Ålesund kyrkjelege fellesråd

Vår kantor går av med pensjon og det er no ledig stilling som kantor/kyrkjemusikar i 100 % i Ålesund kyrkjelege fellesråd med Borgund sokn som arbeidsstad. Ålesund er den største byen mellom Bergen og Trondheim, folketalet i kommunen er på omlag 60 000 innbyggjarar. Byen har eit godt utbygd skuletilbod og har Universitet (NTNU), fleire grunnskular, to vidaregåande skular, to folkehøgskular og to private kristne ungdomsskular. I kommunen ligg Ålesund sjukehus. Vigra lufthamn, som ligg ca 20 minutt unna, har flysamband til resten av Norge og til utlandet. Borgund sokn utgjer saman med Ellingsøy sokn eit samarbeidsområde. Soknet har ca. 5.200 medlemmar. Borgund kyrkje ligg vakkert til i eit populært friluftsområde nær Sunnmøre Museum. Kyrkjelydshus med kontorlokale og eigen barnehage, ligg like ved kyrkja.  Kyrkjelyden har sokneprest, kantor, kyrkjetenar, dagleg leiar, diakon, kyrkjelydspedagog og kateket/ungdomsprest. Det er stabsfellesskap mellom sokna i Borgund og Ellingsøy med felles dagleg leiar, diakon, kyrkjelydspedagog og kateket/ungdomsprest. Orgelet i Borgund kyrkje er bygd i 1981 av Marcussen & Søn, Danmark. Orgelet har 35 stemmer og tre manualar. Kyrkja har også eit kororgel laga av Paul Ott, Tyskland. Ålesund har eit aktivt musikkmiljø med bla symfoniorkester, musikkline ved vidaregåande skule og kulturskule. For meir informasjon Heimeside: www.borgund.menighet.no  Arbeidsoppgåver​ • Tenestegjere ved gudstenester og andre kyrkjelege handlingar. • Lede og utvikle kyrkjelydens musikk og kulturarbeid. Kyrkjelyden har barnekor og kyrkjekor • Samarbeid med nabosokn om konsertverksemd • Tilsyn med kyrkja sine instrument Kvalifikasjonar​ • Fortrinnsvis utdanning i samsvar med Tenesteordning for kantorar eventuelt kyrkje­musikar med anna relevant utdanning/realkompetanse/kyrkjemusikalsk utdanning • Krav om allsidige orgel og piano ferdigheiter, gjerne erfaring frå korarbeid • Gode norskkunnskapar, både munnleg og skriftleg, tilsvarande minimum nivå B2 etter Det felles europeiske rammeverket for språk. Personlege eigenskapar​ • Du er engasjert og kreativ, og har eit ønskje om å bidra i kyrkjelydens musikalske arbeid • Kontaktskapande og samarbeidsvillig, evne til å arbeide både sjølvstendig og i team • Personlege eigenskapar vil bli vektlagt Vi tilbyr​ • Hyggelege kollegar som har fokus på eit godt arbeidsmiljø • Spennande og varierte arbeidsoppgåver og gode moglegheiter for fagleg utvikling • Lønn etter KAs tariffavtale • Pensjons- og forsikringsordningar Anna​ • For å bli tilsett må ein ha førarkort klasse B og kunne disponere eigen bil i arbeidet. • Den som får tilbod om stillinga må legge fram barneomsorgsattest (politiattest), jfr Lov om tros- og Livssynssamfunn § 20 • Tilsetting i Ålesund kyrkjelege fellesråd med for tida Borgund sokn som arbeidsstad.   Aktuelle kandidatar blir innkalla til intervju og eventuelt prøvespeling og prøvedireksjon. Tilsetting etter avtale. Kantor under utdanning vert oppfordra til å søke. Kontaktinformasjon​Kristin Smehus, dagleg leiar, 945 32 479 Arbeidssted​Borgundgavlen 30 6015 Ålesund Nøkkelinformasjon:​Arbeidsgiver: Ålesund kyrkjelege fellesråd Referansenr.: 5187369908 Stillingsprosent: 100% Fast Søknadsfrist: 01.11.2026

