Vil du vere med og skape matglede, gode måltidsopplevingar og sunne matvanar for barn?

Fagarbeidar i skule og SFO i 50 % fast stilling ved Flekke skule

Fjaler kommune Flekke skule

Vil du vere med og skape ein trygg, aktiv og inkluderande kvardag for elevane våre? Flekke skule har ledig ei 50 % fast stilling som fagarbeidar i skule og SFO, med tilsetjing etter avtale.  Vi søkjer etter ein engasjert fagarbeidar som trivst saman med barn, er ein tydeleg og trygg vaksen og ønskjer å bidra til eit godt lærings- og oppvekstmiljø. Om arbeidsplassen​ Skulen og barnehagen er samlokaliserte og har eit godt samarbeid. Vi har eit roleg og oversiktleg miljø der alle elevane vert godt kjende av dei vaksne. Nærmiljøet vert nytta aktivt, og vi er mykje ute gjennom heile året. Hos oss møter du eit inkluderande arbeidsmiljø med engasjerte og dyktige kollegaer, der trivsel, samarbeid og utvikling står i sentrum. Arbeidsoppgåver​ • Bidra til eit trygt og godt lærings- og oppvekstmiljø for elevane. • Følgje opp og støtte elevar i skuledagen i samarbeid med lærarane. • Vere ein trygg og tydeleg vaksen i SFO. • Planleggje og gjennomføre leik og aktivitetar i SFO. • Bidra til gode relasjonar mellom elevar, føresette og tilsette. • Delta aktivt i utviklinga av skulen og SFO. Kvalifikasjonar​ • Fagbrev som barne- og ungdomsarbeidar. • God munnleg og skriftleg framstillingsevne på norsk. • Gyldig politiattest må leggjast fram før tiltreding. Personlege eigenskapar​ Vi ser etter deg som: • Er omsorgsfull, trygg og tålmodig i møte med barn. • Har gode samarbeidsevner og byggjer gode relasjonar. • Er fleksibel, løysingsorientert og sjølvstendig. • Tek initiativ og bidreg til eit positivt arbeidsmiljø. • Trivst med ein aktiv og variert kvardag saman med barn. Det blir lagt stor vekt på personleg eignaheit. Vi tilbyr​ • Eit godt arbeidsmiljø med trivelege og engasjerte kollegaer. • Introduksjon og oppfølging ved oppstart. • Ein variert og meiningsfull arbeidskvardag. • Løn etter gjeldande tariffavtale. • Gode pensjons- og forsikringsordningar. Kommunen arbeider aktivt for god kjønnsbalanse i arbeidsmiljøet. Menn vert oppmoda om å søkje. Vi gjer merksam på at søkjarlista som hovudregel er offentleg. Dersom du ønskjer unntak frå offentlegsøkjarliste, må dette grunngjevast i søknaden. Dersom ønsket ikkje vert teke til følgje, vil du få høve til åtrekkje søknaden før søkjarlista vert offentleg.   Link til søknadsskjema: Søk her

