Bokn kommune Oppvekst

Vi søkjer deg som vil leie med hjarte og retning​ Bokn barnehage søkjer ein trygg og engasjert leiar som ønskjer å skape gode dagar for barna og bidra til vidare utvikling av barnehagen vår. Kven er me?​ Bokn kommune har 906 innbyggjarar og ein barnehage med 50 born. Barnehagen er open frå kl. 07.00-16.30. Barnehagen ligg plassert i Føresvik, tett på andre kommunale einingar i Bokn kommune. Me er plassert med kort avstand frå ulike turområde, biblioteket, nærmiljøanlegget ved Boknasundet, idrettshallen Bokn Arena, dagsturhytta i Kongshamn og klatreparken i Føresvik. Desse områda nyttar barnehagen jamleg i sine aktivitetar. Barnhagen er viktig i lokalsamfunnet og foreldre er aktive og positive til barnehagen. Barnehagen er ein avdelingsbarnehage med tre avdelingar. Småtroll 0-2 år, Bjørnane 2-3 år og Bokn bruse 3-6 år. Visjonen vår:  Kvardagsglede ute og inne.​ Me arbeidar med utviklingsarbeid saman med dei omliggande kommunane og HVL. No arbeidar me med trygg i barnehagen, aktiv i barnehagen og profesjonsutvikling. Personalet i barnehagen er godt etablert og erfarne vaksne, dei er positive til utviklingsarbeid og det er eit godt arbeidsmiljø. Leiarstillinga inneber 80% som leiar ibarnehagen og 20% som pedagogisk leiar i avdeling. Leiar er i eit team med funsksjonsleiar og oppvekstsjef. Me søkjer​ Ein tydeleg leiar som kan ha god relasjon med andre og som kan leia på ein måte som gir tillit hjå tilsette og foreldre. Det er viktig at du kan sjå heilskap og samanhengar i utviklingsarbeidet. Samt at du kan sjå og bidra i samarbeid med andre einingar som skule og helse. Me er og ein kommune som arb eidar for betre tverretatleg samarbeid og saman med fleire eksterne einingar som leiar i barnehage skal bidra inn i. Me ynskjer deg som leiar målretta og gjennomfører handlingsplanar, som kan forankra det i felles satsingar etter gode prosessar med dei tilsette.  På den måten skapa ein kultur prega av utvikling, samhald og profesjonsfagleg refleksjon. Me vil leggja stor vekt på at du egnar deg personleg for jobben.   Arbeidsoppgåver​ Du får ansvar for: • dagleg drift av barnehagen • fagleg leiing og kvalitetsutvikling • personalleiing og arbeidsmiljø • økonomi og ressursstyring • samarbeid med føresette og andre tenester Kvalifikasjonar​ • Barnehagelærarutdanning • Leiarerfaring er ønskjeleg • God kjennskap til barnehagesektoren og gjeldande regelverk • Gode digitale ferdigheiter • God munnleg og skriftleg framstillingsevne på norsk Kvifor velje Bokn?​ • ei meiningsfull leiarstilling med stort handlingsrom • dyktige og engasjerte medarbeidarar • eit varmt og inkluderande arbeidsmiljø • gode moglegheiter for fagleg utvikling • nærleik til barn, familiar og lokalsamfunn • høve til å setje ditt preg på utviklinga av barnehagen Vil du vere med og skape kvardagsglede ute og inne? Då håpar vi du søkjer stillinga som styrar i Bokn barnehage.​ Velkomen som søkjar​ Vi håpar du kjenner deg igjen i det vi ser etter, og at du har lyst til å bli ein del av laget vårt. I Bokn barnehage får du arbeide tett på barna, i eit trygt og oversiktleg lokalsamfunn, saman med medarbeidarar som er stolte av jobben sin og opptekne av å skape gode dagar for barna. Vi gler oss til å høyre frå deg. Den som vert tilsett må leggje fram gyldig politiattest før tiltreding, jf. barnehagelova § 30. Link til søknadsskjema: Søk her

