Helsesjukepleiar i Selje

Familiehelsetenesta

Øygarden kommune Familiehelsetenesta

Om avdelinga:​ Familiehelsetenesta består av 4 helsestasjonar med jordmorteneste, helsestasjon- og skulehelseteneste, helsestasjon for ungdom og flyktninghelseteneste. Vi har ledig stilling som helsesjukepleiar i helsestasjon- og skulehelsetenesta. For tida er omlag 80% av stillinga knytt til arbeid på Tjeldstø og Toftøy skular. Stillinga er ledig frå medio september. Du vil koma til eit engasjert fagmiljø der du vil arbeide tett med andre faggrupper. Øygarden kommune har ei helsestasjon- og skulehelseteneste som er samansett av engasjerte og fagleg dyktige helsesjukepleiarar og legar. Tilsette som arbeider i skulane har faste fagmøte og eigen fagansvarleg leiar. Skulehelsetenesta har gode samarbeidsrutinar med skulane. Øygarden kommune er ein BTI kommune. Vi søkjer etter deg som er ein positiv lagspelar i et tverrfagleg miljø, og som er trygg i rolla di.  Dersom intern tilsett får tilbod om stillinga kan andre stillingar og arbeidsoppgåver bli ledig. Arbeidsoppgåver:​ • Arbeid i skulehelsetenesta.  • Individuelle konsultasjoner og gruppe • Undervisning • Foreldrerettleiing • Tverrfaglig samarbeid på individ og systemnivå • Delta i fagutvikling Kvalifikasjonar: ​ Må ha: ​ • Autorisert helsesjukepleiar eller i utdanningsløp til helsesjukepleiar. • Gode norskkunnskapar munnleg og skriftleg Ønskjeleg med:​ • Erfaring frå arbeid i skulehelsetenesta • Erfaring frå arbeid med grupper • Gode dataferdigheter Personlege eigenskapar:​ • Fagleg dyktig og har engasjement for førebyggjande helsearbeid • Fleksibel, løysingsorientert og endringsvillig • God på kommunikasjon og har evne til rettleiing • Strukturert og sjølvstendig samstundes som du er ein lagspelar • God på samarbeid og har evne til å bygge relasjoner  ​ Personlege eigenskapar vert vektlagt.   Anna:​ Det er naudsynt at ein har førarkort og disponerer bil i tenesta. Det er krav om politiattest.   Kvifor velje oss? ​ • Ein meiningsfull og variert arbeidskvardag der ingen dagar er heilt like. • Stor grad av sjølvstende og tillit i arbeidskvardagen. • Eit inkluderande og kompetent tverrfagleg fagmiljø. • Gode moglegheiter for fagleg og personleg utvikling. • Gode pensjons- og forsikringsordningar. • Motiverte og kunnskapsrike kollegaer. • Interessante utfordringar. • Høve til fagleg og personleg utvikling.    Kontakt: ​ Einingsleiar: Berit Algrøy mobil 95208001 berit.algroy@oygarden.kommune.no Avdelingsleiar: Louise Armond mobil 41308182 louise.armond@oygarden.kommune.no  ​ Søknadsfrist: 12.august​  ​ Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det. Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. Link til søknadsskjema: Søk her

