Vi søkjer rettleiarar som ønskjer å vere med å løyse Nav sitt viktige samfunnsoppdrag!
Nav Giske har eit ledig vikariat i 100% stilling. Vikariatet er ledig omgående og gjeld til 31.10.2027.
Som rettleiar hos oss vil ein viktig del av jobben vere å motivere og hjelpe brukarar til å finne jobbmoglegheiter og aktuelle tiltak for å kome i eller stå i arbeid. Arbeidet inneber også saksbehandling og forvaltningsoppgåver etter ulike lovverk. Stillinga omfattar både kommunale og statlege oppgåver, og alle tilsette deltek i bemanning av publikumsmottaket.
Nav Giske består av 15 engasjerte medarbeidarar og eit godt fagmiljø. Verksemda er utviklingsorientert med høge ambisjonar, og vi legg stor vekt på brukarmedverknad og samhandling. Gjennom innsatsen vår får fleire moglegheit til å vere i arbeid, delta i samfunnet og sikre eiga inntekt. Vi tilbyr tenester til kommunen sine om lag 8 800 innbyggjarar og er ein innovativ og framtidsretta tenesteleverandør. Gjennom brukarmedverknad, samhandling og eit sterkt kompetansemiljø skal vi bidra til å hindre utanforskap, få fleire i arbeid og sikre ein velfungerande arbeidsmarknad.
I tillegg til formell kompetanse blir det lagt vekt på motivasjon, personlege eigenskapar og at ein ellers er skikka for stillinga.
Dokumentasjon på utdanning og praksis skal sendast inn i lag med søknaden.
Arbeidsoppgåver
- Heilskapleg arbeidsretta oppfølging av brukarar
Saksbehandling etter relevant lovverk innafor Nav sine kommunale og statlege ansvarsområde
Oppfølging, rettleiing og motivering av brukarar med fokus på arbeid, meistring og inkludering i arbeidslivet
Gi råd og rettleiing, også innan privatøkonomi
Byggje gode relasjonar og samarbeide med næringsliv og andre aktuelle samarbeidspartnarar
Delta i kontoret sine fellesoppgåver
Nav-kontoret er i stadig endring og utvikling, og ein må rekne med endringar i arbeidsoppgåver ut frå hehov.
Kvalifikasjonar
- Fullført utdanning på minimum bachelornivå, gjerne innan helse- og sosialfag eller samfunnsfag. Særleg relevant arbeidserfaring kan kompensere for utdanningskravet.
Rettleiingskompetanse frå studiar og/eller praksis
Gode norskkunnskapar både munnleg og skriftleg, minimum nivå B2
God digital kompetanse og evne til å raskt setje deg inn i nye fagsystem
God relasjonskompetanse
Det er i tillegg ønskeleg at du har:
Forståing av Nav si rolle i samfunnet
Grunnleggjande økonomisk forståing/privatøkonomi
Erfaring frå tverrfagleg samarbeid
Kjennskap til næringslivet og kunnskap om arbeidsmarknaden i vårt område
Erfaring frå saksbehandling og tolking av lovverk, gjerne frå offentleg forvaltning
Førarkort klasse B
Personlege eigenskapar
- Du er ein relasjonsbyggar som evnar å skape tillit, kontakt og motivasjon hos brukarar i vanskelege livssituasjonar
Du er ein trygg og tydeleg rettleiar som tør å utfordre og evner å gjennomføre
Du arbeider resultatorientert og er oppteken av kvalitet
Du bidreg til eit godt og utviklande arbeidsmiljø
Du arbeider sjølvstendig, målretta og strukturert
Du evner å sjå heilskap og handtere eit breitt spekter av oppgåver
Personlege eigenskapar og erfaring med arbeid i Nav vil bli vektlagt
Vi tilbyr
- Spennande og meiningsfylte arbeidsoppgåver innan eit viktig samfunnsområde
Eit sterkt fagmiljø med engasjerte kollegaer
Fagleg og personleg utvikling
Fleksitidsordning
Løn og tilsetjing på kommunale vilkår
KontaktinformasjonTone Mette Lorgen Johnsen, leiar Nav Giske, +47 95872214
ArbeidsstadValderhaug 4
6050 Valderøya
Nøkkelinformasjon:Arbeidsgivar: Giske kommune
Referansenr.: 5173381565
Stillingsprosent: 100%
Vikar
Startdato: 01.10.2026
Sluttdato: 31.10.2027
Søknadsfrist: 15.09.2026