Vikariat helsefagarbeidar
Herøy (møre Og Romsdal)15 dagar kvar
Ynskjer du å bidra til tryggleik, livskvalitet og gode dagar for bebuarane ved Herøy omsorgssenter?
Vi har to ledige vikariat ved langtidsavdelinga på Herøy omsorgssenter og søkjer etter engasjerte og fagleg dyktige helsefagarbeidarar som vil vere med og styrkje tenestene våre.
Stilling 1: 80 % vikariat
3-delt turnus
langvakter på 12,5 timar
arbeid kvar 4. helg
Stilling 2: 93 % vikariat
2-delt turnus
arbeid 4 av 12 helger
Begge stillingane er ledige frå 30. november 2026 til januar 2028.
Herøy omsorgssenter er lokalisert på Eggesbønes og består for tida av tre seksjonar:
seksjon raud: somatisk sjukeheimseksjon med i hovudsak 15 langtidsplassar
seksjon grøn: somatisk sjukeheimsseksjon med i hovudsak 15 langtidsplassar
sekson blå: seksjon for personar med demens
Frå 30. november 2026 vert seksjon raud og seksjon grøn ved Herøy omsorgssenter slått saman til éin felles seksjon.
Den nye seksjonen vil bestå av 30 langtidsplassar og skal sikre ei heilskapleg, fagleg sterk og berekraftig drift av tenestene til bebuarane våre.
Samanslåinga er ein del av arbeidet med å vidareutvikle omsorgstenestene i Herøy kommune. Målet er å styrkje fagmiljøet, skape større fleksibilitet i bemanninga og sikre god kvalitet og kontinuitet i tenestene til bebuarane.
Den nye seksjonen vil ha ansvar for:
30 langtidsplassar
heilskapleg pleie- og omsorgstilbod til bebuarane
tverrfagleg samarbeid og fagutvikling
god ressursutnytting og effektiv drift
eit trygt og utviklande arbeidsmiljø for medarbeidarane
Vi ser fram til å samle kompetanse og erfaring frå begge seksjonane for å vidareutvikle eit godt og framtidsretta omsorgstilbod ved Herøy omsorgssenter.
Arbeidsoppgåver
- individtilpassa pleie- og omsorgsoppgåver til bebuar i sjukeheim (ernæring, personleg hygiene, mobilisering og miljøarbeid)
utarbeide og følgje opp tiltaksplanar
dokumentasjon etter gjeldande lovverk
samarbeide tett med pasient, pårørande og ulike yrkesgrupper for å yte eit heilskapleg pasientforløp
bidra til kompetanseutvikling og fagleg ajourhald for å kvalitetssikre tenesta
Kvalifikasjonar
- norsk autorisasjon som helsefagarbeidar
erfaring frå liknande arbeid er ein fordel
gode datakunnskapar, erfaring med Gerica er ein fordel
god munnleg og skriftleg kommunikasjon på norsk.
Kommunen har nynorsk som administrasjonsmål.
Det vert stilt krav om tilfredsstillande politiattest for alle som arbeider i den kommunale helse- og omsorgstenesta (jamfør helse- og omsorgstenestelova § 5-4).
Godkjent autorisasjon og politiattest må leggast fram før tilsetting.
Vi ber om at du lastar opp vitnemål og attestar i Webcruiter saman med søknadenPersonlege eigenskapar
- tek ansvar for eigne oppgåver og sikrar at dei blir utført på ein god måte
tilpassar seg ulike situasjonar og behov som kan oppstå i løpet av arbeidsdagen
kommuniserer klart og tydeleg, både med brukarar, pårørande og kollegaer
er til å stole på, møter opp til avtalt tid og utfører oppgåvene sine samvitsfullt
kan handtere utfordrande situasjonar roleg og profesjonelt
møte brukarar og kollegaer med eit smil og ein positiv haldning, sjølv i krevjande situasjonar
vilje til å lære nye ting og utvikle seg i jobben
bidreg til å skape trivsel på arbeidsplassen og godt samarbeid for å løyse oppgåver
har fokus på heilskaplege pasientforløp
Vi legg stor vekt på personlege eigenskapar, i tillegg til kunnskap og erfaring.
Vi tilbyr
- løn etter gjeldande tariffavtale
gode forsikrings- og pensjonsordningar gjennom KLP
stipendordningar ved vidareutdanningar som er i tråd med kompetanseplanen i helse og omsorg
godt arbeidsmiljø med fokus på fagkompetanse og trivsel
elektroniske kurs gjennom Norsk Helseinformatikk (NHI), Visma Veilederen og Glup
fagdag i turnus
Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen.
Vi tilset på dei vilkåra som går fram av gjeldande tariffavtale, lover og reglement. Aktuelle kandidatar vil verte kalla inn til intervju.
Søkarlista kan verte offentleggjort.
KontaktinformasjonCecilie Tarberg, Seksjonsleiar, +47 97020582
ArbeidsstadSjukeheimsvegen 5A
6092 Fosnavåg
Nøkkelinformasjon:Arbeidsgivar: Herøy kommune
Referansenr.: 5170725102
Stillingsprosent: 80%
Vikar
Startdato: 30.11.2026
Sluttdato: 16.01.2028
Søknadsfrist: 16.09.2026