Helsesjukepleiar

Helsetjenester, Tokke kommune

Ledig vikariat i 100% stilling som helsesjukepleiar/ sjukepleiar i Tokke kommune​ ​ Frå 1. september 2026 til 01.mai 2027 har Tokke kommune ledig vikariat i 100 % stilling som helsesjukepleiar. Sjukepleiar med relevant utdanning/erfaring kan også søkje. Er du helsesjukepleiar eller sjukepleiar med relevant utdanning/erfaring, og har lyst på ein spanande og meiningsfull jobb? Då kan dette vere noko for deg! Vikariatet kan bli forlenga eller gjort om til fast stilling på sikt. Arbeidet er knytt primært til skulehelseteneste, flyktninghelseteneste og reise-/sesongvaksinering. Arbeidstida er dagtid i fleksitidsordning, men ein må også rekne med noko kveldsarbeid. Helsestasjonen har eit godt og engasjert fagmiljø, og du blir del av eit team med helsestasjonslege, helsesjukepleiarar, sekretær og jordmor (organisert via jordmorsamarbeidet i Vest-Telemark). Tenesta er organisert under kommunalområdet helse og omsorg med avdelingsleiar for helse som næraste leiar. I avdeling helse ligg i tillegg legekontoret, fysio- og ergoteapiteneste og psykisk helse og rus. Avdelinga er samlokalisert med institusjon og heimetenesta. Tokke kommune har eigen lokal lønsstige som ligg over vanleg tariff. Arbeidsoppgåver​ • Sikre gode tenester som tek i vare barn og unge sine fysiske, psykisk og sosiale behov • Bidra til å ha eit godt samarbeid i laget rundt barn/ungdom/familie • Utføre oppgåver innan dei nasjonalfaglege retningslinene innan helsestasjon- og skulehelseteneste • Flyktninghelseteneste • Reise-/ sesongvaksinering Kvalifikasjonar​ • Godkjent norsk autorisasjon som helsesjukepleiar eller sjukepleiar med relevant utdanning/arbeidserfaring • Erfaring innan førebyggjande og helsefremjande arbeid er ein fordel • Du må kunne arbeide sjølvstendig og ha evne til å strukturere og koordinere arbeidet i ein arbeidskvardag • Erfaring innan flyktninghelseteneste og med vaksinering er ein fordel • Kurs i COS-P (foreldrestøtte) er eit ynskje • Førarkort klasse B • God norskspråkleg formidlingsevne skriftleg og munnleg er nødvendig • Personlege eigenskapar, fleksibilitet og samarbeidsevner vil bli vektlagd Personlege eigenskapar​ • Er ein stabil og positiv kollega som bidreg til eit godt arbeidsmiljø • Kan samarbeide og kommunisere på ein måte som skapar trygge og gode relasjonar • Er fleksibel, utvikling- og løysingsorientert • Arbeider sjølvstendig, er strukturert og engasjert Vi tilbyr​ • Helsestasjonen har eit godt, fleksibelt og engasjert fag- og arbeidsmiljø • Du kan få høve til å delta på kurs og fagdagar • Fleksitidsordning • Kommunen hae eigen lokal lønsstige som ligg over vanleg tariffavtale.  Andre opplysningar:  Tokke kommune er oppteken av mangfald, og oppfordrar difor alle som er kvalifisert til å søkje uansett alder, kjønn, nedsett funksjonsevne og nasjonal eller etnisk bakgrunn. Vi tilpassar arbeidsplassen om du har behov for det. Referansar vil bli kontakta etter avtale. Politiattest av seinare dato må leverast ved tilsetting.  Aktuelle søkjarar blir kalla inn til intervju. I samsvar med Offentleglova §25 kan namn på søkjarane gjerast offentleg. Nærare informasjon om stillinga kan rettast til avdelingsleiar helse Evy Katrin Aamlid  tlf: 35075530/ 41100975, evy.katrin.aamlid@tokke.kommune.no. Velkomen som søkjar! Kontaktinformasjon​Evy Katrin Aamlid, Avdelingsleiar, +47 41100975 Arbeidsstad​Revahaugvegen 4 3880 Dalen Nøkkelinformasjon:​Arbeidsgivar: Tokke kommune Referansenr.: 5154810946 Stillingsprosent: 100% Vikar Søknadsfrist: 09.08.2026

