Rådgjevar ved seksjon for operative tenester

Sakshandsamar i Tolletaten

Tolletaten

Vil du være med å bygge opp og forme ein nyoppretta seksjon? ​   Tolletaten har ei viktig rolle som samfunnsbeskyttar. Samfunnsoppdraget vårt er å sikre at lover og reglar for grensekryssande vareførsel blir etterlevde. Med brei og målretta verkemiddelbruk arbeider vi for auka etterleving før, under og etter grensepassering. No har du høve til å bli ein del av seksjon for saksbehandling i Tolletaten som sakshandsamar. Du får arbeide med eit breitt spekter av fagleg spennande oppgåver i ein seksjon med nasjonalt fagansvar og eit viktig samfunnsoppdrag. Seksjon for saksbehandling har eit nasjonalt ansvar for eit viktige saksfelt som omfattar løyve, autorisasjonar, godkjenningar, sanksjonar og innsynssaker. Seksjonen er under oppbygging og vil på sikt bestå av mellom 20 og 25 tilsette. Vi søkjer både rådgivarar og seniorrådgivarar med ulik fagleg bakgrunn.    Sentrale arbeidsoppgåver: ​ • sakshandsaming av søknader etter vareførselsregelverket (til dømes søknad om bistand til å beskytte immaterielle rettar, søknad om autorisasjonar som gir forenklingar for næringa, innsynskrav etter offentleglova mm.)  • behandling av kontrollrapporter og ilegging av sanksjonar for brot på vareførselsregelverket • klagesakshandsaming innan eige fagområde • bidra i effektiviserings- og utviklingsarbeid, og delta i arbeidet med regelverksutvikling innan fagområdet • opplæring innan seksjonen sine fagområde for tilsette i Tolletatens og for næringslivet •   samarbeid med andre einingar i etaten og med eksterne samarbeidsaktørar Du må rekne med variasjon i arbeidsoppgåver ut frå seksjonen sine prioriteringar og satsingar. Kvalifikasjonar:​ • Relevant bachelor for stilling som rådgivar. • Relevant mastergrad for stilling som seniorrådgivar (aktuelle fag for begge stillingar kan vere rettsvitskap, toll, logistikk og administrasjon mm.) I særlege tilfelle kan bestått bachelor erstatte krav om master. • Tollfaglig utdanning fra Tolletatens kompetansesenter og god realkompetanse kan erstatte kravet om bachelor- eller mastergrad. • Relevant arbeidserfaring, for stilling som seniorrådgivar er det krav om særleg relevant arbeidserfaring. • Gode fagkunnskapar og godt fagleg skjønn. • God digital kompetanse. • Svært god munnleg og skriftleg framstillingsevne på norsk. • God munnleg og skriftleg framstillingsevne på engelsk. Det er ønskjeleg med erfaring frå: ​ • digital sakshandsaming og bruk av relevante system og verktøy  • planlegging og gjennomføring av kurs og presentasjonar, både digitalt og fysisk • utviklings-, forbetrings- og prosessarbeid Vi søkjer deg som: ​ • trivst med ansvar for eigne saker og oppfølging av desse • er strukturert og leverer arbeid av høg kvalitet innanfor fastsette fristar • tek initiativ til forbetring og utvikling • har gode samarbeidsevner, lyttar til andre og bidreg til godt samarbeid • er ein positiv bidragsytar til arbeidsmiljøet   Er du på jakt etter nye utfordringar og synest dette verkar som eit interessant arbeid, er du velkomen til å søkje på stillingane. Vi ønskjer søkjarar med både kortare og lengre relevant erfaring.   Vi tilbyr:​ •    eit tverrfagleg arbeidsmiljø, med eit viktig felles samfunnsoppdrag •    moglegheit til å delta i arbeidsgrupper og prosjekt •    løn ut frå kvalifikasjonar og erfaring, i stillingskode som rådgivar 500 000 – 650 000 og seniorrådgivar 650 – 800 000. For særskilt kvalifiserte søkjarar til stilling som seniorrådgivar kan noko høgare lønn vurderast •    eit moderne kontorlokale sentralt på Danmarksplass, med sykkelparkering, treningsrom og ein veldriven kantine •    fleksibel arbeidstid, og moglegheit for BIA (rørsle i arbeidstida). I tillegg får du medlemskap i Statens pensjonskasse, som har gode forsikrings- og pensjonsordningar, og dessutan gode vilkår på bustadlån •    moglegheit for noko lågare stillingsprosent for kandidatar som av helsemessige årsaker har behov for det   Kandidatar som får tilbod om stilling, må rekne med å bli omfatta av SEMAC-bakgrunnssjekk. Du må kunne levere uttømmande politiattest ved tilbod om tilsetjing.  For meir informasjon om stillinga kan du kontakte avdelingsdirektør June Nesse på 477 97 831. Om du har spørsmål knytt til rekrutteringa kan HR kontaktast på PB_VD-HR@tollno  Søknadsfrist 23. august 2026     Til deg som søkjer jobb i Tolletaten​ Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar.   Mangfald gjer oss betre! For å løyse samfunnsoppdraget vårt treng vi medarbeidarar med ulike erfaringar og perspektiv. Difor oppmodar vi alle kvalifiserte kandidatar til å søkje – særleg deg med funksjonsnedsetjing, innvandrarbakgrunn eller hol i CV-en. Ved å krysse av for dette i søknaden kan du ha rett på positiv særbehandling. Les meir om dette på arbeidsgivarportalen.   Ver merksam på at namnet ditt kan bli offentleggjort på ei offentleg søkjeliste, i tråd med gjeldande regelverk. Vi nyttar Semac bakgrunnssjekk i samband med våre tilsetjingar.

