Tilkallingsvikarar Haram bustader og Solbakken bukollektiv

Tilkallingsvikar

Avdeling Søvik barnehage, Haram kommune

Søvik barnehage har tre avdelingar. Barnehagen ligg i naturskjønne omgjevnader, med fjøra rett utanfor gjerdet og kort veg til skog og fjell. Barnehagen har eige naust, båt og gapahuk ved strandkanten. Vi treng no fleire tilkallingsvikarar som har moglegheit å stille på kort varsel ved sjukdom, ferie og liknande. Vi søker etter deg som er aktiv, leiken, og engasjert og som bidrar til å skape eit trygt og godt barnehage-/ arbeidsmiljø til det beste for barna og kollegaene dine.  Du er engasjert og omsorgsfull, og ønsker å skape meiningsfulle og inspirerande kvardagar for barn. Vi har eit godt fagmiljø med engasjerte tilsette med lang erfaring. Høyrest dette interessant ut, ønsker vi kontakt med deg og håper du vil søke på stillinga. Bli med i teamet vårt og ver med på å forme framtida. I Haram kommune er gode, heilskaplege tenester i fokus. Vi er opptatt av å jobbe på tvers av tenestene, for å saman skape robuste tilbod for innbyggarar og næringsliv. Arbeidsoppgåver​ Arbeide med barn i alderen 0-6 år i tråd med barnehagelov og rammeplan for barnehagar, samt kommunen sine retningslinjer. • Gi omsorg, støtte og vere lyttande i møte med kvart enkelt barn  • Medansvar for utvikling av det sosiale miljøet, og lærings- og danningsmiljøet i barnegruppa  • Bidra til at kvart enkelt barn får medverke og oppleve positiv grensesetting, både enkeltvis og i gruppe  • Bidra i gjennomføring av det pedagogiske arbeidet på avdelinga • Bidra til godt foreldresamarbeid gjennom å vere lyttande, vise forståing og respekt  • Følge opp den rettleiinga ein får • Ansvar for å sette seg inn i og følgje barnehagen sine HMS-prosedyrar  Kvalifikasjonar​ Den som vert tilsett vil måtte legge fram tilfredstillande politi- og tuberkulinattest.  • Ha gode norskkunnskapar. Personar med eit anna førstespråk enn norsk eller samisk må fylle språkkrav, jamfør Barnehagelova §18b. • Det er ønskeleg med erfaring frå arbeid i barnehage. • Personlege kvalifikasjonar og gode referansar vil bli vektlagt.  Personlege eigenskapar​ • Vere glad i friluftsliv og uteleik • Vere aktiv i leiken med barna • Vere løysningsorientert, fleksibel og open for endring  • Jobbe sjølvstendig i det daglege arbeidet    • Vere ein pådrivar både i det praktiske og det faglege arbeidet  • Reflektere over eige arbeid og søke rettleiing ved behov  • Syne handlekraft, organisere og ta avgjerder med barna sitt beste i fokus  • Samarbeide med andre tilsette og eksterne samarbeidspartnarar  • Vere ein god rollemodell  • Vere ein inkluderande medarbeider og bidra til eit godt arbeidsmiljø  Vi tilbyr​ • Eit utviklingsorientert fagleg miljø og stimulerande omgjevnader • Ein barnehage fint plassert, nær sjø, skog og skule • Moglegheit til å bestemme sjølv kor mykje du vil arbeide • Løn etter gjeldande tariff • God pensjonsordning Kontaktinformasjon​Synnøve Standal, Styrar Søvik barnehage, 90018161, synnove.kathrin.farstad.standal@haram.kommune.no Arbeidsstad​Plassen 19 6280 Søvik Nøkkelinformasjon:​Arbeidsgivar: Haram kommune Referansenr.: 5075331850 Stillingsprosent: 0% Vikar Startdato: 09.02.2026 Søknadsfrist: 31.08.2026