Avdelingsleiar Familiestøtte 100% fast

Kvinnherad kommune Barn og familie

Vil du vere med og skape gode oppvekstvilkår for barn og unge i Kvinnherad?  Kvinnherad kommune søkjer ein engasjert og utviklingsorientert avdelingsleiar til Familiestøtte – ei sentral teneste for førebygging, tidleg innsats og støtte til barn, unge og familiar.  Dette er ei spennande leiarstilling for deg som brenn for å utvikle tenester i tett samarbeid med dyktige fagpersonar, samarbeidspartnarar og lokalsamfunnet. Du får ansvar for eit viktig fagområde med stor betydning for barn og unge si helse, meistring og livskvalitet.  Om arbeidsplassen​  Eining Barn og familie er ei av 21 einingar i sektor oppvekst i Kvinnherad kommune. Eininga samlar dei fleste hjelpetenestene for barn, unge og familiar i kommunen, og består av seks avdelingar: barnevern, helsestasjon, PPT, familiestøtte, avlastning- og butiltak for barn og unge og tverrsektorielt psykologteam. Eininga held til i Husnes tenestesenter.  Som avdelingsleiar for Familiestøtte får du ansvar for fagleg, administrativ og strategisk leiing av avdelinga, og rapporterer direkte til einingsleiar. Du blir ein del av eit tverrfagleg og utviklingsorientert fagmiljø med eit felles mål om å styrkje oppvekstvilkåra for barn og unge i Kvinnherad kommune.    Om stillinga ​ Frå 1. oktober 2026 har Eining Barn og familie ledig ei 100 % fast stilling som avdelingsleiar for avdeling Familiestøtte.  Familiestøtte består av:  Familieteamet​ tilbyr familierettleiing, samtalar og gruppetilbod til barn, unge og familiar.  Ungdomsteamet​ omfattar ungdomslosar, utekontaktar og ungdomsleiarar med ansvar for kommunen sine ungdomsbasar og lågterskeltilbod til ungdom.  Tiltakskonsulent​ har ansvar for rekruttering og oppfølging av oppdragstakarar i eining barn og familie.  Avdelingsleiar har også funksjon som kommunen sin SLT-koordinator​ og skal leie og vidareutvikle det lokale SLT-arbeidet (Samordning av lokale rus- og kriminalitetsførebyggjande tiltak). Dette er eit systematisk samarbeid mellom kommune, politi og andre offentlege og private aktørar for å styrkje det førebyggjande arbeidet blant barn og unge.  Avdelinga har særleg fokus på tverrfagleg samarbeid, førebygging og utvikling av lågterskeltilbod. Medarbeidarane er den viktigaste ressursen i tenesta, og det er sentralt å sikre høg fagleg kvalitet, god rettleiing og eit inkluderande arbeidsmiljø. Eining barn og familie er oppteken av å nytte ressursane slik at dei kjem tenestemottakarane best til nytte. Det kan difor bli endring i arbeidsoppgåver og samansetning i avdelinga.   Stillinga inneber noko arbeid på ettermiddag, kveld og i enkelte tilfelle helg, for å sikre god fagleg støtte og oppfølging av medarbeidarane. Arbeid med søknader om prosjekt- og utviklingsmidlar er òg ein viktig del av stillinga.    Arbeidsoppgåver ​ Som avdelingsleiar vil du ha ansvar for:  • Personal-, økonomi- og fagansvar for avdelinga  • Planlegging, koordinering og dagleg drift  • Internkontroll, kvalitetsarbeid og fagutvikling  • Kvalitetssikring av rapportering og dokumentasjon  • Rettleiing og oppfølging av medarbeidarar  • Saksbehandling etter helse- og omsorgstenestelova  • Leiing og koordinering av kommunen sitt SLT-arbeid  • Utvikling og styrking av tverrfagleg samarbeid    Kvalifikasjonar ​ Vi søkjer ein leiar med relevant høgare utdanning innan helse-, sosial- eller pedagogiske fag. Søkjarar med annan relevant utdanning vil også kunne bli vurderte.  Det er ønskjeleg med:  • Relevant vidareutdanning, gjerne innan leiing, administrasjon eller rettleiing  • Erfaring frå leiing og personaloppfølging  • Kjennskap til offentleg forvaltning  • Erfaring frå arbeid med barn, unge og familiar  • Førarkort klasse B    Personlege eigenskapar ​ Vi legg stor vekt på personleg eignaheit. Vi søkjer deg som:  • Har evne til å leie, motivere og utvikle medarbeidarar  • Er engasjert i førebyggjande arbeid for barn og unge  • Har god organisasjonsforståing  • Er utviklingsorientert, strukturert og målretta  • Bidreg aktivt til eit godt arbeidsmiljø  • Skaper tillit og gode relasjonar  • Har gode samarbeids- og kommunikasjonsevner  • Er fleksibel, kreativ og løysingsorientert  • Har fokus på tverrfagleg samarbeid  • Har god digital kompetanse  • Har god munnleg og skriftleg framstillingsevne på norsk    Vi tilbyr ​ • Ei spennande leiarstilling i ei teneste i utvikling  • Meiningsfulle og varierte arbeidsoppgåver  • Moglegheit til å påverke utvikling og framtidig retning for tenestene  • Fagleg og personleg utvikling  • Eit godt arbeidsmiljø med dyktige og engasjerte medarbeidarar  • Løn og arbeidsvilkår etter gjeldande tariffavtalar og lovverk  • Pensjonsordning, ulykkes- og gruppelivsforsikring gjennom KLP  • Dekning av flytteutgifter etter gjeldande reglar  • Moglegheit for sletting av inntil 25 000 kroner av studielån etter eitt år for busette arbeidstakarar i Kvinnherad  • Ingen eigedomsskatt på bustad, fritidsbustad eller næringseigedom per i dag  • Gratis SFO og søskenmoderasjon i barnehage    Politiattest ​ Gyldig politiattest må leggjast fram før tiltreding. Kravet er heimla i barnevernslova § 12-11, opplæringslova § 17-11, barnehagelova § 30, helsepersonellova § 20 og helse- og omsorgstenestelova § 5-4.  Link til søknadsskjema: Søk her