Spesialkonsulent/rådgjevar museum

Kultur og folkehelse, Vestland fylkeskommune

Vil du vere med å utvikle​ museumsfeltet i Vestland? Vestland fylkeskommune søkjer ein spesialkonsulent/rådgjevar museum som vil vere med å vidareutvikle ein av dei sterkaste museumsregionane i landet. Stillinga ligg i fageining for museum, fartøy- og bygningsvern, ein del av kulturarvseksjonen. Fageininga har lokasjon både i Bergen og Førde. Arbeidsstad for denne stillinga er Bergen. Vestland har ti konsoliderte museum og eit stort mangfald av institusjonar. Fylkeskommunen har ei sentral strategisk utviklarrolle i å leggja til rette for ein regional heilskap på museumsområdet, mellom anna innan fellesmagasin, bevaringstenester, bygningsvernrådgjeving og kunnskaps- og utviklingsarbeid. No søkjer vi ein erfaren, engasjert og samfunnsorientert rådgjevar som vil bidra aktivt i dette arbeidet.   Arbeidsoppgåver​ • Førebu politiske saker og følgje opp vedteken politikk på museumsfeltet • Planleggje og bidra i realisering av Samlingssentrum Vestland, eit fellesmagasin for musea i Hordaland • Bidra til strategisk utvikling og regional samordning av museumsfeltet • Følgje opp musea gjennom årlege museumssamlingar, dialog og nettverksarbeid • Forvalte og følgje opp regionale driftstilskot og kulturfondmidlar • Delta i og bidra til regionale og nasjonale museumsnettverk • Delta i utviklingsprosjekt og andre relevante oppgåver ved behov Noko reiseverksemd må påreknast. Kvalifikasjonar​ Du må ha: • Relevant høgare utdanning frå høgskule eller universitet, minimum på bachelornivå (spesialkonsulent) • Dokumentert kompetanse og erfaring frå museumsfagleg arbeid • Førarkort personbil klasse B Vi ønskjer at du har: • Erfaring frå prosjekt- og utviklingsarbeid innan museum og kulturarv • Erfaring frå rådgjeving, saksførebuing eller arbeid tett på leiing og politiske organ • Kunnskap om offentleg forvaltning og politiske prosessar Personlege eigenskapar​ Vi ser etter ein medarbeidar som kjenner seg igjen i verdiane våre som er open, kompetent og modig. I tillegg ønskjer vi at du er : • Er nytenkjande og utviklingsorientert • Evnar å sjå heilskap og samanhengar • Har god munnleg og skriftleg framstillingsevne på norsk • Kommuniserer godt og samarbeider effektivt med ulike aktørar • Arbeider strukturert, sjølvstendig og målretta Personleg eignaheit vil bli tillagt stor vekt. Vi tilbyr​ • Eit av Noregs mest sentrale og kompetente fagmiljø innan vern og utvikling av kulturarv • Høve til å påverke utviklinga av museumsfeltet i Vestland • Stillingstittel (rådgjevar/ spesialkonsulent) og løn vert fastsett etter kompetanse og erfaring  • Gode forsikrings- og pensjonsordningar • Fleksibel arbeidstid • Eit fagleg sterkt, inkluderande og engasjerande arbeidsmiljø   Kontaktinformasjon​Eva Moberg, leiar, 90591452, Eva.Moberg@vlfk.no David Sandved, Seksjonsleiar, 40226543, David.Johannes.Aasen.Sandved@vlfk.no Arbeidsstad​Lars Hilles gate 22 5008 Bergen Nøkkelinformasjon:​Arbeidsgivar: Vestland fylkeskommune Referansenr.: 5140466034 Stillingsprosent: 100% Fast Søknadsfrist: 30.08.2026

