Funksjonsleiar for teknologi og medisinsk teknikk

Funksjonsleiar for helsedata og dataflyt

Klinikk for medisinske tenester og beredskap, Haugesund Sjukehus

Bli med og utvikle morgondagens helsetenester gjennom smartere bruk av data. Vi søker no to leiarar som skal byggje framtidas teknologiavdeling saman. Helse Fonna byggjer no eit sterkt fagmiljø for teknologi og dataflyt, og vi søker ein funksjonsleiar for helsedata og dataflyt som vil spele ei nøkkelrolle i korleis vi samlar, forvaltar og brukar helsedata. Hos oss får du kombinere leiing med operativt arbeid, påverke korleis system blir integrerte, og sikre at data flyt der det trengst – frå kliniske system og medisinteknisk utstyr, og etter kvart også frå pasientane sine heimar. Du rapporterer til avdelingsleiar for teknologi og dataflyt, og inngår i leiargruppa saman med ny funksjonsleiar for teknologi og medisinsk utstyr (annonse ute). Du får personalansvar for ein seksjon med 21 medarbeidarar som jobbar med systemforvaltning, integrasjonar og helsedata/pasientdata. Rolla kombinerer operativt ansvar, fagleg leiing og prosjektarbeid – du vil vere tett på både folk, teknologi og leveransar, samstundes som du bidreg til å utvikle retning og beste praksis for dataflyt i Helse Fonna. Dette er ein jobb med meining – der arbeidet ditt direkte bidreg til betre pasientbehandling, meir effektive arbeidsprosessar og auka kvalitet i helsetenesta. Kva går jobben ut på?​ • Leie og utvikle seksjonen, med ansvar for medarbeidarar og fagmiljø • Sikre stabil drift og god forvaltning av pasientdatasystem • Ha ansvar for integrasjonar og samspel mellom system • Leie og bidra i prosjekt, samt prioritere og forbetre arbeidet kontinuerleg • Samarbeide med kliniske miljø og sikre personvern og informasjonssikkerheit • Vidareutvikle struktur, arkitektur og beste praksis for dataflyt Kva kompetanse er viktig i denne rolla?​ • Relevant høgare utdanning innan IT, teknologi, helse eller liknande • Leiarerfaring er ein fordel, men ikkje eit krav • Erfaring med prosjektleiing eller leiing av større leveransar • God forståing for personvern og informasjonssikkerheit • Ønskeleg med erfaring innan integrasjonar mellom system (til dømes API-ar, meldingsutveksling eller dataplattformer) • Ønskeleg med erfaring med systemforvaltning eller dataplattformer • Ønskeleg erfaring med helsedata eller kliniske system Kva ser vi etter hos deg?​ Hos oss er det viktig at du: • trivst med å kombinere leiing, prosjektarbeid og operativt arbeid • har god teknologiforståing og interesse for systemintegrasjon • er strukturert og evnar å drive fram komplekse leveransar • er løysingsorientert og får ting til å skje • byggjer gode relasjonar og samarbeider på tvers • kommuniserer godt med både tekniske miljø og brukarar Personlege eigenskapar blir vektlagt Kvifor skal du velje oss?​ • Ei sentral rolle innan eit område med stor utvikling • Ein jobb med meining – du bidreg direkte til betre helsetenester • Moglegheit til å påverke korleis helsedata blir brukt i praksis • Eit sterkt, tverrfagleg miljø innan teknologi og helse • Gode utviklingsmoglegheiter • Trygge rammer og gode pensjonsordningar Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.​​ Kontaktinformasjon​Ingvill Hystad Kyvik, Klinikkdirektør, +47 99288072, ingvill.hystad.kyvik@helse-fonna.no Arbeidsstad​Karmsundgata 120 5528 HAUGESUND Nøkkelinformasjon:​Arbeidsgivar: Helse Fonna HF Referansenr.: 5126114633 Stillingsprosent: 100% Fast Søknadsfrist: 17.08.2026