Ungdomskoordinator med rådgivaroppgåver ved Konfliktrådet i Sør-Vest, kontorstad Stavanger

Konfliktrådet

Konfliktrådet er ein trygg møteplass for menneske som står på kvar si side av eit lovbrot, ei uønskt hending eller ein konflikt. Konfliktrådet forvaltar straffereaksjonane ungdomsstraff, ungdomsoppfølging og oppfølging i konfliktråd, og har eit særleg ansvar for unge i konflikt med lova. Konfliktrådet er ein del av strafferettspleia og er underlagt Justis- og beredskapsdepartementet.   Sekretariatet for konfliktråda har det faglege og administrative ansvaret for dei 12 konfliktråda i landet. For meir informasjon om konfliktråda og tenestene våre, sjå www.konfliktraadet.no.   Konfliktrådet Sør-Vest har 12 stillingsheimlar, 37 oppnemnde konfliktrådsmeklarar og har kontorstader i Haugesund og Stavanger. Kontoret har ungdomskoordinatorar med hovudansvar for straffegjennomføring i ungdomssaker og rådgivarar med hovudansvar for meklingssaker. Vi er eit felles kollegium som samarbeider, avlastar kvarandre og delar erfaringar og fagkunnskap.   Ungdomskoordinator med rådgivaroppgåver ved Konfliktrådet i Sør-Vest, kontorstad Stavanger​   Om stillinga:​ Kvalitet, nytenking og tru på mennesket – kjenner du deg igjen i verdiane våre? Vil du vere ein del av eit viktig samfunnsoppdrag som har stor betydning for livet til enkeltmenneske? Konfliktrådet med kontorstad Stavanger søkjer no etter ein ungdomskoordinator med rådgivaroppgåver. Her får du høve til å vere med og utgjere ein forskjell for menneske i konflikt og skape positiv endring for ungdom som har begått kriminalitet. Stillinga som ungdomskoordinator er ei lovregulert rolle med ansvar for gjennomføring av dei strafferettslege reaksjonane ungdomsstraff og ungdomsoppfølging, se konfliktrådsloven kap. IV.    Som ungdomskoordinator skal du setje saman og leie eit oppfølgingsteam rundt ungdommen og utarbeide ein ungdomsplan med tiltak som ungdommen forpliktar seg til å følgje. Dette arbeidet skjer i tett samarbeid med ungdommen, ungdommen sin verje, privat nettverk og offentlege instansar som politi, barnevern, skule, kriminalomsorg og helsetenester. Du må meistre og trivast med å arbeide i skjeringspunktet mellom straff og hjelp. Som ungdomskoordinator har du vidare ansvar for å leie lokale koordineringsgrupper som bistår påtalemakta i vurderinga av om ungdomsreaksjon er eigna for den enkelte ungdommen. Gjenopprettande prosess er eit viktig element i straffereaksjonane, og du skal bidra til at det vert arbeidd gjenopprettande gjennom heile straffegjennomføringa.   Du vil som ungdomskoordinator med rådgivaroppgåver bidra til konfliktrådet sine øvrige oppgåver gjennom saksbehandling av meklingssaker, fagleg oppfølging av meklarar og rettleiing i bruk av gjenopprettande prosess. Stillinga inneber også å svare på brukarhenvendingar, drive utadretta verksemd, bidra til fagutvikling og delta i planlegging og gjennomføring av arrangement.   