetanse. Det karrierefremjande arbeidet innan undervisning vil vere knytt til Masterprogrammet i barnevernsarbeid og Masterprogrammet i global development theory and practice. Du kan ikkje tidlegare ha vore tilsett i ein åremålsperiode som stipendiat ved Universitetet i Bergen. UiB er underlagd regelverket for eksportkontroll og regelverket gjeld ved behandling av søknadar til stillinga. Dersom UiB ikkje har mottatt svar på søknad om eksportlisens innan 6-12 veker, vil eit eventuelt tilbod om tilsetting annullerast. Om ph.d.-utdanninga: ​Som stipendiat skal du gjennomføre ph.d.-programmet ved Det psykologiske fakultet innan ei tidsramme på 3 år. Ved vurdering av dine kvalifikasjonar til stillinga vil du også bli vurdert for opptak til ph.d.-programmet.  Meir om ph.d.-utdanninga ved Det psykologiske fakultet finn du her. Vi tilbyr:  Vi tilbyr:​ • Spennande og utviklande arbeidsoppgåver i et sterkt fagmiljø • Løn som stipendiat (stillingskode 1017), som for tida svarar til ei brutto årsløn på kr 593 700 i full stilling. Stillinga gjev automatisk lønsutvikling i inntil fire år med 3% årleg stiging.  • Medlemsskap i Statens pensjonskasse  • Gode velferdsordningar Søknaden skal innehalde:​ • Søknadsbrev med ei kort utgreiing om forskingsinteresser og motivasjon for å søkje stillinga • Prosjektskildring (maks. 5 sider, referanseliste kjem i tillegg) • CV • Namn og kontaktopplysningar til to referansepersonar, der ein bør vere hovudrettleiaren frå masteroppgåva eller tilsvarande • Stadfesting frå forskningsgruppe og ph.d-rettleiar • Karakterutskrifter og vitnemål (all høgare utdanning) • Relevante attestar • Publikasjonsliste og eventuelle andre faglege arbeid • Utval av maks 3 vitskapelege publikasjonar, rapportar eller andre faglege arbeider innan forsking og utviklingsaktivitet (FoU) (PDF-format) Vedlegg må vere på eit skandinavisk språk eller engelsk (attesterte omsetjingar ved behov). Det er søkjaren sitt ansvar å sikre at alle nødvendige dokument er lasta opp innan fristen. Viktig: Søkjarar med utanlandsk utdanning må òg leggje ved stadfesting frå HK-dir (tidlegare NOKUT) på at utdanninga er vurdert som tilsvarande ein norsk mastergrad. Alternativt kan du leggje ved dokumentasjon frå HK-dir som stadfestar at dei har motteke søknaden din. Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge. Generell informasjon:​ Utfyllande opplysningar om stillinga kan ein få ved å vende seg til: instituttleiar: Professor Ellen Haug Spørsmål om prosjektet, prosjektskildringa og fagleg forankring kan rettast til moglege hovudrettleiar: Førsteamanuensis Raquel Herrero-Arias, Raquel.Arias@uib.no Førsteamanuensis Lill Susann Ynnesdal Haugen, lill.s.haugen@uib.no Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.   Livet som phd. Kandidat ved UiB​ Veien til doktorgrad! Podkast om doktorgradsprosessen i barnevern av Nawar Sayyad.      ​ Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.        Livet som ph.d.-kandidat ved UiB​ Astrid Nybø forteller om livet og arbeidshverdagen som ph.d.-kandidat ved UiB. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5

