IT-medarbeidar

Feiar/brannførebyggar i fast 100% stilling

Surnadal kommune Teknisk drift

Surnadal kommune skal tilsette ny medarbeidar: ​FEIAR OG BRANNFØREBYGGAR​ Arbeidsoppgåver:​ • Feiing og tilsyn med fyringsanlegg • Saksbehandling og oppfølging etter feiing og tilsyn med fyringsanlegg • Vedlikehald av brannvesenet sitt utstyr • Teoretisk og praktisk undervisning i brannvern • Delta i kommunen sitt «Trygg heime – prosjekt» Den som får tilbod om stillinga kan òg måtte utføre andre oppgåver innan eininga Teknisk drift. Ønske om kvalifikasjonar:​ • Det er ønskeleg med fagbrev som feiar, og/eller kompetanse innan brannførebygging. • Anna relevant utdanning og/eller arbeidserfaring får t.d mekaniske fag eller innan vedlikehald kan også vere aktuell kompetanse • Positiv og sjølvstendig • Likar å arbeide med folk • Grunnleggjande IT- kunnskap for å kunne dokumentere arbeidet • Politi- og helseattest • Førarkort klasse BE,C,T, S og båtførarprøve • God skriftleg og muntleg framstillingevne på norsk er viktig for dialog med med innbyggarane og med tanke på dokumentasjon. Tilsetting ​ • Løn blir fastsett med utgangspunkt i tariffavtale • Variert og interessant arbeid • Gode pensjons- og forsikringsordningar • Mogleg å vere deltidskonstabel i brannvesenet om vilkåra for dette er oppfylte Om den som får tilbod om stillinga ikkje har fagutdanning som feiar / brannførebyggar, må vedkommande forplikte seg til å ta dette gjennom godkjent opplæring. Slik opplæring inneber fleire kurs ved Brann- og redningsskolen i Tjeldsund. Vedkomande må òg vere villig til å ta anna lovpålagd opplæring. Det vil bli kravd helseattest og godkjent politiattest for stillinga. Politiattesten skal ikkje vere eldre enn 3 månader. Aktuelle søkarar blir kalla inn til samtale. Spørsmål om stillinga kan rettast til brannsjef Tor Arne Moen på telefon 90929031. Link til søknadsskjema: Søk her

Verksbetjent- serviceteknikar

Bergen fengsel

Om Stillinga​ Vi søkjar fast medarbeidar til arbeidsdrifta,  avdeling for vedlikehald i Bergen fengsel. Vedlikehaldsavdelinga er ei gruppe med trivlege, engasjerte, direkte og ærlege fagfolk med god humor. Du vil få arbeidsoppgåver innan teknisk vedikehald i fengselet. Det vere seg å sjå til at alle tekniske innstallasjonar virkar, som låsesytem, kamera/overvåking, alarmsystemer, TV, telefonar, kvitevarar o.l. Vi er oppteken av å gjere det lille ekstra for at fengselet skal fungere godt i det daglege. Arbeidsdrifta har eit tett samarbeid med Statsbygg, skule og tryggleiken i Bergen fengsel. Arbeidsoppgåver​ • vedlikedhald og drift av elektroniske og teletekniske installasjonar • delta i utvikling og iverksetting av nye tekniske løysinger • tilsyn og reparasjon av inventar i samarbeid med IT-avdelinga • etablering av nye punkter • brannteknisk tilsyn • internkontroll og dokumentasjon • koordinering av arbeide opp mot annaleie opplærimg, sysselsetting og oppfølging av innsette • generelt vedlikehald Den som blir tilsett, må rekne med endringar i ansvars- og arbeidsområde. Utdanning og erfaring​ Du må ha​ • relevant fagbrev og relevant erfaring innan Tele/kommunikasjon/elektriker • lang relevant erfaring kan erstatte krav om fagbrev • god norsk munnleg og skriftleg framstillingsevne • god kunnskap og erfaring i bruk av IKT - system eller verktøy Det er ønskjeleg at du har​ • utdanning eller erfaring innan elektronikk eller automatisering • beherska engelsk munnleg Den som blir tilsett, må vere villig til å gjennomføre kriminalomsorga si utdanning som verksbetjent. Personlege eigenskapar​ • gode kommunikasjons- og samarbeidsevner • evne til tryggleikstenking • evne til å jobbe sjølvstendig, målretta og systematisk med arbeidskvardagen til dei innsette • evne til å søkje gode løysingar for den enkelte, i samspel med kollegaer, leiing og eksterne samarbeidspartnarar • du må vere tolmodig, serviceinnstilt, ansvarsfull og fleksibel og ha evna til å motivere menneske i vanskelege livssituasjonar • lojalitet og evne til å bidra til eit godt arbeidsmiljø Vi tilbyr​ • meiningsfulle oppgåver i ein etat med eit viktig samfunnsoppdrag • gode pensjons-, forsikrings- og låneordningar i Statens pensjonskasse. • tilbod som til dømes trening, kantineordning og parkering. Stillinga blir løna som 0275 Verksbetjent​ fra kr 500 000 – 650 000 pr. år​, avhengig av ansiennitet/kvalifikasjonar. Kompensasjon for ubekvem arbeidstid kjem i tillegg det blir trekt 2 % innskot til Statens pensjonskasse. Generell informasjon​ Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.   Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju. Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing. Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden. Den som blir tilsett, må rette seg etter organisasjonsmessige eller andre endringar som blir bestemte om arbeidsområdet. Nærare opplysningar om stillinga får du ved å vende deg til Trond Sture - Verksmeister tlf. 55 39 3700 / eller 47375979  trond.sture@kriminalomsorg.no​ For spørsmål om elektronisk utfylling av CV kan Jobbnorge kontaktast på 75 54 22 20.