Rådgjevar

NPI - Forsking, kompetanse og internasjonalisering, Vestland fylkeskommune

Vil du jobbe med dei som går i front for grøn omstilling i Vestland?  Vestland er i omstilling. Næringsliv, offentleg sektor og kunnskapsmiljø samarbeider for å gjere regionen grønare, og dette arbeidet gir resultat. Grøn region Vestland er ei samordna satsing kring verdiskaparane som går i front for grøn omstilling. Vi koplar aktørar og verkemiddel for auka verdiskaping. Vi byggjer noko som skal vare. Målet er å ha eit sjølvgåande kraftsenter for grøn næringsutvikling, kunnskapsdeling for berekraftig forvalting av ressursane og nettverk for forpliktande klimaarbeid. Det du er med å byggje no, skal framleis vere i drift om ti år - med fleire bedrifter, sterkare partnarskap og historier som inspirerer langt utover Vestland. Og vi treng nokon som kan fortelje verda om det - er det deg? Vi søkjer ein engasjert kommunikasjonsrådgjevar som kan løfte fram arbeidet til Grøn region Vestland gjennom tydeleg, truverdig og inspirerande kommunikasjon. Du vil vere ein sentral ressurs i eit prosjekt som betyr noko - for Vestland, for næringslivet og for klimaet. Stillinga er ei 3-årig prosjektstilling i 100 % med arbeidsstad på Vestlandshuset i Bergen. Arbeidsoppgåver​ Arbeidsoppgåvene dine vil vere blant anna å: • utforme strategisk kommunikasjon for Grøn region Vestland og dei sirkulære hubbane • løfte fram dei kommersielle suksesshistoriene og verdiskapinga som skjer i fylket • ha utstrekt dialog med dei som står i front for det grøne skiftet i Vestland • planlegge og gjennomføre arrangement • vedlikehalde og utvikle nettsider og sosiale medium • utarbeide nyheitssaker, artiklar og redaksjonelt innhald • utarbeide kommunikasjonsmateriell • gjere administrativt arbeid knytt til prosjektet Kvalifikasjonar​ Vi ser etter deg som har: • relevant utdanning på minimum bachelornivå • erfaring innan kommunikasjon, journalistikk eller media • gode formidlingsevner i norsk og engelsk både skriftleg og munnleg • ferdigheiter innan kommunikasjonsteknologi • god kjennskap til sirkulær økonomi, næringsutvikling og grøn omstilling Personlege eigenskapar​ Som person: • kjenner du deg igjen i verdiane våre som er open, kompetent og modig • forstår du samanhengen mellom berekraft og kommersiell verdiskaping — og kan formidle det engasjerande • har du gode relasjonelle eigenskapar og evne til å kommunisere med ulike grupper, frå gründerar til kommunedirektørar • har du stort engasjement for grøn omstilling og næringsliv • har du evne til å raskt setje deg inn i nye tema og fagområde • er du sjølvstendig og initiativrik • jobbar du systematisk og strukturert • trivst du med å jobbe på tvers av fagmiljø Vi tilbyr​ Vi kan tilby deg: • ein meiningsfull jobb i eit prosjekt som bidreg til grøn omstilling i Vestland • moglegheiter til å forme og utvikle rolla saman med prosjektteamet   • eit engasjert og tverrfagleg arbeidsmiljø • arbeidsstad sentralt i Bergen • løn etter avtale • gode moglegheiter for fagleg utvikling • gode offentlege pensjons- og forsikringsordningar Kontaktinformasjon​Kathrin Jakobsen, seksjonssjef, 98255253 Arbeidsstad​Lars Hilles gate 22 5008 Bergen Nøkkelinformasjon:​Arbeidsgivar: Vestland fylkeskommune Referansenr.: 5145926718 Stillingsprosent: 100% Fast Søknadsfrist: 04.08.2026