Fast / vikariat som Barne- og Ungdomsarbeidar/fagarbeidar i Bokn kommune​   Me har inntil 2 stillingar som barne- og ungdomsarbeidar/fagarbeidar frå og med 01.01.27. Fast stilling er på 100%, vikariat er inntil 100%. Bokn kommune har fagarbeidarar som er fleksible og kan veksle mellom skule og barnehage ut frå behov og barnetal.  Akkurat no er det behov for å auka bemanninga i barnehagen.   Bokn kommune har som mål å skapa eit trygt og inkluderande samfunn, som er med på å bygge opp robuste samfunnsborgarar, slik at det er kjekt å koma attende til Bokn.​ Alle barn fortener ein god start. Barn og unge skal oppleva å læra, leika, utvikla seg og å meistra. Trygge rammer er viktige; trygge barn som trivs, lærer betre. I Bokn kommune skal me ha barnehage og skule som gjev høve til god utvikling for alle barn og unge - uavhengig av sosial, kulturell og språkleg bakgrunn, kjønn, kognitive og fysiske skilnadar. Dei må ha vaksne rundt seg som gjev støtte og omsorg, anten dei må ha hjelp til å finna seg ein ven, delta i leik eller læra seg å lesa, skriva og rekna og forstå samfunnet me lever i. Bokn kommune har ny oppvekstplan. Barnehagen har utarbeida årsplan og kvalitetsdokument. Barnehagen og skulen ligg i Føresvik i Bokn, rett ved sida av bibliotek og kommunehuset. Me har kort veg til sjø, skog og mark og det gjer at me ofte er på tur her. Barnehagen og skule har tilsette med eit stort fagleg og pedagogisk engasjement, med lang erfaring og brei kompetanse. Visjon - Kvardagsglede ute og inne​ Bokn barnehage​ Bokn kommune eig og driv barnehagen, og han vart opna i 1978. Barnehagen har i dag omlag 50 barn, og 14 tilsette. Bokn skule​ Bokn skule er ein 1.-10. skule med 89 elevar. Kven ser me etter?​ Me søkjer ein trygg, varm, utadvent og leiken person som er god på relasjonar med både born og vaksne. Du er engasjert på borna sine vegne, og opplever arbeid med born som meiningsfylt, viktig og engasjerande. Du må være fleksibel, kunne "ta ting på sparket", gå inn i alle typar oppgåver og delta i dei daglege aktivitetane. Du er sjølvstendig og strukturert i arbeidet ditt, og du kan både gi og ta i mot rettleiing. Barnehagen og skulen er mykje ute på tur, og naturen er ein del av vår leikeplass. Du må derfor vere glad i vere ute, og har du eit ekstra engasjement for natur, miljø og berekraft blir me veldig glade. Kanskje har du nokre skjulte talent eller interesser som du ønsker å bruke i din arbeidsdag? Fortel oss gjerne om desse! Kompetansekrav​ -       godkjend utdanning som fagarbeidar -       erfaring frå arbeid i barnehage/skule -       beherske norsk på eit godt nivå, bestått språktest B2 -       beherske digitale verktøy Som arbeidsgivar kan me tilby​ -       lønn etter tariffavtale -       moglegheit for personleg og fagleg utvikling -       medlemskap i offentleg pensjonsordning   Kvar skal du sende søknaden?​ Søknaden skal sendast elektronisk via kommunen sitt rekrutteringssystem. www.bokn.kommune.no "ledige stillingar"  Det er krav om gyldig politiattest ved tilsetjing.   Søknadsfrist  30.11.26                               Utlyst dato       02.10.26 Kontaktperson​ Gina Alvestad, konstituert styrar, gina.alvestad@bokn.kommune.no Åse Bratthammer, Oppvekstsjef, tlf 95839162, ase.bratthammer@bokn.kommune.no Link til søknadsskjema: Søk her