Senioringeniør - IT infrastruktur

Høgskulen på Vestlandet

Høgskulen på Vestlandet, Avdeling for informasjonsteknologi og -tenester har ledig fast stilling i 100 % som senioringeniør for IT infrastruktur​ System og infrastruktur (ITSI) har ansvar for drift, forvalting og utvikling av HVLs felles digitale infrastruktur. Eininga sikrar stabile, kosteffektive og framtidsretta løysingar for undervisning, forsking og administrasjon. Vil du hjelpe til med å sikre effektive, framtidsretta og trygge IT-tenester for Høgskulen på Vestlandet? Arbeidsstaden er ein av høgskulens fem campusar: Bergen, Førde, Sogndal, Stord eller Haugesund. Ansvars- og arbeidsoppgåver:​ Som senioringeniør IT infrastruktur vil du vere ein sentral fagressurs innan nettverk, med ansvar for drift, vidareutvikling og sikkerheit. Arbeidsoppgåvene omfattar mellom anna: • Planlegging, implementering, drift og sikring av kabla og trådlaust nettverk • Feilsøking • Feilretting Sikkerheit • Du tek del i å handtere sikkerheitshendingar og oppfølging av trusselbiletet (som del av CSIRT) • Utbetring av sårbarheiter, feilsøking, feilretting og kvalitetsarbeid Anskaffingar og samarbeid • Teknisk bistand ved anskaffing • Utforming av tekniske krav basert på brukarbehov Stillinga byr på ein variert arbeidskvardag der du arbeider operativt med brukarsikkerheit – frå førebyggjande tiltak til handtering av reelle sikkerheitshendingar. Du tek del i vidareutviklinga av høgskulen sin infrastruktur og bidreg til å sette retning for utvikling og sikring av tenestene. Kvalifikasjonskrav:​ Formell utdanning og kompetanse: • Relevant høgare utdanning frå høgskule eller universitet på minst masternivå, samt omfattande relevant fagadministrativ erfaring og spesialkompetanse på særleg høgt nivå tilpassa funksjonane i stillinga. Bachelorutdanning saman med slik realkompetanse kan i somme høve kompensere for masterkravet. • Solid erfaring med Cisco • Erfaring frå drift av nettverk i større organisasjonar • Erfaring med brukarsikkerheit • Erfaring med administrasjon av OneDrive, SharePoint og andre Microsoft-produkt • Erfaring med Palo Alto er ein fordel • Relevante sertifiseringar er ein fordel • Kompetanse innafor automasjon, scripting eller programmering er ein fordel Personlege eigenskapar: • Sjølvstendig og strukturert • Sterk fagleg integritet og gjennomgåande fokus på sikkerheit • Proaktiv og løysingsorientert • Gode samarbeidsevner • God norsk munnleg og skriftleg framstillingsevne Vi har ansvar for eit stort driftsmiljø med mange brukarar, det er difor viktig for oss at du både er fagleg sterk og kan arbeide systematisk og strukturert på eiga hand. Viss du er god på samarbeid kjem det til nytte, du vil tett inn mot andre i og utafor eininga og avdeling. Vi set pris på at du er villig til å dele av din eigen kunnskap, at du er hjelpsam mot kollegane dine, og at du tek del i opplæringa av lærlingane våre. Vi tilbyr:​ • Eit godt og inkluderande arbeidsmiljø • Varierte og interessante arbeidsoppgåver • Gode pensjons-, forsikrings-, og låneordningar i Statens pensjonskasse • Høve for trening i arbeidstida Vi har eit stort og kompetent IKT-miljø som gir gode moglegheiter for fagleg utvikling. Vi ønskjer at medarbeidarane våre utviklar seg i jobben, og dette legg vi til rette for gjennom intern opplæring, eksterne kurs og ved å delta i forum for samarbeid og kunnskapsdeling. Stillinga er løna etter Statens lønsregulativ, i stillingskode 1181 - senioringeniør. Frå løna vil det bli trekt 2 % innskot til Statens pensjonskasse. Korleis søke på stillinga?​ Send søknad og CV ved å klikke på knappen merka ”Søk stilling” på denne sida. Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje. Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning.  HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.  Søknadar kan ikkje sendast på e-post til enkeltpersonar ved høgskulen. Generell informasjon:​ Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje. Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV. Arbeids- og opphaldsløyve i Norge er ein føresetnad for å tiltre stillinga.  Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane. Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering. Inkludere, utfordre og samhandle​ Les meir på våre heimesider.