Fagingeniør, Patologi

Patologi Haugesund sjukehus

Vil du jobbe med moderne laboratoriedrift og bidra til rask og presis diagnostikk for pasientane våre?​ Vi har ledig ei spennande stilling som fagingeniør ved patologilaboratoriet vårt i avdeling for laboratoriemedisin. Her får du jobbe i eit moderne fagmiljø med utsikt over Smedasundet og det opne havet mot vest, frå lokala våre i den nye sørvestblokka. På avdelinga har vi teke i bruk ny og avansert teknologi med høg grad av automasjon og digitale løysingar, og vi er stadig i utvikling. Vi arbeider med diagnostikk av sjukdomar gjennom undersøking av vev- og celleprøver. Kreftdiagnostikk er ein sentral del av verksemda vår, og arbeidet er avgjerande for at pasientar skal få rask og korrekt diagnose. Som fagingeniør hos oss blir du ein viktig del av arbeidsflyten knytt til kreftdiagnostikk og persontilpassa behandling til kreftpasientar. No leitar vi etter ein engasjert fagingeniør til ei fast heiltidsstilling. Dette er ei dagstilling med varierte arbeidsdagar. Du får høve til å lære om ulike delar av laboratoriet gjennom grundig opplæring. Dersom ein intern kandidat blir tilsett, kan det bli andre ledige stillingar ved patologilaboratoriet. Dersom dette er av interesse, ber vi deg skrive det i søknaden. Vi ønskjer både nyutdanna og erfarne søkjarar velkomne til å søkje. ​Oppstart er etter avtale. Velkomen til å søkje hos oss!​ Arbeidsoppgåver​ • Delta i laboratoriet sitt rutinearbeid. • Betene og vedlikehalde medisinsk-teknisk utstyr. • Delta i laboratoriet sitt kvalitets- og forbetringsarbeid. • Rullere mellom arbeidsoppgåver innan fleire fagområde. • Ha delansvar for fagområdet immunhistokjemi. • Vere stadfortredar for fagansvarleg ved korttidsfråvær og ferie. Kva kompetanse er viktig i denne rolla? ​ • Bioingeniør med norsk autorisasjon • Anna relevant utdanning og erfaring kan også bli vurdert • Kompetanse og erfaring innan immunhistokjemi og/eller patologi er ønskeleg, men ikkje eit krav. • Erfaring og kompetanse frå klinisk medisinsk laboratorium og kvalitetssikringssystem er ein fordel. • Kunnskap innan relevant medisinsk-teknisk utstyr og IKT-system er ein fordel. • Gode norskkunnskapar munnleg og skriftleg. Kva ser vi etter hos deg?​ Vi ser etter deg som: • trivst med å arbeide i eit tverrfagleg miljø og meistrar eit høgt tempo • har god arbeidskapasitet og er motivert for å utvikle deg i fagfeltet • bidreg positivt til eit godt fagleg og kollegialt miljø • har god fagleg vurderingsevne og arbeider målretta, strukturert og nøyaktig • tek ansvar, arbeider sjølvstendig og bidreg til god flyt i arbeidsdagen • ser kva som må gjerast, og både tilbyr og tek imot hjelp • står trygt i krevjande situasjonar Personlege eigenskapar blir vektlagde. Kvifor skal du velje oss?​ • Løn etter avtale, ut frå dokumenterte kvalifikasjonar og erfaring. • Eit triveleg og aktivt arbeidsmiljø med dyktige og engasjerte medarbeidarar. • Eit laboratorium og eit fagområde i utvikling. • Ein spennande og utfordrande jobb med gode høve til fagleg og personleg utvikling. Vi oppmodar alle søkjarar til å bruke Vitnemålsportalen for å laste opp verifiserte vitnemål og karakterutskrifter der det er mogleg. Har du utdanning frå utlandet, må du leggje ved godkjenning frå Direktoratet for høgare utdanning og kompetanse.​​ Kontaktinformasjon​Håvard Valvatne, Funksjonsleiar, havard.valvatne@helse-fonna.no Arbeidsstad​Karmsundsgt. 120 5528 HAUGESUND Nøkkelinformasjon:​Arbeidsgivar: Helse Fonna HF Referansenr.: 5152531047 Stillingsprosent: 100% Fast Søknadsfrist: 21.08.2026

Vil du bli vår nye fagingeniør?

