Fagleiar plan - Har du lyst å leia ei sterk og konkurransedyktig plangruppe?

Politioverbetjent oppdragsleiar

Vest politidistrikt

Om stillinga​ I Vest politidistrikt, for tida ved Felles eining for operativ teneste, Seksjon for operative tenester, er det ledig fleire mellombelse stillingar som politioverbetjent SKO 0287 med funksjon som oppdragsleiar. Stillinga inneber turnusteneste. Felles eining for operativ teneste er ei funksjonell driftseining i Vest politidistrikt. Eininga er organisert i Seksjon for operative tenester, Seksjon for arrest og framstilling, Seksjon for samfunnssikkerhet og beredskapskoordinering,  Seksjon for operative spesialfunksjoner og Seksjon for felles tenestekontor. Dei tilsette ved eininga har både politifagleg og sivil bakgrunn. Eininga har det overordna faglege ansvaret for politiet sine operative gjeremål i heile distriktet.  Seksjon for operative tenester har fire avsnitt, tre for operasjonssentralen og eit avsnitt for fag og metode. På operasjonssentralen er det tre team på kvart avsnitt og kvart team har følgjande samansetjing: ein operasjonsleiar, ein oppdragsleiar og eit antal operatørar. Operasjonssentralen har eit hektisk miljø med fokus på fagleg utvikling og gode relasjonar på teama. Avsnittsleiar er oppdragsleiar sin næraste overordna med personalansvar. Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og ivareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng. Arbeidsoppgåver​ • Døgnbasert naudmeldeteneste (112) og handtere alarm- og overvakingsanlegg  • Motta, formidle og føre operative meldingar  • Delta i dagleg leiing av operasjonssentralen og ha ansvar for effektiv forvalting av politiet sin operative innsats saman med operasjonsleiar  • Leie og koordinere pågåande operative oppdrag på operasjonelt nivå, på vegne av operasjonsleiar  • Sørge for god kommunikasjon med innsatsleiar eller anna utpekt leiar på taktisk nivå  • Kvalitetssikre operatørane sitt arbeid  • Delta aktivt i operasjonssentralen sine oppgåver, herunder vere ein fagleg pådriver, og videreutvikle tildelt fagområde  • Sørge for å iverksetje naudsynt straksetterforskingsskritt  • Saman med operasjonsleiar, bidra til fagleg utvikling av operatørar, både internt og på tvers av teama  • Bistå operasjonsleiar med mediehandtering  • Overta operasjonsleiar sin funksjon ved høve, enten i korte periodar, eller i midlertidig fungering, samt kunne fungere i rollen som operatør  • Andre oppgåver pålagt av overordna Kvalifikasjonar​ Dette må du ha for å vere kvalifisert: • Vitnemål frå Politiskulen/Politihøgskulen  • Tilfredsstille kompetansekrava for pb3 og ha arbeidet innan relevant fagfelt i minimum 5 år. Relevant fagfelt kan eksempelvis vera erfaring frå operasjonssentral, ordensteneste, etterforsking eller leiar/fagleiar erfaring. Ved anna relevant bachelor- eller mastergrad kan heile eller deler av kravet fråvikast  • Brei politifagleg erfaring  • Gjennomført operatørkurs eller vere villig til å gjennomføre slikt kurs  • Kunnskap om politidistriktet sitt plan- og instruksverk og styrande dokument  • Kjennskap til politiet sine data- og beredskapssystem  • God munnleg og skriftleg framføring  • Det blir stilt krav til sikkerheitsklarering på nivå HEMMELEG samt autorisasjon for FOT Vest pd jf. sikkerhetslovens kapittel 8.  Du må ha plettfri vandel og vere skikka for teneste i politiet. Politiattest (uttømmande og utvida) må,innhentast ved ev. tilsetting, jf. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju. Det er også ønskjeleg med: • Erfaring frå operativ teneste/leiing blir vektlagt  • Etterforskarerfaring er ein fordel  • Erfaring frå operasjonssentral er ein fordel   Personlege eigenskapar​ • Gode evner til kommunikasjon og relasjonsbyggjing både internt og eksternt • Evne til å kunne leie og arbeide godt i team  • Evne til å prioritere, halde fokus, meistre stress og handtere pressa situasjonar  • Resultatorientert med evne til å sjå løysningar og ha god gjennomføringsevne  • Gode samarbeidsevner, evne til å motivere medarbeidarar og skape god samhandling og godt arbeidsmiljø  • Samfunnsorientert med forståing for eininga si rolle i politiets samfunnsoppdrag  • Personleg egnethet og motivasjon for stillinga vil bli vektlagt Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her. Dette kan vi tilby om du vel oss​ • Ein utfordrande og spennande arbeidsplass for deg som vil vere med å forme framtidas polititenester  • Eit arbeidsmiljø med engasjerte og dyktige kollegaer  • Stillinga blir lønna som politioverbetjent SKO 0287 frå 765 000,-  brutto per år.  Vidare lønnsutvikling vil skje i henhold til hovudtariffavtalane i staten • Medlemskap i Statens pensjonskasse, med blant anna gode pensjons- og forsikringsordningar (sjå https://www.spk.no for meir info) Bedriftshelseteneste Mangfald i politiet​ Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju. Les meir om positiv særbehandling når ein søkjer jobb i staten her.  Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar. Video: https://www.youtube.com/watch?v=uUTjHmSB_WcSlik søkjer du​ Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju. Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Er du glad i både kart, matrikkel og folk? Kanskje du er den me søker etter?

