Vil du gjere ein forskjell for kvar enkelt elev?

Vil du vere med å gje barn og unge ein trygg oppvekst?

Bjørnafjorden kommune Os barneskule

Os barneskule har ledig eit vikariat i 100 % eller meir som timelærar frå 01.08.2026-31.07.2027 Arbeidsstad ​Os barneskule ligg i sentrum av Os. Skuleåret 2026 - 2027 har vi 222 elevar og 34 tilsette. Tryggleik og trivsel er føresetnader for læring. Vi møter derfor kvart barn med respekt og omsorg og er gode rollemodellar for dei. Ros og oppmuntring er vi rause med. Saman med foreldra lagar vi gode rammer rundt borna. Visjonen vår er "Livsglede og lærelyst". Les gjerne meir om skulen på nettsida: http://www.osbarn.gs.hl.no Satsingsområda våre er grunnleggjande ferdigheiter i lesing og skriving, i tillegg til godt læringsmiljø og livsmeistring for alle. Arbeidsoppgåver​ Undervisningsstilling fortrinnsvis på mellomtrinnet. Kvalifikasjonar​ Godkjent lærarutdanning frå høgskule eller universitet. Utdanning frå utlandet skal vera godkjent av HK-dir. Ønska kvalifikasjonar​ Skulen ønskjer fortrinnsvis lærarar med grunnskulelærarutdanning for 1.-7. trinn. Det er særleg ønskjeleg med kompetanse i matematikk, kroppsøving og spesialpedagogikk. I tillegg vil det vera ønskjeleg med gode digitale ferdigheiter. Det er viktig å ha god kjennskap til LK-20 og planleggja for tverrfaglegheit og djupnelæring. Skulen treng pedagogar som er tydelege, robuste og engasjerte klasseleiarar. Ein må vera fleksibel og ha gode samarbeidsevner. Vi ønskjer oss ein raus kollega med god relasjonskompetanse, samt ein som har positive haldningar, bidreg til å oppretthalde eit godt arbeidsmiljø og har stor arbeidskapasitet. Søkjarane vil verta vurderte i høve personlege eigenskapar og kva skulen treng. Aktuelle søkjarar vert kalla inn til intervju. Ein føresetnad for tilsetjing er godkjent politiattest i høve opplæringslova. Vi tilbyr​ Faglege og personlege utfordringar i eit godt og inspirerande arbeidsmiljø. Gode pensjons- og forsikringsordningar og løn etter avtale. Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn. Etter utløpet av søknadsfristen vil det bli utarbeidd ei offentleg søkjarliste. Denne vil innehalda namn, alder, stilling eller yrkestittel og dessutan bustad- eller arbeidskommune for kvar søkjar. Det kan gjerast unntak frå innsyn dersom ein søkjar ber om det, men opplysningar kan likevel bli offentleggjort i samsvar med gjeldande regelverk. Dersom ei oppmoding om unntak ikkje blir teken til følgje, vil søkjaren bli varsla. Vi vil aldri be søkjarar om å oppgi BANK-ID-informasjon i søknadsprosessen. Kontaktperson​ Laila Aarbakke, rektor, tlf.: 476 70 291, laaa@bjornafjorden.kommune.no Stian Lunde, avdelingsleiar, tlf.: 930 38 850, stl@bjornafjorden.kommune.no Link til søknadsskjema: Søk her

Vil du vere med å gje barn og unge ein trygg oppvekst?