Helsesjukepleiar med moglegheit for fagansvar

Samnanger kommune

Om stillinga​ Er du helsesjukepleiar og ønskjer å jobbe i ein liten kommune med stort engasjement for førebygging, tidleg innsats og tverrfagleg samarbeid?​ I Samnanger kommune søkjer vi no etter ein trygg, engasjert og relasjonell helsesjukepleiar som ønskjer å bidra i arbeidet med å fremje god helse, meistring og livskvalitet for barn, unge og familiar. For rett kandidat kan det vere aktuelt å få ein funksjon som fagansvarleg helsesjukepleiar. Funksjonen vil omfatte oppgåver knytt til fagutvikling, kvalitetsarbeid og interkontroll, og vert vurdert nærare ut fra kompetanse, erfaring og kommunen sine behov. Stillinga er organisert under førebyggjande tenester i Eining for livsmeistring, og inngår i det tverrfaglege arbeidet i Samnangerhjelpa. I dag er det to 100 % stillingar knytta til helsestasjon - og skulehelseteneste.  I Samnanger kommune jobbar me aktivt med tidleg innsats, BTI (Betre tverrfagleg innsats) og lågterskeltilbod for barn, unge og familiar. Me er opptekne av å byggje laget til barnet og samarbeidar tett på tvers av tenester og fagmiljø. Hjå oss får du arbeide i eit lite og nært fagmiljø med korte avstandar mellom tenestene, høg grad av samarbeid, sjølvstende og moglegheit til å påverke utviklinga av tenestene. Du vil bli ein del av eit engasjert tverrfagleg miljø som arbeider for å skape gode oppvekstvilkår og fremje psykisk og fysisk helse blant barn og unge. Arbeidsoppgåver​ • Helsefremjande og førebyggjande arbeid retta mot barn, unge og familiar • Oppfølging ved helsestasjon, skulehelsetenesta og helsestasjon for ungdom • Råd, rettleiing og samtalar med barn, ungdom og føresette • Planlegging og gjennomføring av kurs, grupper og andre førebyggjande tiltak • Tverrfagleg samarbeid med barnehage, skule, fastlege, psykisk helse- og rustenesta, barnevern og andre samarbeidspartnarar • Deltaking i utviklingsarbeid og førebyggjande tiltak i kommunen • Bidra i BTI-arbeid (Betre tverrfagleg innsats), arbeid som barnekoordinator og andre tverrfaglege møte • Bidra inn i Samnangerhjelpa, kommunen sitt tverrfaglege lågterskeltilbod for barn, unge, familiar og vaksne • For rett kandidat kan det vere aktuelt med fagansvar knytt til fagutvikling, kvalitetssikring og internkontroll innan helsestasjon- og skulehelsetenesta • Andre oppgåver innan førebyggjande tenester kan bli lagde til stillinga   Kvalifikasjonar​ Krav: • Offentleg godkjend sjukepleiar med vidareutdanning som helsesjukepleiar. Ved mangel på kvalifiserte søkjarar kan sjukepleiarar med relevant erfaring frå arbeid med barn, unge og familiar verte vurderte. • Oppdatert fagkunnskap innan helsefremjande og førebyggjande arbeid • Gode digitale ferdigheiter • Gyldig politiattest må leggjast fram før tilsetjing • Det er krav om gyldig førarkort klasse B, då stillinga inneber reiseverksemd i kommunen og samhandling med andre tenester • Gode munnlege og skriftlege norskkunnskapar på minimum nivå B2 Ønskjeleg: • Erfaring frå helsestasjon og/eller skulehelseteneste • Erfaring og kompetanse innan arbeid med sped- og småbarn (0–5 år) • Erfaring med rettleiing av barn, ungdom og føresette • Erfaring frå tverrfagleg samarbeid • Kompetanse innan kurs- og gruppebasert arbeid • Gode kommunikasjonsevner i engelsk • Erfaring med fagutvikling, rettleiing kvalitetsarbeid eller internkontroll Personlege eigenskapar​ Vi ser etter deg som: • har gode relasjonelle ferdigheiter og trivst i møte med barn, ungdom og familiar • arbeider sjølvstendig og strukturert, samtidig som du samarbeider godt med andre • er fleksibel, løysingsorientert og bidreg til å finne gode løysingar saman med brukarar og kollegaer • har engasjement for helsefremjande og førebyggjande arbeid, samt tidleg innsats • bidreg positivt til eit godt arbeidsmiljø, både på helsestasjonen og i kommunen elles • trivst med utviklingsarbeid og tverrfagleg samarbeid • har god evne til organisering, prioritering og sjølvstendig arbeid Personleg eignaheit vil bli tillagt stor vekt ved tilsetjing. Me tilbyr​ • Eit sterkt fagleg miljø med meiningsfulle og utfordrande arbeidsoppgåver • Gode moglegheiter for fagleg og personleg utvikling, og høve til å vere med og forme tenestene i ein kommune i positiv utvikling • Høg grad av tverrfagleg samarbeid og korte avstandar mellom tenestene • Moglegheit til å arbeide tett på innbyggjarane og vere ein sentral del av eit samla førebyggjande fagmiljø • Moglegheit til å påverke og vidareutvikle helsestasjon-, skulehelse- og førebyggjande tenester • Fagleg utvikling, rettleiing og kollegastøtte • Eit inkluderande arbeidsmiljø med engasjerte og dyktige kollegaer • Fleksible arbeidstidsordningar • Løn, offentleg pensjon og arbeidsvilkår etter gjeldande lov- og avtaleverk • Gode pensjonsordningar gjennom KLP, samt yrkesskade- og gruppelivsforsikring • Gode velferdsordningar Arbeidstilhøve​ Me ønskjer eit arbeidsmiljø prega av mangfald, og at dei tilsette skal spegle folkesetnaden elles. Me oppfordrar alle kvalifiserte kandidatar til å søkje jobb hjå oss, uavhengig av alder, kjønn, funksjonsevne, etnisk eller kulturell bakgrunn. Dersom du har utdanning frå utlandet, må denne vere godkjend av Direktoratet for høgare utdanning og kompetanse (HK-dir). Me legg vekt på å leggje til rette arbeidsforholda dersom du har behov for det. Administrasjonsspråket i kommunen er nynorsk. Alle nytilsetjingar vert gjorde med ei prøvetid på seks månader. Me gjer merksam på at opplysningar om søkjaren kan bli offentleggjorde, jf. offentleglova § 25 andre ledd, sjølv om det er bede om unntak frå offentleg søkjarliste. Dersom du ber om unntak frå offentleg søkjarliste, vil du alltid bli varsla før søkjarlista vert offentleggjord, og få høve til å trekkje søknaden. Som tilsett i Samnanger kommune vert du medlem i KLP si pensjonsordning. KLP tilbyr pensjon, bank- og forsikringstenester, og er Noregs største pensjonsselskap. Ordninga omfattar mellom anna alderspensjon, AFP, uførepensjon, etterlattepensjon, yrkesskadeforsikring og gruppelivsforsikring. Søknad må sendast innan søknadsfristen gjennom rekrutteringssystemet Jobbnorge.