Me er på leit etter ein engasjert medarbeidar til vedlikehald av kommunale vegar

Nå kan du få jobbe som logoped i ein tverrfagleg og utviklingsorientert PP-teneste

Vindafjord kommune PPT

Logoped 100% fast stilling frå 01.10.2026.  Stillinga er plassert i Pedagogisk-psykologisk teneste for Etne og Vindafjord kommune. PP-tenesta er ei verksemd med 7 fagstillingar i tillegg til leiar og merkantil, der ein av stillingane er logoped. PP-tenesta er organsiert under skuleeigar i Vindafjord kommune. Vårt team består av ein engasjert, modig og framoverlent gjeng med eit godt arbeidsmiljø og mange dyktige fagpersonar. Me er opptekne av inkluderande praksis som ser samanhengen mellom det allmennpedagogiske og spesialpedagogiske. Me støttar barnehagar og skular med å leggje opplæringa betre til rette for å fremma inkludering, utvikling og læringsutbytte for barn og elevar. Dette skjer gjennom førebyggjing og tidleg innsats. I det førebyggjande arbeidet har me som mål å bidra til kompetanseutvikling og robuste system i konteksten som barnet/eleven er ein del av. PP-tenesta har også ei sakkyndig rolle som inneber utarbeiding av sakkyndig vurdering der barnehagelova og opplæringslova krev det.  Stillinga vil ha ein sentral plass i tenesta sitt arbeid med logopedisk rettleiing og oppfylgjing i barnehage og skule, samtalar med barn og unge og systemretta arbeid knytt til språk i barnehagar og skular. Me legg vekt på å nytta den unike fagkompetansen til kvar enkelt medarbeidar. Satsingsområde og fagprofil er inkluderande pedagogikk og nyare utviklingspsykologi med fokus på relasjonar og samspel, førebyggjing, tidleg intervensjon og pedagogisk/psykologisk utviklingsarbeid. Kva får du jobba med hos oss​ • Logopedisk oppfølging av barn i barnehagealder og elevar i grunnskule • Rettleiing til føresette og tilsette i barnehage og skule • Arbeid med utgreiing: Utgreiing av språk og talevanskar, rapportskriving, sakkunnig vurdering og deltaking i tilbakemeldingsmøter • Samarbeid internt og eksternt, deltaking i ulike team m.m. • Rettleiing på systemretta arbeid med språk i barnehagar og skular Me kan tilby:​ • Ein jobb med meining og faglege utfordringar som vil gi deg meistring. • Arbeid med engasjerte kollegaer som ønsker at du skal trivast og lykkast. • Moglegheiter for etter- og vidareutdanning i samsvar med vår kompetanseplan. • Støtte og opplæring for å hjelpa deg å komma godt i gong i den nye rolla di. • Moglegheit for å bli med i bedriftskunstlaget og kommunalt kor (KORe’ Vindafjord). • Ein av Norges sikraste pensjonsordningar: offentleg tenestepensjon.  • Forsikringsordningar som gruppelivsforsikring, yrkesskadeforsikring og tenestereiseforsikring. • Lønn etter gjeldande tariff og avtaleverk. Kvalifikasjonar:​ • Godkjent logopedutdanning på mastergradsnivå eller tilsvarande utdaning som kvalifisrer for arbeid som logoped.  • Erfaring frå arbeid med barn og unge er ønskjeleg. • Erfaring frå pedagogisk-psykologisk teneste, skule eller barnehage er ein fordel • Kompetanse innan språ-, tale- og kommunikasjonsvanskar er ønskjeleg. • Du må beherska godt norsk, både skriftleg og munnleg. Skriftspråket i kommunen er på nynorsk. • Førarkort klasse B. • Det er ønskjeleg med grunnskule- eller barnehagelærarbakgrunn.  Personlege eigenskapar:​ • Er ansvarsbevisst, punktleg og påliteleg • Er fleksibel og løysingsorientert  • Gode samarbeids- og relasjonsferdigheiter • Arbeidar sjølvstendig, strukturert og målretta  • Lojal • Kvalitetsorientert • Positiv • Trivst med tverrfagleg samarbeid Personlege eigenskapar vil bli vektlagt. Anna:​ • Søkjar må kunna bruka eigen bil i tenesta. Slik søker du: ​ Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka. Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.   Link til søknadsskjema: Søk her

