Sjukepleiar/nevrofysiologiteknikar

Sjukepleiar og vernepleiar

PSK Sikkerheit, Helse Førde

​Psykiatrisk klinikk gir allmennpsykiatriske tenester til kommunane i Sunnfjord/Ytre Sogn. Klinikken har også sentralsjukehusoppgåver med plikt til å gi augeblikkeleg hjelp.  Avdelinga har omlag 185 årsverk og er lokalisert i Førde og Florø.​​ Psykiatrisk klinikk sikkerheit​ består av ein sengepost og ein poliklinikk med ambulerande funksjon. Sengeposten har 3 døgnplassar og er ein sengepost for personar med alvorleg sinnsliding, der det også er ein betydeleg risiko for vald. Avdelinga tar imot pasientar både på frivillig og tvungen psykisk helsevern, inkludert pasientar som har dom på overføring til tvungen psykisk helsevern. Ambulant sikkerheitsteam er eit poliklinisk tilbod til same pasientgruppa, og som per i dag følgjer opp 11 pasientar ute i eigen bustad/tiltak. I tillegg til å gje psykiatrisk behandling vil nokre sentrale oppgåver vere å kartleggje, vurdere og handtere risiko for vald. Vårt mål er å gje pasientane moglegheit til auka meistring av eige liv i ulike fasar av sjukdommen, samstundes som vi ivaretek vårt ansvar for samfunnsvernet. Dette gjer vi gjennom fagleg behandling og arbeidsform der miljøterapeutisk rehabilitering vert vektlagt. I tillegg gir den fysiske utforminga av nytt sjukehusbygg ei god og sikker ramme for arbeidet. Les meir her: Psykiatrisk klinikk sikkerheit Vi har ledig:​ • 1 x 100% fast stilling for vernepleiar • 2 x 100% fast stilling for sjukepleiar Startdato: etter avtale PSK sikkerheit legg opp til en 50/50 kjønnsfordeling, der ein har minst 2 menn på kvart skift.  Arbeidsoppgåver​ • Arbeid på sengepost, ambulant sikkerheitsteam, undervisning/rettleiing, vaktarbeid og tverrfagleg samarbeid • Vere aktiv deltakar i kontinuerleg fagutvikling i seksjonen • Gje psykiatrisk pleie og omsorg • Inngå i eit tverrfagleg samarbeid for å gje pasientar best mogleg behandling på avdelinga • Ta del i oppgåver som til ei kvar tid ligg til seksjonen • Andre oppgåver etter avtale med leiar Kvalifikasjonar​ • Norsk autorisasjon som sjukepleiar eller vernepleiar • Relevant vidareutdanning vil bli vektlagt • Relevant erfaring er ønskjeleg • Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått norsktest på B2-nivå. Dokumentasjon må leggjast ved søknad • Gode IKT-kunnskapar er ønskjeleg  Personlege eigenskapar​ • Du har engasjement for fagfeltet/pasientgruppa og ønskjer å vidareutvikle kompetansen din • Du har god fagleg vurderingsevne, arbeider strukturert og målretta • Du kommuniserer og samarbeidar godt med pasientar, pårørande og kollegaer • Du er god til å sjå kva som må gjerast, både tilbyr og mottek gjerne hjelp • Du held deg roleg, objektiv og kontrollert i stressande situasjonar, og arbeidar stabilt under press • Du er positiv og bidreg til eit godt arbeidsmiljø • Personleg egnaheit vil bli vektlagt Vi tilbyr​ • Eit meiningsfylt arbeid som gir personleg utvikling • Opplæring • Turnusordning med moglegheit for langvakter (12,5t) • Lønn i samsvar med gjeldande overeinskomst • Gode pensjons- og forsikringsordningar   Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. Kontaktinformasjon​Marianne Engh Strandos, Seksjonsleiar, (+47) 577 14 331 Arbeidssted​Svanehaugvegen 2 6812 FØRDE Nøkkelinformasjon:​Arbeidsgiver: Helse Førde Referansenr.: 5152922989 Stillingsprosent: 100% Fast Søknadsfrist: 02.08.2026