Bjørnafjorden kommune Fusa ungdomsskule

Vi søker deg som vil vera med å bidra til trygge og inkluderande læringsmiljø og gode resultat. Vi kan tilby eit inspirerande og mangfaldig fagmiljø der vi arbeider målretta for å skapa trygge oppvekstvilkår, og der skuleutvikling står sentralt. Satsingsområda i kommunen er livsmeistring for alle, nærvær og fråvær, begynnaropplæring og LK20 (Læreplanverket for Kunnskapsløftet 2020). Vi bidrar til ein god start for nyutdanna nytilsette lærarar gjennom mentorordning og faste nettverk. Arbeidsstad: ​Moderne og flotte Fusa ungdomsskule stod ferdig hausten 2019 og ligg fint til mellom fjord og fjell, sentralt i Eikelandsosen. Skulen har eit flott uteområde som bidreg til aktivitet og moglegheiter for praktisk undervisning. Like ved finn ein idrettsanlegg og fleirbrukshall. Skuleåret 2026 - 2027 er det om lag 155 kjekke elevar, og eit engasjert og stabilt personale med sterkt fokus på å skape eit trygt, inkluderande og godt læringsmiljø for alle elevar. Utviklingsområda våre dreier seg om trygt og god skulemiljø, undervegsvurdering og lesing. Arbeidsoppgåver: ​- Kontaktlærarfunksjon - Individuelt tilrettelagt opplæring - Ordinær undervisning i klasse eller i gruppe - Samarbeid med foreldre, PPT, BUP og med fleire Skulen har behov for kompetanse innan: individuelt tilrettelagt opplæring, norsk, samfunnsfag, KRLE og kroppsøving. Søkjarar med undervisningskompetanse i andre fag vil likevel bli vurderte i høve til personlege eigenskapar og skulen sine behov. Tilsette må kunne fungere som kontaktlærar. Vi ser etter medarbeidarar som: ​- er ein tydeleg og engasjert klasseleiar og rollemodell - er aktiv i pedagogisk utviklingsarbeid - er framtidsretta innan digital undervisning - er fleksibel og har evne til å finne gode løysingar - har gode evner til samarbeid og til å skape gode relasjonar til elevar, foreldre og kollegaer Kvalifikasjonar: ​- Godkjent lærarutdanning frå høgskule eller universitet. Utanlandsk utdanning må vere godkjent frå HR-dir. - God munnleg og skriftleg framstillingsevne er ein føresetnad. Nynorsk er administrasjonsmålform i Bjørnafjorden kommune. I tråd med opplæringslova stiller vi krav om tilfredsstillande politiattest av den som får tilbod om stillinga. Vi tilbyr:​  - Faglege og personlege utfordringar i eit godt og inspirerande arbeidsmiljø - Gunstig pensjonsordning, yrkesskade- og gruppelivsforsikring - Løn etter gjeldande avtalar - Vi arbeidar for å få etablert heiltidskultur i kommunen - For undervisningsstillinger kan du lese meir om pensjonsordninga hos Statens Pensjonskasse. Etter utløpt søknadsfrist, vil det bli generert ei offentleg søkarliste med nann, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan bli offentlege sjølv om ein har kryssa av for å bli unnateke. Dersom anmodningen ikkje vert teke til følgje vil søkaren varslast om dette. Vi vil aldri be søkar om å oppgi BANK-ID informasjon i søknadsprosessen.   Link til søknadsskjema: Søk her

Er du sjukepleiaren som vil gjere ein forskjell i akuttpsykiatrien?

Akuttpsykiatrisk post Valen, Valen Sjukehus

Då kan du vere med å gjere ein forskjell når det betyr som mest.​ Hos Akuttpost Valen møter du pasientar i ein sårbar situasjon der dine faglege og menneskelege kvalitetar kan vere avgjerande. Er du ein sjukepleiar som ønsker å bidra med tryggleik, omsorg og fagleg kompetanse i eit tverrfagleg miljø? Då kan dette være jobben for deg. Her får du moglegheita til å utvikle deg, lære nytt og bli ein del av eit inkluderande team som alltid set pasienten først. 👉 ​Søk no og bli med på laget vårt!​ Kva går jobben ut på?​ • Gje pasienten medisinsk og miljøterapeutisk behandling som er naudsynt for å oppfylle dei krav som er sett for kvar einskild pasient. • Du deltek i miljøbehandlinga i eit team beståande av psykiater, psykolog, sjukepleiar, vernepleiar, sosionom, helsefagarbeidar. • Du vil få medansvar for å koordinere den miljøterapeutiske behandlinga i posten. • Utforme behandlingsplanar. • Gjennomføre strukturerte samtalar med pasientar i krise gjennom vårt behandlingstilbod "Krisepakke". • Rettleingsansvar for studentar. Kva kompetanse er viktig i denne rolla?​ • Norsk autorisasjon som sjukepleiar. • Ønskeleg med erfaring og realkompetanse innan psykiatri. • Gode munnlege og skriftlege norskkunnskapar. Kva ser vi etter hos deg?​ Hos oss er det viktig at du: • Er initiativrik, interessert og har respekt for kvar enkelt pasient. • Taklar stressande situasjonar med ro og fagleg holdning. • Trivst i eit aktivt og travelt miljø. • Er ein god teamarbeider og likar å jobbe tverrfagleg. • Bidreg til eit godt arbeidsmiljø og er tilpasningsdyktig. • Etterspør rettleiing. Kvifor skal du velje oss?​ Hos oss får du: • Eit inkluderande arbeidsmiljø med kompetente kollegaer. • Kompetanseutvikling gjennom fagdagar og kurs. • Opplæring i terapeutisk møte med aggresjon og i behandlingstilbodet "Krisepakke". • God opplæring, internundervisning og rettleiing. For å kunne vurdere fortrinnsrett til stilling, må søkar gi til kjenne dette i søknaden.​ Kontaktinformasjon​Merete Gravdal, Funksjonsleiar, merete.gravdal@helse-fonna.no Arbeidsstad​Sjukehusvegen 26 5451 VALEN Nøkkelinformasjon:​Arbeidsgivar: Helse Fonna HF Referansenr.: 5146539754 Stillingsprosent: 100% Vikariat Sluttdato: 30.05.2027 Søknadsfrist: 02.08.2026