Fagleiar i Familieteamet

Vindafjord kommune Helse

Har du eit engasjement for barn og unge? Er du oppteken av familien som eit system rundt barnet? Er du refleksiv og har evne til å sjå ting frå ulike perspektiv? Vil du jobbe med å spele eit allereie dyktig rettleiingsteam endå betre? Då er kanskje du den me ser etter! Me har ledig 100% fast stilling som fagleiar i familieteamet.   Familieteamet i Vindafjord jobbar forebyggande og endringsretta i høve barn, unge og deira familiar. Me har to mandat, lågterskel og etter vedtak frå barnevernet. Me er opptekne av gode rammer, empowerment og kunnskapsformidling. Me bygg kunnskapsgrunnlaget vårt særleg på COS-P og TBO,  og er opptekne av å nytte metodar som er hensiktsmessige i høve problemstillinga. Som fagleiar vil du vera med å byggje vidare på dette, og ikkje minst å påverke vidare utvikling i Familieteamet.     Me er eit tverrfagleg team på 12, kor alle jobbar både lågterskel og etter mandat frå barneverntenesta. Kvardagen i Familieteamet består hovudsakleg av rettleiingsmøter på rådhuset, men med Vindafjord og Etne sin vidstrakte geografi, vert det også noko reising for møter. For miljøterapeutane vil arbeidet vera i heimane. Nokre i teamet er og ein del av kriseteamet i kommunen, og har såleis ein akuttfunksjon.     Me ser etter deg som er god på å møte menneske i krise, navigerer godt i komplekse familiesituasjonar, har gode kommunikasjonsferdigheter og god evne til å handtere og tole konflikter, samt sterke kjensler. Som ein del av leiargruppa må du ha god evne til å gje tilbakemeldingar, vera tydeleg og samstundes ivaretakande.    Kva får du jobba med hos oss?​ Hovudoppgåva til fagleiar er å ivareta og vidareutvikle eit trygt og fagleg sterkt arbeidsmiljø. Som fagleiar har du medansvar for å fagleg styrke og utvikle teamet vidare. Dette inneber teammøter, rettleiing med familierettleiarar, planlegge og leie kompetanseheving. Du skal samarbeide med andre på både individ- og systemnivå. Du vil ha medansvar for utvikling og kvalitetssikring av skriftleg arbeid som rutinar, journal, oppfølging av internkontroll og avvikshandtering. Du vil og ha medansvar for fagsystem og vidare utvikling av dette.    Kvalifikasjonar: ​ • Treårig høgskuleutdanning, fortrinnsvis bachelor i sosialfagleg, helse eller pedagogisk utdanning. Andre relevante utdanningar kan vurderast.  • Relevant vidareutdanning er ønskeleg. • Erfaring frå systematisk arbeid frå lågterskel eller barnevern.  • Erfaring innan leiing er ønskeleg.  • Gode kommunikasjonsferdigheter i norsk, munnleg og skriftleg. Skriftspråket i kommunen er på nynorsk.  • Førarkort klasse B og moglegheit for å disponera eigen bil. Kommunen har i tillegg bilar til disposisjon.  • Det må framvisast politiattest for å jobba i Familieteamet.  Personlege eigenskapar: ​ • Trygg og tillitsvekkande.  • Positiv og løysingsorientert.  • Evne til å jobba effektivt og strukturere eigen arbeidsdag.  • Evne til å jobbe sjølvstendig, men også vera ein del av eit fagleg team.  • Evne til nytenking, kritisk refleksjon og opptatt av personleg fagleg utvikling.  • Evne til å motivere for endring og å sjølv vera endrings- og utviklingsfokusert.  • Evne til samarbeid med familiar, samarbeidspartnarar og kollegaer.  • Ein god kollega og ein støtte for dine medarbeidarar.  • Oppteken av eit positivt menneskesyn og brukarmedverknad.  Personlege eigenskapar vil bli særskilt vektlagt.    Me kan tilby: ​ • Eit kollegafellesskap som består av engasjerte og fagleg sterke familierettleiarar som er opptekne av å gjere ein forskjell for familiane me jobbar med og for å skape ein god arbeidsplass.  • Vera ein del av eit positivt leiarfellesskap, ha tilbod om relevant fagleg påfyll og moglegheit for ulike former for kompetanseheving. Til dømes vidareutdanningar og ulike kurs og sertifiseringar.  • Tilhøyra eit team der ein får drøfte faglege synspunkt og utfordringar, samt lære av kvarandre.  • Tett oppfølging frå kollegaer i kvardagen og jamleg individuell rettleiing, både i opplæringa og i arbeidskvardagen vidare.  • Ein fleksibel og variert arbeidskvardag, der ein får vera med å forma arbeidsdagane sjølv. Me har fleksitidsordning og moglegheit for heimekontor.  • Kjekke ansattgoder som blant anna gratis parkering og rabatt på Frisk treningssenter.  • Ein av Norges sikraste pensjonsordningar: offentleg tenestepensjon.   • Forsikringsordningar som gruppelivsforsikring, yrkesskadeforsikring og tenestereiseforsikring.  • Lønn etter gjeldande tariff og avtaleverk.    Slik søkjar du: ​ Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.  Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering. Link til søknadsskjema: Søk her