Tilkallingsvikar

Avdeling Lepsøy barnehage, Haram kommune

Lepsøy barnehage ligg sentralt til på Lepsøya med kort veg til fjell, fjøre, butikk og idrettsområde. Barnehagen har 16 barn og 5 tilsette fordelt på to grupper. Visjonen vår er "saman skaper vi tillit, tryggleik og trivsel" og det jobbar vi mot kvar dag - for både barn og tilsette. Vi treng no fleire tilkallingsvikarar som kan trå til på kort varsel ved sjukdom, ferie og liknande. Dette kan vere for korte eller lengre periodar. Vi søker etter dyktige vikarar som er aktive, leikne, omsorgsfulle og trygge vaksne. Haram kommune er ein ambisiøs kommune som har fokus på gode, heilskaplege tenester. Vi jobbar fleksibelt og på tvers for å skape kvalitet for innbyggarane våre – og vi spelar kvarandre gode. Arbeidsoppgåver​ Arbeid med barn i alderen 0-6 år i tråd med barnehagelov og rammeplan for barnehagar, samt kommunen sine retningslinjer. Herunder: • Bidra til at det enkelte barnet får medverke, oppleve positiv grensesetting, både enkeltvis og i gruppe • Gi omsorg, støtte og vere lyttande i møte med det enkelte barnet • Medansvar for utvikling av det sosiale miljøet, og lærings- og danningsmiljøet i barnegruppa • Bidra i gjennomføring av det pedagogiske arbeidet på avdelinga/basen, innanfor dei rammene ein har blitt einige om • Følge opp den rettleiinga ein får • Ansvar for å sette seg inn i og følge barnehagen sine HMS-prosedyrar  Kvalifikasjonar​ Den som vert tilsett vil måtte legge fram tilfredstillande politi– og tuberkulinattest. • Ha gode norskkunnskapar. Personar med eit anna førstespråk enn norsk eller samisk, må fylle språkkrav jamfør Barnehagelova §27. • Relevant utdanning og/eller erfaring er ønskeleg, men ikkje eit krav • Personlege eigenskapar blir vektlagt Personlege eigenskapar​ Vi søker deg som: • Har eit ønske om å arbeide med barn • Har god omsorgsevne og evne til å sjå og lytte til barna sine behov • Har gode kommunikasjon- og samarbeidsevner • Trivast i ein aktiv kvardag • Er glad i å vere ute • Er positiv, fleksibel og løysingsorientert Vi tilbyr​ • Givande arbeid i gode fag- og arbeidsmiljø • Moglegheit til å bestemme sjølv kor mykje du vil arbeide og når • Tilgong til kurs og kompetansehevande tiltak • Løn etter tariff • Moglegheit til å prøve å jobbe i ulike barnehagar Kontaktinformasjon​Eirin Buner Otterlei, Styrar, 98082266, eirin.buner.otterlei@haram.kommune.no Arbeidsstad​Lepsøyvegen 23 6292 Kjerstad Nøkkelinformasjon:​Arbeidsgivar: Haram kommune Referansenr.: 5151534353 Stillingsprosent: 0% Vikar Startdato: 03.08.2026 Søknadsfrist: 31.12.2026