Vi søkjer engasjert sjukepleiar til fast stilling 

Medisinsk sengepost 2 Førde, Helse Førde

Medisinsk sengepost 2 ved Førde sentralsjukehus har ledig 100% fast stilling for sjukepleiar, med oppstart snarast. ​ Vi ønskjer å kome i kontakt med deg som har eit fagleg engasjement og ønskje om å bidra til god kvalitet i tenestene våre. Medisinsk sengepost 1 og 2 har flytta inn i nytt og moderne sjukehus, og sengepostane samarbeidar tett med kvarandre. Medisinsk sengepost 2​ har  mage/tarm, lunge, lungekreft- og utgreiing  som spesialiserte fagfelt. Medisinsk sengepost 1​ har nyre, diabetes og endokrinologi, hjartesjukdommar og geriatri som spesialiserte fagfelt. Hos oss vil du få  ein kvardag prega av stor variasjon, eit mangfald av kollegaer som du kan spørje, lene og støtte deg på. Det er det gode moglegheiter for fagleg utvikling og nye erfaringar.  Arbeidsoppgåver​ Som sjukepleiar, vil du møte akutte og kronisk sjuke pasientar med ulike sjukdomsbilete, mange av pasientane er eldre med samansette helseplager. Arbeidet er pasientrelatert med oppfølging av behandling, stell og pleie. Vi har 3-delt turnus og ein må kunne jobbe i det. Vi tilbyr også langvakter i turnus på helg. Arbeidet er tverrfagleg og vi samarbeider også med pårørande og primærhelsetenesta. I det tverrfaglege arbeidet samarbeider ein til dømes med lege, fysioterapeut, ergoterapeut og apotekpersonell. Dokumentasjon i DIPS og Meona er ein del av det daglege arbeidet. Kvalifikasjonar​ Søkjar må vere autorisert sjukepleiar. Det vil være ein fordel om du har erfaring frå sengepostarbeid frå tidlegare, men ikkje påkrevd. Du må kunne handtere bruk av PC med tilhøyrande program. Det vert gitt opplæring i sjølve programma vi brukar. Søkjar må mestre godt norsk både skriftleg og munnleg.  Søkjar med relevant erfaring vil bli prioritert Personlege eigenskapar​ Vi ser etter ein engasjert og motivert sjukepleiar som ønskjer å ta del i ein hektisk kvardag med mange varierte problemstillingar. Det er viktig at du kan arbeide både sjølvstendig og i team. Ein av våre styrker er at vi er ei inkluderande gruppe som hjelper kvarandre og har lav terskel for å stille spørsmål. Fagleg utvikling, evne til fleksibilitet og omstilling er eigenskapar som er viktige hos oss. Vi tilbyr​ Medisinsk sengepost tilbyr god opplæring gjennom faddeordning med trygge rammer. Vi jobbar aktivt med organisasjonsutvikling på våre tenester og ønskjer gode og glade medarbeidarar med oss på laget for å skape eit nytt og betre sjukehus for våre pasientar og tilsette. Vi har fokus på å styrkje sosial tilhøyrsle og trivsel på arbeidsplassen med årlege treffpunkt som julebord, sommarfest og blå-tur. Medisinsk sengepost ønskjer å komme i gang med langvakter og vil tilby dette til dei som ønskjer det.    Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. ​ Kontaktinformasjon​Anne Mari Indrebø, Seksjonsleiar, (+47) 909 20 435 Arbeidssted​Svanehaugvegen 2 6812 Førde Nøkkelinformasjon:​Arbeidsgiver: Helse Førde Referansenr.: 5092104462 Stillingsprosent: 100% Fast Søknadsfrist: 16.08.2026

