Aasentunet

Er du ein strukturert og skrivefør administrator med interesse for kultur, språk og organisasjonsutvikling? Nynorsk kultursentrum søkjer ein allsidig medarbeidar som vil arbeide med både administrasjon og kommunikasjon i ein viktig prosjektperiode for organisasjonen. Hva vi ser etter​ Kvalifikasjonar​ Vi ønskjer at du: • har relevant høgare utdanning innan anten administrasjon, økonomi, kommunikasjon eller tilsvarande arbeidsområde • har erfaring frå administrativt arbeid, økonomi og/eller kommunikasjon • skriv godt på nynorsk • har erfaring med digitale verktøy og publiseringsløysingar, gjerne med kjennskap til Adobe Det er ein fordel med erfaring frå kulturverksemder, offentleg sektor, forskingsinstitusjonar, reiseliv eller andre kunnskapsorganisasjonar. Personlege eigenskapar​ Vi ser etter deg som: • arbeider sjølvstendig og strukturert, og held orden på detaljane • er løysingsorientert og samarbeider godt med andre • kan veksle mellom fleire oppgåver i løpet av ein arbeidsdag • har god formidlingsevne både skriftleg og munnleg • har interesse for språk og kultur Hos oss får du høve til å bruke din kompetanse om administrasjon og kommunikasjon, og bidra til å styrkje og utvikle ein nasjonal kulturinstitusjon. Arbeidsoppgaver​ Stillinga omfattar mellom anna: • administrativ støtte til leiing og organisasjonen mellom anna med personaladministrative oppgåver • arbeid med økonomi og oppfølging av budsjett • koordinering og utarbeiding av årsmelding • planlegging og publisering av innhald på nettsider og i sosiale medium • medverknad til marknadsføring av arrangement og formidlingstiltak Du vil samarbeide tett med kollegaer innan administrasjon og kommunikasjon. Avdelinga gjennomfører overordna oppgåver for heile organisasjonen, forvaltar offentlege regelverk og interne rutinar og prosedyrar. Administrasjonssjef er nærmaste overordna. Vi tilbyr​ • Løn etter avtale, med utgangspukt i lokalt lønssystem • Medlemskap i Statens pensjonskasse • Avtalefesta pensjon • Gruppelivsforsikring Du kjem til eit inkluderande arbeidsmiljø med engasjerte kollegaer i eit unikt og prislønt Fehn-bygg. Vi har fleksibel arbeidstid og moglegheit for trening i arbeidstida.

Er du idérik med sans for både formidling, pedagogikk og struktur? Vil du skape gode og artige opplevingar med nynorsk historie, språk og litteratur for barn og ungdom? Aasentunet søkjer vikar i 50% stilling som formidlar frå 1. januar 2027 til 30. juni 2027. Hva vi ser etter​ Vi ønskjer oss ein kreativ og sjølvstendig formidlar, og gjerne nokon med relevant utdanning og pedagogisk erfaring. Røynsle frå museum eller andre formidlingsinstitusjonar kjem godt med. Du bør trivast med å jobbe i høgt tempo, like å snakke framfor større grupper, ha sans for orden og system, vere stø i nynorsk og ha god kjennskap til engelsk. Arbeidsoppgaver​ Hovudoppgåvene som formidlar i Aasentunet vil vere planlegging, organisering og gjennomføring av dei faste tilboda for barn og ungdom: Les for livet, Snakk om språk og Bli kjend med Ivar Aasen. Formidlaren har også ansvar for omvisingar ved barnehage-, skule- og gruppebesøk. Det kan bli aktuelt med andre oppgåver og arrangement utover dette. Du må rekne med noko helge- og kveldsarbeid i samband med gjennomføring av arrangement og Dei nynorske festspela. Vi tilbyr​ Museumsleiar er nærmaste overordna i eit triveleg og tett arbeidsmiljø. Vi tilbyr ein idémyldrande bedriftskultur og engasjerte kollegaer, ein ryddig organisasjon, ei romsleg fleksitidsordning, medlemskap i Statens pensjonskasse som inkluderer avtalefesta pensjon, og gruppelivsforsikring. Løn i samsvar med det lokale lønssystemet vårt. Nynorsk kultursentrum er medlem i arbeidsgivarorganisasjonen Virke.

Er du ein initiativrik og serviceinnstilt person? Vil du vere med å leggje til rette for gode kulturopplevingar for eit variert publikum? Nynorsk kultursentrum, musea for skriftkultur, har ledig vikariat som vertskapsansvarleg ved Aasentunet i Ørsta frå 1. januar til 30. juni 2027, i 100% stilling. Hva vi ser etter​ Vi søkjer deg med fagbrev i sal, reiseliv eller innan tilsvarande fagområde og kompetanse. Erfaring frå liknande arbeid kan kompensere for formell kompetanse. Det er ein fordel om du har erfaring med kassasystem, oppgjer, varebestilling og lagerteljing. Den som blir tilsett må rekne med nokre reiser i tillegg til noko helge- og kveldsarbeid. Alle nye medarbeidarar får grundig opplæring. Hos oss nyttar alle nynorsk i skriftleg kommunikasjon. Arbeidsoppgaver​ På grunn av permisjonar og fleire store prosjekt, treng vi fleire tilsette i ein periode. Vertskapsansvarleg i Aasentunet er den første publikum møter på museet. Du organiserer kafé- og butikktilbodet, gruppebesøk og aktivitetar i museet. I samband med Dei nynorske festspela har du ansvar for frivillige, kafétilbodet og enkelte eksterne samarbeid. Du vil også ha ansvar for marknadsføring ved å oppdatere sosiale medium med arrangement, hendingar og tilbod i butikken og kafeen. Vertskapsansvarleg betener resepsjon, sentralbord, butikk og kafé i opningstidene i vekedagane. Det er høgt tempo i enkelte periodar, til dømes under Festspela. Du må kunne jobbe sjølvstendig, samarbeide godt med andre og sjonglere fleire oppgåver samtidig. Vi tilbyr​ Vikariatet er ledig frå 1. januar 2027. Kontorstad er i resepsjonen i Aasentunet i Ørsta. Museumsleiar er nærmaste overordna i eit triveleg og tett arbeidsmiljø. Vi tilbyr ein idémyldrande bedriftskultur og engasjerte kollegaer, ein ryddig organisasjon, ei romsleg fleksitidsordning, medlemskap i Statens pensjonskasse som inkluderer avtalefesta pensjon, og gruppelivsforsikring. Løn i samsvar med det lokale lønssystemet vårt. Nynorsk kultursentrum er medlem i arbeidsgivarorganisasjonen Virke.