Tilkallingsvikarar til barnebustad og avlastning

Tenesteområde Butenester

Butenesta i Haram søker tilkallingsvikarar på dag, kveld, natt og helg i barnebustad og barneavlastning. Vi søker etter miljøterapeut, sjukepleiar, vernepleiar, helsefagarbeidar og barn og ungdomsarbeidar. Assistentar som er i eit utdanningsløp kan også søke. Aktuelle kandidatar vil bli kalla inn til intervju fortløpande. ​ Vi har hovudkontor i Brattvåggata 19. Haram bustader yter i hovudsak tenester til menneske med psykisk utviklingshemming. Vi har fokus på fagutvikling og kompetanseheving. Hos oss får du jobbe i eit miljø som er opptatt av samarbeid, tryggleik og utvikling. Butenesta er god på punkttenester. Butenesta skal i ein 4-års periode framover ha fokus på å jobbe systematisk for å sette i system og implementere krav og mål til Rettleiaren "Gode helse-og omsorgstenester til personar med utviklingshemming". Som miljøterapeut får du vere ein del av dette arbeidet. I 2025 har avdelinga vore med i prosjektet TØRN. Stillingane er ledig omgåande. Haram bustader består av tre avdelingar: Haram bustader 1 som består av bustader, Haram bustader 2 som består av bustader, Solbakken bukollektiv og dagsenter. Vi har også ei avdeling som består av barnebustad og barneavlastning. Miljøterapeutane i alle avdelingane kan samarbeide på tvers. Vi har jevnleg miljøterapeutmøte der ein kan dele og søke kunnskap med kollegaer. Vi har ei tverrfagleg samansett personalgruppe med ulik utdanning og kompetanse. Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggarane våre. I Haram jobbar vi for å spele kvarandre gode. Kommunalområde helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode, målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Den viktigaste ressursen vår er dei tilsette og vi ønsker å vere ein arbeidsplass der ein opplever trivsel, utvikling og  meistrar oppgåvene ein er sett til å gjere. Vi veit at framtida vil kreve nye arbeidsformer i kommunalområdet, noko vi arbeider aktivt med å sette oss i stand til å møte på ein god måte. Arbeidsoppgåver​ • Målretta miljøarbeid.  • Vere nytenkande og kreativ for å imøtekome deltakarane sine behov og ønsker. • Bruk av hjelpemiddel dersom deltakarane har behov for dette. • Deltaking/samhandling med pårørande/verge og andre samarbeidspartnarar. • Dokumentering etter gjeldande prosedyrer og lovverk. • Utarbeide, oppdatere og følge opp tiltak og planar etter vedtak og behov. • Rettleiingsansvar, både i gruppe og på individnivå. • Legemiddelhandtering Kvalifikasjonar​ • Autorisasjon som sjukepleiar/vernepleiar eller anna treårig høgskuleutdanning innan helse- og sosialfag. Helsefagarbeidarar, barne- og ungdomsarbeidarar og assistentar som er i eit utdanningsløp kan også søke. • Erfaring med å jobbe tverrfagleg og i team. • Erfaring i helse- og omsorgstenestelova kapittel 9. • Meistre godt norsk både skriftleg og munnleg. • Førarkort kl. B. • Erfaring frå arbeid med barn. • Erfaring frå arbeid med menneske med psykisk utviklingshemming. Personlege eigenskapar​ Vi ser etter deg som: • Viser initiativ og er kreativ.  • Er kunnskapsrik og fagleg oppdatert. • Har ønske om å utvikle deg og tileigne deg ny kunnskap og erfaring.  • Er pliktoppfyllande og sjølvgåande. • Har stor arbeidskapasitet og er ein utprega omsorgsperson. • Evnar å bygge relasjonar med deltakarar, kollegaer og andre samarbeidspartnarar. • Evnar å skape engasjement og har gode haldningar og moral. • Er ein lagspelar som bidrar til at felles mål blir nådd. • Er lojal og stabil. Vi tilbyr​ • Ein kjekk arbeidsplass med moglegheit for personleg og fagleg utvikling. • Rom for å vere kreativ. • Løn etter gjeldande tariffavtale. Kontaktinformasjon​Amanda Kristin Rise, Avdelingsleiar barnebustad og avlastning, 91161215, Amanda.Kristin.Rise@haram.kommune.no Linn Borgund, Tenesteleiar, 97595965, linn.borgund@haram.kommune.no Arbeidsstad​Ulvestadvegen 6 6265 Vatne Nøkkelinformasjon:​Arbeidsgivar: Haram kommune Referansenr.: 5105672128 Stillingsprosent: 0% Vikar Startdato: 20.04.2026 Søknadsfrist: 31.12.2026