Kvalifikasjonar:​   Du må ha:​ • fullført utdanning på bachelornivå • minimum to års relevant arbeidserfaring med brukargruppa, enten det er erfaring frå arbeid med ungdom på institusjon, sosialt arbeid, kriminalitetsførebygging eller straffegjennomføring • kompetanse og erfaring med å bidra til positiv utvikling hos ungdom i utfordrande og samansette livssituasjonar • førarkort Det er ein fordel om du i tillegg har erfaring med:​ • å formidle informasjon og holde presentasjoner • å lede team • arbeid i offentleg forvaltning, særleg saksbehandling og brukerkontakt • rettleiing, tverrfagleg samarbeid og relasjonsbygging med eksterne aktørar er ein fordel   Personlege eigenskapar​ • Vi ser etter ein kollega som samarbeider godt med andre, deler kunnskap og erfaringar, og støttar andre for å nå felles mål. Du har evne til å motivere for endring. Du tek ansvar, kan handle på eige initiativ, er etterretteleg, og får ting til å skje. Dette krev evne og vilje til å veksle mellom mange ulike oppgåver i kvardagen. • Du har evne til å setje deg inn i og forstå både dei formelle og uformelle strukturane i organisasjonen, og samarbeider godt på tvers av alle nivå. • Du ønskjer å utvikle deg og deler kunnskapen din med kollegaene dine. Er du i tillegg god til å planleggje og prioritere og får jobben gjort, vil vi gjerne ha deg med på laget.   Personleg eignaheit vil bli særleg vektlagd.   Stillinga krev at det vert lagt fram utvida politiattest.​   Vi tilbyr:​ • Betydelig innsikt i regionen og ei brei kontaktflate • Moglegheit til å gjere ein forskjell og utføre eit arbeid som har stor betydning for samfunnet – vi bidreg til å skape positiv endring • Løn som rådgivar i stillingskode 1434, i lønsspennet kr 620 000 – 700 000, avhengig av kvalifikasjonar • Medlemskap i Statens pensjonskasse • Fleksibel arbeidstidsordning • Høve til trening i arbeidstida   Generelt:​ Kontorstad er Stavanger, men stillinga inneber oppgåver i heile Konfliktrådet i Sør-Vest sitt ansvarsområde. Du må rekne med noko reiseverksemd, og det er ein fordel om du disponerer eigen bil. Arbeid utanfor ordinær kontortid vil kunne førekome, då enkelte møte vert gjennomførte på ettermiddag og kveld.   Tilsette i staten skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og å rekruttere personar med innvandrarbakgrunn. Søkarar med nedsett funksjonsevne, overtalsattest i staten eller hol i CV-en, men som elles fyller kvalifikasjonskrava til stillinga, vert oppmoda til å søkje.   Alle søkjarar må laste opp relevante vitnemål og attestar i portalen. Vurderinga av søknaden blir basert på den informasjonen som ligg føre ved søknadsfristen sitt utløp. Det er derfor viktig at du tydeleg viser korleis kompetansen din oppfyller krava som er sette. Søkjarar blir bedne om å merke seg at førstegongsintervju (gruppeintervju) blir gjennomført 20. august.   Nærare opplysningar om stillinga kan du få ved å kontakte konfliktrådsleiar Kirsten Borsheim på telefon 915 66 509. Søknadsfrist: 9. august 2026.