Medisinsk mikrobiologi, Haugesund Sjukehus 

⭐️ Kva med ein jobb der du får både topp moderne teknologi og ​med storslagen utsikt over sjø og byliv frå sørvestblokka?​ Vi ser etter ein engasjert fagingeniør til fast stilling i dagturnus.​ Hos oss vil du jobbe på dagtid, men òg delta i dagturnus med laurdags- og heilagdagsvakter. Desse vaktene fordeler vi jamt mellom bioingeniørane i vaktplanen. ​Du blir del av eit dyktig og motivert team med godt arbeidsmiljø og tett samarbeid.​ Hos oss er vi opptekne av å ha det kjekt saman – både på jobb og utanfor. Vi møtest jamleg til sosiale aktivitetar, og kvart år samlast vi til julebord. Skal du flytte for å starte hos oss?​ Då gjer vi overgangen enklare: • Vi dekkjer reise- og flyttekostnader opptil 20 000 kr. • Vi betaler husleige dei første seks månadane – opptil 60 000 kr.​ Er du nyutdanna? Då oppmodar vi deg til å søkje! 👉 Vi kallar inn aktuelle kandidatar til intervju fortløpande – så ikkje vent med å sende søknaden.​ Kva går jobben ut på?​ • Delta i laboratoriets rutinearbeid, inkludert blodprøvetaking  • Delta i laboratoriets kvalitets-og forbedringsarbeid  • Betening og vedlikehald av medisinsk teknisk utstyr  • Utføra arbeid etter gjeldande prosedyrar og retningslinjer, og halda seg oppdatert på endringar  • Utføra delegerte arbeidsoppgåver frå fagansvarleg ingeniør  • Halda seg fagleg oppdatert, delta og bidra på kurs, internundervisning og møte  • Opplæring og rettleiing av studentar og nytilsette  Kva kompetanse er viktig i denne rolla? ​ • Bioingeniør med norsk autorisasjon.   • Kompetanse og erfaring innan medisinsk mikrobiologi er ein fordel • Kunnskap og erfaring innan relevant medisinsk-teknisk utstyr og IKT-system er ein fordel  • Gode munnlege og skriftlege norskkunnskapar. Det vil bli lagt stor vekt på personlige eigenskapar og vilje til å ta ansvar.  Kva ser vi etter hos deg?​ Vi ser etter deg som: • har motivasjon og engasjement for faget, og trivst med å halde høgt tempo når det trengst • samarbeider godt med andre, og både tilbyr og tek imot hjelp når det er behov • er påliteleg, strukturert og møter opp når du skal • ser kva som må gjerast, og tek tak med nysgjerrigheit og vilje til å finne gode løysingar • lærer raskt og tilpassar deg nye arbeidsmåtar • trivst i eit tverrfagleg miljø og handterer krevjande situasjonar med ro • bidreg til eit godt fagleg og sosialt miljø, der vi støttar kvarandre Kvifor skal du velje oss?​ Hos oss får du: • eit triveleg og inkluderande arbeidsmiljø med engasjerte og dyktige kollegaer • eit laboratorium og fagområde i utvikling, der du får vere med på å forme framtida • ein variert og spennande jobb med oppgåver som gir både læring og meistring For å kunne vurdere fortrinnsrett til stilling, må søkar gi til kjenne dette i søknaden  Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.​ Kontaktinformasjon​Tiril Knutsen, Funksjonsleiar - Medisinsk mikrobiologi, +47 41441849, Tiril.knutsen@helse-fonna.no Arbeidsstad​Karmsundsgata 120 5528 HAUGESUND Nøkkelinformasjon:​Arbeidsgivar: Helse Fonna HF Referansenr.: 5145249277 Stillingsprosent: 100% Fast Søknadsfrist: 31.07.2026