Stipendiat ved Institutt for Sosialantropologi

Universitetet i Bergen

UiB - Kunnskap som formar samfunnet​ UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. Video: https://youtu.be/M5n6RnScNgAStipendiat​ Vi ønskjer deg velkommen som søkjar til ei stilling som stipendiat ved Institutt for Sosialantropologi. Stillinga er for ein åremålsperiode på 4 år, kor 25 % av samla tilsetjingstid er karrierefremjande arbeid som skal utførast ved instituttet. Institutt for Sosialantropologi er eit av dei største sosialantropologiske fagmiljøa i Europa, med ei brei orientering både etnografisk og tematisk. For tida  har 17 fast vitskapeleg tilsette, 5 postdoktorar og 25 ph.d.-stipendiatar. Tilsette og stipendiatar driv etnografisk forsking i dei fleste delar av verda, og er heim for fleire større forskingsprosjekt. Instituttet gir undervisning på bachelor-, master- og ph.d.-nivå.  Instituttet er aktiv i faglege diskusjonar og offentleg formidling, for eksempel gjennom månadlege fagseminar med internasjonale gjesteforskarar, og arrangerer Fredrik Barth-forelesninga annakvart år (sjå Fredrik Barth-forelesningen UiB).  For vidare detaljar viser vi til instituttet sine nettsider: http://www.uib.no/antro.   Kvalifikasjonar og eigenskapar:​ • Mastergrad i sosialantropologi eller tilsvarande utanlandsk utdanning. Graden må vere avlagt innan fristen for søknaden. • Minstekravet for søkjarane skal normalt vere B, eller betre, både på masteroppgåva og for mastergraden som heilskap. • Søkjarar må kunne bidra i undervisnings- og formidlingsaktivitet på norsk eller eit anna skandinavisk språk.  • Søkjarar må ha gode skriftlege og munnlege engelskkunnskapar. • Søkjarar må kunne vise fagleg sjølvstende, evne til å planlegge og strukturere forskings- og undervisningsarbeide, og evne til å jobbe godt saman med andre.    • Motivasjon for å bidra til instituttet si undervisning og faglege utvikling, samt erfaring med undervisning, undervisningsassistanse på universitets- eller høgskulenivå og fagformidling, vil òg bli positivt vektlagd. • Stillingas arbeidsstad er Bergen og kandidaten forventast å vera til stade ved Institutt for Sosialantropologi dagleg (med unntak av periodar med feltarbeid eller godkjend forskingsverksemd).  Aktuelle kandidatar vil bli innkalla til intervju.  Undervisningsspråket er til vanleg norsk, men noko av undervisninga blir og gjeven på engelsk. For stillinga gjeld følgande:​ Om stipendiatstillinga:​ Samla stipendperiode er 4 år. Minst tre årsverk skal vere dedikert til doktorgradsarbeidet. Resten av tida blir sett av til anna karrierefremmande arbeid som skal bidra til at den tilsette kvalifiserer seg for relevante karrierar som krev forskingskompetanse. . Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.  Om forskarutdanninga:​ Som stipendiat skal du delta i ph.d.-utdanninga ved Det samfunnsvitskaplege fakultet, UiB. Utdanninga har ei normert tidsramme på 3 år, og leiar fram til ein ph.d.-grad. For opptak må du ha fullført mastergrad. Omfanget av mastergraden må normalt vere på 120 studiepoeng og bygge på ein bachelorgrad på 180 studiepoeng (normalt 2+3 år), eller ein integrert mastergrad av 300 studiepoeng (5 år). I mastergraden skal det normalt inngå eit sjølvstendig arbeid av eit omfang på minimum 30 studiepoeng. Mastergraden skal normalt vere innan det fagområdet det vert søkt om opptak til. Vi tilbyr:​ • Stilling som stipendiat (kode 1017) med brutto årsløn kr. 593 700, -. Automatisk lønsutvikling for opptil 4 år med 3% årleg stiging. • Godt fagleg og sosialt miljø med høg kvalitet på forsking og undervising. • Medlemsskap i Statens pensjonskasse  • Gode velferdsordningar Prosjektet:​ Ei kortfatta prosjektskildring (5-8 sider pluss referanseliste) skal ligge føre saman med søknaden. Prosjektskildringa skal gjere greie for tema, problemstilling(ar) og val av teori og metode. Skildringa skal innehalde framdriftsplan for dei ulike delane av forskingsarbeidet. Ved tilsetjing vil prosjektskildringa vere grunnlaget for opptak til ph.d.-utdanninga. Prosjekt som komplementerer den eksisterande tematiske og regionale kompetansen i fagmiljøet og styrker den faglege profilen som eit bredt generalistinstitutt vil prioriterast.  Fakultetet har utarbeida ei rettleiing for skriving av prosjektskildringa. Søknaden skal innehalde:​ • Ei kort utgreiing om søkjaren sine forskingsinteresser og motivasjon for å søkje stillinga. • Namn og kontaktopplysningar til to referansepersonar, ein av desse må vere hovudrettleiaren frå masteroppgåva eller tilsvarande oppgåve. • Prosjektskildring. • CV. • Karakterutskrifter og vitnemål for bachelor- og mastergrad. • Relevante attestar. • Eventuell liste over vitskaplege arbeid (publikasjonsliste). • Eventuelle publikasjonar. • Dersom du har mastergrad frå utanlandsk lærestad, eller 2-årig disiplinbasert mastergrad (eller tilsvarande) innan eit anna fagområde enn du vil bli knytt til, kan du verte bede om å sende inn ei oversikt over pensum til den mastergraden du har oppnådd. Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge. Søknadsfrist: 15. September 2026​. Søknader utan prosjektskildring eller søknader som vert sende på e-post vil ikkje verte vurderte. Berre vedlagte dokument vil bli lagt til grunn for vurdering. Generell informasjon:​ Nærare opplysningar om stillinga kan ein få ved å vende seg til instituttleiar: Geir Henning Presterudstuen, geir.presterudstuen@uib.no.  Praktiske spørsmål kring søknadsprosessen kan rettast til HR – rådgjevar Gudrun Horvei, gudrun.horvei@uib.no.        Den som vert tilsett vil bli tatt opp i fakultetet si ph.d.-utdanning. Eventuelle spørsmål om ph.d.-utdanninga kan rettast til rådgjevar Elina Troscenko, elina.troscenko@uib.no. Undervisningsspråket er til vanleg norsk, men noko av undervisninga blir og gjeven på engelsk.   Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.        Livet som ph.d.-kandidat ved UiB​ Astrid Nybø forteller om livet og arbeidshverdagen som ph.d.-kandidat ved UiB. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5