Assisterande fylkeslege
Har du lyst til å bruke kompetansen din til å forbetre pasienttryggleiken og ivareta rettstryggleiken?
Vi har ledig ei fast 100 % stilling som assisterande fylkeslege. Stillinga er plassert i seksjon for helse, med kontorstad i Molde. Seksjonen er del av verksemdsområdet sosial berekraft og blir leia av fylkeslegen. Du vil inngå i eit tverrfagleg og engasjerande arbeidsmiljø med høg kompetanse og stort samfunnsengasjement. Med denne stillinga har vi tre assisterande fylkeslegar i embetet.
Statsforvaltaren er registrert utdanningsinstitusjon for spesialisering i samfunnsmedisin.
Om stillinga
Som assisterande fylkeslege vil du bidra med medisinskfaglege vurderingar på tvers av seksjonar. Du får jobbe med samfunnsaktuelle saker og utvikle kompetanse innan både samfunnsmedisin og helsejuss. Arbeidet skjer i team og på dagtid, utan vaktordning.
Hovudarbeidsområde
Du vil få varierte oppgåver knytt til Statsforvaltaren sine oppdrag frå Statens helsetilsyn og Helsedirektoratet. Døme på oppgåver:
- Handsaming av klagesaker, meldingar om alvorlege hendingar.
Tilsyn med kommunar, spesialisthelsetenesta og private aktørar.
Rådgjeving til helsepersonell, verksemder og publikum.
Behandling av førarkortsaker, smittevern og miljøretta helsevern.
Kvalitetsutvikling og etablering av faglege nettverk.
Det kan også bli aktuelt med kursaktivitet og undervisning.
Noko reiseverksemd må påreknast, men vi har ein policy som legg til rette for digitale møtepunkt.
Kvalifikasjonar
Vi søkjer deg som har
- norsk autorisasjon som lege
betydeleg klinisk erfaring og god kjennskap til norsk helseteneste
engasjement for pasienttryggleik og kvalitetsforbetring
Du må kunne sikkerheitsklarerast.
Det er ønskjeleg, men ikkje eit krav, at du har erfaring frå offentleg forvaltning.
Personlege eigenskapar
Vi ser etter deg som
- samarbeider godt, evner å dele kompetansen din og kan bygge relasjonar
er analytisk, arbeider effektivt og systematisk innan gitte tidsfristar
er fleksibel og har evne til å omstille deg
har god samfunns- og rolleforståing og har interesse for god offentleg forvaltning
har god munnleg og skriftleg framstilling på norsk
Hos oss får du
- ein utfordrande jobb i eit utviklande og godt fagmiljø
ein stabil arbeidsgivar med fleksibel arbeidstid
naudsynt opplæring i regelverk og datasystem
tilsetting etter gjeldande lover, instruksar og reglement. Dei første seks månadene er prøvetid
løn som 0774 assisterande fylkeslege, med lønsspenn frå kr 975.000,- til kr 1.150.000,-, avhengig av kvalifikasjonar og erfaring. Høgare løn kan vurderast i særskilte tilfelle
medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad (https://spk.no/Medlemskap-i-SPK)
moglegheit for noko heimekontor når det er føremålsteneleg
høve til å trene i arbeidstida
Les meir om godane ved å jobbe i staten på Arbeidsgiverportalen (https://arbeidsgiver.dfo.no/lonn-goder-og-reise)
Vi bruker som hovudregel nynorsk som skriftspråk. Den som vert tilsett må beherske norsk både skriftleg og munnleg. Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde.
Bli betre kjent med Statsforvaltaren i Møre og Romsdal: https://statsforvalteren.no/more-og-romsdal/
Mangfald
Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.
Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).
Praktisk informasjon om søknadsprosessen
Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.
Det er viktig at du registrere all relevant utdanning og arbeidserfaring i kandidatprofilen du opprettar i rekrutteringssystemet (sjølv om du legg ved ein ferdigutfylt CV). Dette er nødvendig for at vi skal kunne vurdere søknadar frå deg og for å ivareta kravet om fullstendig søkjarliste.
Relevante vitnemål og attester lastar du opp. Vitnemål og/eller karakterutskrifter henter du frå vitnemålsportalen om mogleg. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.
Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.
Om oss
Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».
Har du spørsmål om stillinga? Ta gjerne kontakt med rekrutterande leiar Karin Brigitte Müller Mikaelsen på telefon (Norge +47) 41495351.
Søknadsfrist: 13.09.2026