Hå kommune Plan- og forvaltning

Hå kommune har ledig ei fast 100 % stilling som leiar for kart og oppmåling og søker ein engasjert og dyktig medarbeidar. Området er organisert under avdeling for plan og arealbruk, og har per nå to tilsette i tillegg til fagleiar. Arbeidsoppgåver​ - Matrikkelarbeid - saksbehandling av saker etter matrikkellova, landmåling, oppmålingsforretning, adressering - Geodata/GIS- arbeid - pådrivar for utvikling av fagområde (kommunen bruker per i dag ISY GIS/ISY- Map) - Fagleg ansvarleg kontaktperson i GIS, Geovekst og geodatanettverk - Temakart - Personalansvar - Rådgjeving av publikum, kollegaer og folkevalde innanfor fagområdet - Andre arbeidsoppgåver må kunne påreknast. Kvalifikasjonar​ - Relevant utdanning på bachelor- eller mastergradsnivå. - Ønskeleg med minimum 3- 5 års relevant arbeidserfaring - Gode digitale ferdigheiter innan GIS- og kartløysingar, GPS og landmåling - Kompetanse innanfor relevant lovgjeving og god juridisk forståing - Søker må ha god matrikkelførarkompetanse, eventuelt kunne tileigne seg kompetansen ved matrikkelførarkurs/praksis. - Autorisert eigedomslandmålar eller med moglegheit for å bli autorisert - Har god kunnskap om offentleg forvaltning - God norsk munnleg og skriftleg framstillingsevne. - Søkarar må ha førarkort klasse B. Personlege eigenskapar​ - Er positivt innstilt med god gjennomføringsevne og framdrift - Har godt overblikk, er systematisk og strukturert - Evne til å jobbe sjølvstendig og ta ansvar for eigne vurderingar og avgjerder - Har gode samarbeidsevner og evne til å jobbe i team - Er engasjert, fleksibel, endringsvillig og løysningsorientert - Har motivasjon og evne til å tileigne seg ny kunnskap. - Personlege eigenskapar vil bli tillagt vekt. Vi tilbyr​ - Ein spennande jobb i eit triveleg arbeidsmiljø - Varierte og utfordrande arbeidsoppgåver - Lønn etter avtale - Gode forsikrings- og pensjonsordningar - Utfordrande arbeidsoppgåver innan fagfeltet - Fleksibel arbeidstid Attestar og vitnemål​ Vi ber om at du lastar opp attestar og vitnemål, i PDF-format​, saman med søknaden din. Utenlandske vitnemål må vera godkjende av Direktoratet for høyere utdanning og kompetanse (https://hkdir.no) og utenlandske attestar oversatte til eit skandinavisk språk eller engelsk. Tilsetjingsvilkår​ Tilsetjinga skjer på dei vilkår og med dei plikter som framgår av utlysninga, og dei til einkvar tid gjeldande lovar, regler og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har ei prøvetid på 6 månader og regler for flyttegodtgjersle. Link til søknadsskjema: Søk her

