Fysioterapeut - 100% fast tilsetjing

Om stillinga

Alver kommune har no ledig ei 100% fast stilling som fysioterapeut. Stillinga er med ansvarsområde vaksne og eldre.

Stillinga er knytt til distrikt Knarvik med kontor på RNH Helsehus i Knarvik. Oppmøtestad kan verte endra etter vurdert behov for ressursfordeling mellom distriktskontor i avdelinga.

Fysio-ergoterapitenesta og hjelpemiddellageret ligg organisatorisk under Lege- og rehabiliteringstenesta i Alver kommune. Avdelinga har fysioterapeutar, ergoterapeutar og 3 hjelpemiddelteknikkara tilsett. Dei kommunalt tilsette terapeutane er fordelt på distriktskontora Frekhaug, Knarvik og Manger. Hjelpemiddellageret er lokalisert på Mjåtveit på Frekhaug. Fysioterapeutar med avtaleheimel gjev tenester på 8 insitutt spreidd i heile kommunen.

Stillinga inneheldt arbeidsoppgåver som koordinator for individuell plan (IP) samt bidragsyter inn mot kommunens Friskliv og meistringstilbod.

Kven er du?

Du er ein fysioterapeut med gode samarbeidsevner som arbeider målretta og systematisk. Du er fleksibel og løysingsorientert i arbeidet ditt, og har god arbeidskapasitet. Du har gode evner til å organisere eigen arbeidskvardag, og er sjølvstendig.  Du utfører arbeidsoppgåver i tråd med kunnskapsbasert praksis, og har evne til å evaluere og forbetre tiltak både på individ- og systemnivå. Du bidreg til eit positivt arbeidsmiljø.