Naustdal omsorgssenter har ledig stilling som

Sunnfjord kommune Naustdal omsorgssenter

Vil du bruke sjukepleiarkompetansen din der du verkeleg betyr noko – kvar einaste dag?​ Vi søker ein engasjert sjukepleiar som ønsker å bruke både fagleg tyngde og menneskeleg varme i kvardagen. Hos oss får du ein variert og fagleg spennande arbeidskvardag, der du får bruke kompetansen din, ta ansvar og vere med på å gjere ein forskjell for menneske som treng deg. Du blir ein del av eit inkluderande fagmiljø der vi spelar kvarandre gode. Vi trur at gode tenester blir skapte av medarbeidarar som trivst, og derfor legg vi stor vekt på samarbeid, fagleg utvikling og å ta vare på kvarandre. Kollegaene dine har brei kompetanse innan demens, geriatri, akuttsjukepleie, lindrande behandling og personsentrert omsorg samt mykje humor og eit sterkt engasjement for bebuarane våre. Naustdal omsorgssenter er eit mindre omsorgssenter med 19,64 årsverk. Vi yter heildøgns omsorg til personar som har behov for omsorg og medisinsk oppfølging gjennom døgnet. Hos oss blir du godt kjend med både bebuarar og kollegaer, og du blir ein viktig del av eit fagmiljø der alle bidreg og blir sett. Vi er stolte av å vere ein del av ressurssjukepleiarnettverket for kreftomsorg og lindrande behandling i kommunen, og vi jobbar kontinuerleg for å utvikle tenestene våre vidare. Vi har ledig:​ • 100 % fast stilling som sjukepleiar​ Du får ein variert arbeidskvardag i tredelt turnus. Det er mogleg å jobbe langvakter og kvar fjerde helg med samla langfri dersom du ønsker det. Arbeidsoppgåver:​ • yte heilskapleg og fagleg forsvarleg sjukepleie til bebuarane våre • observere, vurdere og følgje opp endringar i pasientane sin helsetilstand • handtere legemiddel og dokumentere i journalsystemet Cosdoc • samarbeide tett med pårørande, tilsynslege og andre faggrupper for å sikre gode pasientforløp • bidra til fagutvikling, kvalitetsarbeid og eit godt arbeidsmiljø Kvalifikasjonskrav:​ • norsk autorisasjon som sjukepleiar • beherskar norsk godt, både munnleg og skriftleg Vi søker deg som:​ • er engasjert og lærevillig • har motivasjon og evne til å tileigne deg ny kunnskap • har stor arbeidskapasitet • bidreg positivt til eit godt arbeidsmiljø • har gode ferdigheiter i kommunikasjon og samhandling • har grunnleggande datakunnskapar – vi nyttar fagprogrammet Cosdoc • er endringsvillig og løysingsorientert • er trygg på å jobbe både sjølvstendig og i team • er trygg på å ta ansvar Personlege eigenskapar blir vektlagde ved tilsetjing. Vi tilbyr deg:​ • eit inkluderande arbeidsmiljø med engasjerte kollegaer og leiarar • tett samarbeid på tvers av profesjonar, der ulike fagkompetansar blir verdsette • ein arbeidsplass med fokus på kvalitet og pasientnær omsorg • moglegheit for fagleg utvikling og å bli ein del av eit kompetent og inkluderande fagmiljø • ein variert og meiningsfull arbeidskvardag • fleksible turnusløysingar med moglegheit for langvakter og arbeid kvar fjerde helg med samla langfri • kompetansetillegg for relevant vidareutdanning • rekrutteringstillegg på kr 35 000 per år  Gyldig politiattest må leggjast fram før oppstart i stillinga. Her blir du ikkje ein i mengda – du blir ein viktig del av eit lag som bryr seg, både om bebuarane og kvarandre. Vi gler oss til å høyre frå deg! Du søker elektronisk. Link til søknadsskjema: Søk her