Vil du vere med og utvikle kyrkjemusikken i ein aktiv kyrkjelyd? Vi søkjer ein kantor som trivst med både gudstenester, korarbeid og samarbeid med tilsette og frivillige. Om oss Spjelkavik kyrkjelyd ligg sentralt i Ålesund og har eit variert arbeid innan gudstenesteliv, trusopplæring, diakoni og kultur. Musikk har ein viktig plass i kyrkjelyden. Vi har mellom anna kyrkjekor, ein aktiv korskule og eit kulturutval som arbeider med konsertar og andre arrangement. Du blir del av ein tverrfagleg stab som ønskjer å utvikle arbeidet saman. Arbeidsstaden er i hovudsak Spjelkavik kyrkje, ei moderne arbeidskyrkje med gode lokale, Petrof-flygel frå 2012 og eit Markussen-orgel med 26 stemmer frå 1992. Kyrkjelyden har også gudstenester på Hatlehol, der frivillige musikarar og band i hovudsak står for musikken. Kantorens faste teneste er knytt til Spjelkavik kyrkje. Arbeidsoppgåver​ • Spele ved gudstenester og kyrkjelege handlingar. • Planleggje musikken til gudstenester i samarbeid med prest og andre medverkande. • Utvikle det kyrkjemusikalske arbeidet saman med stab og frivillige. • Leie Spjelkavik kyrkjekor. • Akkompagnere barnekoret, som har eigen dirigent. • Bidra til konsertar, kulturarrangement og anna musikkarbeid i kyrkjelyden. • Delta i stabsfellesskapet i Spjelkavik og det kyrkjemusikalske fagfellesskapet i Ålesund kyrkjelege fellesråd. Tenesteordninga for kantorar ligg til grunn for stillinga. Arbeidsoppgåvene kan tilpassast kvalifikasjonane og interessene til den som blir tilsett. Kven ser vi etter?​ Vi ser etter deg som har kyrkjemusikalsk utdanning i samsvar med tenesteordninga for kantorar, og som har gode ferdigheiter på orgel og piano. Du samarbeider godt med andre, tek initiativ og ønskjer å bidra til eit levande og mangfaldig musikkliv i kyrkja. Erfaring med korleiing er ein fordel. Studentar som er i gang med kantorutdanninga, blir òg oppmoda om å søkje. ​ Dersom det ikkje melder seg søkjarar som oppfyller kvalifikasjonskrava til kantor, kan tilsetjing som organist vere aktuelt. Du må ha gode norskkunnskapar, både munnleg og skriftleg, tilsvarande minimum nivå B2. Personlege eigenskapar vil bli tillagde stor vekt. Vi tilbyr​ • Ei variert stilling med rom for fagleg utvikling og påverknad. • Stor grad av autonomi og sjølvstende i arbeidet. • Engasjerte kollegaer og godt samarbeid på tvers av fag. • Gode instrument og lokale. • Løn og arbeidsvilkår etter gjeldande avtaleverk i KA. Andre opplysningar​ Den som blir tilsett, må vere medlem av Den norske kyrkja. Gyldig politiattest må leggjast fram ved tilsetjing. Det blir lagt opp til prøvespel i samband med intervju. Stillinga har hovudsakleg arbeidsstad i Spjelkavik kyrkje. Tenestegjering andre stader i fellesrådsområdet kan vere aktuelt i avgrensa omfang. Tiltreding så snart som mogleg, etter avtale. Kontaktinformasjon​Astrid Josefine Eide, dagleg leiar Spjelkavik sokn, 48 21 21 11 Arbeidssted​Vestmoa 20 6018 Ålesund Nøkkelinformasjon:​Arbeidsgiver: Ålesund kyrkjelege fellesråd Referansenr.: 5186314911 Stillingsprosent: 100% Fast Søknadsfrist: 31.10.2026