Flyktningkonsulent

Vikariat i Flyktningtenesta Time og Klepp (80 %).

Flyktningtenesta Time og Klepp har ledig eit 80 % vikariat med oppstart snarast. Vikariatet varer til og med 30.11.2027. Det kan bli mogleg å utvida stillinga til inntil 100 % i vikariatperioden, avhengig av tenesta sitt behov.

Time og Klepp kommunar samarbeider om å busetja flyktningar. Tenesta held til i lokale ved Bryne kompetansesenter, i gangavstand til buss og tog. I år har kommunane vedtak om å busetja til saman 60 flyktningar. Tenesta har for tida 10,2 stillingar. Det er Time kommune som er vertskommune.

Me søkjer deg som ønskjer å bidra til vidare utvikling av Flyktningtenesta Time og Klepp, og som har eit engasjement for å motivera, rettleia og støtta flyktningar på vegen mot utdanning, arbeid og aktiv deltaking i samfunnet.

Arbeidskvardagen i tenesta er variert, og oppgåvene kan endra seg i takt med behova i tenesta. Du må derfor vera fleksibel og budd på å ta ansvar for ulike oppgåver innanfor tenesta sitt arbeidsområde. Me legg stor vekt på den som vert tilsett er personleg eigna for stillinga.

Den som blir tilsett, vil få ansvar for delar av arbeidsområdet. Endeleg oppgåvefordeling vil bli tilpassa kompetanse, erfaring og behov i tenesta.

Du må lasta opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Der det er lovkrav om det, må politiattest registrerast før første arbeidsdag tar til.

KontaktinformasjonJanne Berit Nese, Verksemdleiar, +47 45218769

ArbeidsstadTorkel Maulands veg 2

4340 Bryne

Nøkkelinformasjon:Arbeidsgivar: Time kommune

Referansenr.: 5181698254

Stillingsprosent: 80%

Vikar

Startdato: 01.11.2026

Sluttdato: 30.11.2027

Søknadsfrist: 31.10.2026