Miljøterapeut

Tysnes kommune

Er du ein fagleg engasjert miljøterapeut?​ Me søkerEr du ein person som ser muligheter, har godt humør og ønskjer ein meiningsfull jobb med menneske? Ønsker du ein meiningsfull jobb med personar med utviklingshemming? Vågsmarka er eit døgnbemanna  bufellesskap for mennesker med utviklingshemming. Me yte praktisk bistand, har fokus på å ivareta ADL ferdigheter og tenestemottakar sine grunnleggande behov, i tillegg til å legge til rette for sosial deltaking og aktivitet. Dei tilsette hos oss har ulik fagkompetanse og alderssammensetning. Me er opptatt av å skape eit inkluderande arbeidsmiljø, der alle er med og bidrar. Arbeidstrivsel er viktig og vår filosofi er at me yt dei beste tenestene når me trivst på jobb. Stillinga 100 % fast, og inneber dag- og kveldsvakter i årsturnus, med arbeid kvar 3. helg. Arbeidsoppgåver​ • Hjelpe bebuarar slik at dei opplever ein meiningsfull kvardag med meistring og utvikling. • Forme ut handlingsplaner, mål og tiltak, og sikre lik praksis. • Førebygge og handtere utfordrande åtferd hos bebuarane. • Nytte relevante metodar i planlegging, gjennomføring og evaluering av tiltak innan anvend åtferdsanalyse. • Samarbeid med ulike eksterne samarbeidspartnarar, verjer og pårørande. • Ansvar for dokumentasjon og oppfølging. • Bidra til å sikre at brukarmedverknad og sjølvråderett blir ivareteken. Kvalifikasjonar​ • Bachelor innan helse- og sosialfag, eller anna relevant høgskuleutdanning.  • God kjennskap til og erfaring med brukargruppa er ønskeleg. • Erfaring med legemiddelhandtering er ein fordel. • Gode kommunikasjons- og relasjonsferdigheiter. • God IKT-kompetanse. • Førarkort kl. B. Ved ei eventuell tilsetjing må du leggja fram: • Politiattest, jf. helse- og omsorgstenestelova § 5-4. • Eigenerklæringsskjema for MRSA og tuberkulose. Personlege eigenskapar​ Me ser etter deg som: • har stort engasjement for brukargruppa og toler å stå i tøffe situasjoner. • evnar å reflektere over etiske utfordringar i målretta tiltaksarbeid. • er trygg på deg sjølv, initiativrik og inkluderande.  • er fleksibel, løysingsorientert og motivert for endringsarbeid. • evnar å samarbeide godt med bebuarar, kollegaer og andre. • og evnar å handtere ein krevjande og variert arbeidskvardag. • framsnakkar andre og bidreg til eit godt arbeidsmiljø. Personlege eigenskapar vil bli tillagt stor vekt. Me tilbyr​ Hos oss blir du ein del av eit arbeidsmiljø med stort engasjement, der me er oppteken av kunnskapsdeling og -heving. Du vil få høve til fagleg og personleg utvikling gjennom eksterne og interne kurs. Tilsetjing hos oss gjer deg medlemskap i KLP - Kommunal Landspensjonskasse. Det betyr blant anna at du får ein av dei beste pensjonsordningane i Noreg, samt høve til å søkja om bustadlån med gunstige vilkår. Les meir på KLP sine nettsider. Du blir tilsett som miljøterapeut med lønsplassering kapittel 4 i det kommunale regulativet. Ansiennitetstrinna går her frå 0-16 år. Løna blir justert årleg gjennom sentrale forhandlingar. Somme år vert det gjennom dei sentrale forhandlingane også tildelt ein pott til lokale justeringar.  Synes du dette verkar som ei spanande stilling eller det er noko du lurar på etter å ha lest annonsa? Ta gjerne kontakt med oss som står oppført som kontaktpersonar i annonsa. Informasjon til søkar​ Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.  Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.  Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.