Fagleiar i Familieteamet

Vindafjord kommune Helse

Har du eit engasjement for barn og unge? Er du oppteken av familien som eit system rundt barnet? Er du refleksiv og har evne til å sjå ting frå ulike perspektiv? Vil du jobbe med å spele eit allereie dyktig rettleiingsteam endå betre? Då er kanskje du den me ser etter! Me har ledig 100% fast stilling som fagleiar i familieteamet.   Familieteamet i Vindafjord jobbar forebyggande og endringsretta i høve barn, unge og deira familiar. Me har to mandat, lågterskel og etter vedtak frå barnevernet. Me er opptekne av gode rammer, empowerment og kunnskapsformidling. Me bygg kunnskapsgrunnlaget vårt særleg på COS-P og TBO,  og er opptekne av å nytte metodar som er hensiktsmessige i høve problemstillinga. Som fagleiar vil du vera med å byggje vidare på dette, og ikkje minst å påverke vidare utvikling i Familieteamet.     Me er eit tverrfagleg team på 12, kor alle jobbar både lågterskel og etter mandat frå barneverntenesta. Kvardagen i Familieteamet består hovudsakleg av rettleiingsmøter på rådhuset, men med Vindafjord og Etne sin vidstrakte geografi, vert det også noko reising for møter. For miljøterapeutane vil arbeidet vera i heimane. Nokre i teamet er og ein del av kriseteamet i kommunen, og har såleis ein akuttfunksjon.     Me ser etter deg som er god på å møte menneske i krise, navigerer godt i komplekse familiesituasjonar, har gode kommunikasjonsferdigheter og god evne til å handtere og tole konflikter, samt sterke kjensler. Som ein del av leiargruppa må du ha god evne til å gje tilbakemeldingar, vera tydeleg og samstundes ivaretakande.    Kva får du jobba med hos oss?​ Hovudoppgåva til fagleiar er å ivareta og vidareutvikle eit trygt og fagleg sterkt arbeidsmiljø. Som fagleiar har du medansvar for å fagleg styrke og utvikle teamet vidare. Dette inneber teammøter, rettleiing med familierettleiarar, planlegge og leie kompetanseheving. Du skal samarbeide med andre på både individ- og systemnivå. Du vil ha medansvar for utvikling og kvalitetssikring av skriftleg arbeid som rutinar, journal, oppfølging av internkontroll og avvikshandtering. Du vil og ha medansvar for fagsystem og vidare utvikling av dette.    Kvalifikasjonar: ​ • Treårig høgskuleutdanning, fortrinnsvis bachelor i sosialfagleg, helse eller pedagogisk utdanning. Andre relevante utdanningar kan vurderast.  • Relevant vidareutdanning er ønskeleg. • Erfaring frå systematisk arbeid frå lågterskel eller barnevern.  • Erfaring innan leiing er ønskeleg.  • Gode kommunikasjonsferdigheter i norsk, munnleg og skriftleg. Skriftspråket i kommunen er på nynorsk.  • Førarkort klasse B og moglegheit for å disponera eigen bil. Kommunen har i tillegg bilar til disposisjon.  • Det må framvisast politiattest for å jobba i Familieteamet.  Personlege eigenskapar: ​ • Trygg og tillitsvekkande.  • Positiv og løysingsorientert.  • Evne til å jobba effektivt og strukturere eigen arbeidsdag.  • Evne til å jobbe sjølvstendig, men også vera ein del av eit fagleg team.  • Evne til nytenking, kritisk refleksjon og opptatt av personleg fagleg utvikling.  • Evne til å motivere for endring og å sjølv vera endrings- og utviklingsfokusert.  • Evne til samarbeid med familiar, samarbeidspartnarar og kollegaer.  • Ein god kollega og ein støtte for dine medarbeidarar.  • Oppteken av eit positivt menneskesyn og brukarmedverknad.  Personlege eigenskapar vil bli særskilt vektlagt.    Me kan tilby: ​ • Eit kollegafellesskap som består av engasjerte og fagleg sterke familierettleiarar som er opptekne av å gjere ein forskjell for familiane me jobbar med og for å skape ein god arbeidsplass.  • Vera ein del av eit positivt leiarfellesskap, ha tilbod om relevant fagleg påfyll og moglegheit for ulike former for kompetanseheving. Til dømes vidareutdanningar og ulike kurs og sertifiseringar.  • Tilhøyra eit team der ein får drøfte faglege synspunkt og utfordringar, samt lære av kvarandre.  • Tett oppfølging frå kollegaer i kvardagen og jamleg individuell rettleiing, både i opplæringa og i arbeidskvardagen vidare.  • Ein fleksibel og variert arbeidskvardag, der ein får vera med å forma arbeidsdagane sjølv. Me har fleksitidsordning og moglegheit for heimekontor.  • Kjekke ansattgoder som blant anna gratis parkering og rabatt på Frisk treningssenter.  • Ein av Norges sikraste pensjonsordningar: offentleg tenestepensjon.   • Forsikringsordningar som gruppelivsforsikring, yrkesskadeforsikring og tenestereiseforsikring.  • Lønn etter gjeldande tariff og avtaleverk.    Slik søkjar du: ​ Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.  Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering. Link til søknadsskjema: Søk her