Vi søkjer sekretariatsleiar til utval om utgreiing av arealnøytralitet
Om stillinga
Regjeringa har oppnemnt eit ekspertutval, leia av Øystein Dørum, som skal greie ut eit nasjonalt mål om arealnøytralitet. Formålet med utgreiinga er å gi kunnskap om korleis arealnøytralitet kan operasjonaliserast på nasjonalt nivå for å bidra til å ta betre vare på naturen og redusere klimagassutslepp, samtidig som andre viktige samfunnsformål, som fornybar kraftproduksjon og kraftleidningar, blir tekne vare på. Utgreiinga skal vise dagens utfordringsbilete ved nedbygging av natur, greie ut definisjonar og operasjonalisering av arealnøytralitet, og vurdere verknadene som arealnøytralitet vil ha for andre samfunnsmål. Utvalet skal levere rapporten sin innan 31. desember 2027. Mandat for ekspertutvalet og samansetjinga finn du på Klima- og miljødepartementet sine nettsider.
Vi søkjer no etter leiar til sekretariatet. Eit sekretariat har ei nøkkelrolle i alle offentlege utval. Les meir om rollefordelinga mellom utval og sekretariat i Utvalsarbeid i staten (kap. 4).
Det er ønskjeleg med snarleg tiltreding.
Arbeidsoppgåver/ansvarsområde:
- Ein sentral del av det faglege arbeidet i sekretariatet vil vere å utarbeide diskusjonsgrunnlag, innhente kunnskapsgrunnlag til rapporten og greie ut anna materiale som blir lagt fram på utvalsmøta.
Sekretariatet skal bidra med innhenting av tal, utforming og skriving av fagtekst til utvalsrapporten.
Medlemmene i sekretariatet utgjer fagleg støtte og bistår ekspertutvalet med utgreiing, analyse og fagleg innhald.
Arbeidet inneber ulike praktiske og administrative oppgåver knytte til gjennomføring av møta, arrangement, eventuelle reiser osv.
I tillegg vil du som sekretariatsleiar ha ansvar for den faglege leiinga og:
drifta av sekretariatet, og har saman med utvalsleiaren hovudansvaret for framdrifta i arbeidet. Det er utvalsleiaren som bestemmer korleis arbeidet skal leggjast opp.
at sekretariatet legg til rette for ekstern involvering og utadretta kommunikasjon.
budsjett, og ha ei godkjennarrolle i SAP for reiserekningar, honorar og utlegg for utvalsmedlemmene, og tidsregistrering for sekretariatsmedlemmene.
Vi søkjer deg som har:
- høgare utdanning på minimum mastergradsnivå eller tilsvarande realkompetanse innanfor jus, samfunnsøkonomi eller statsvitskap, med svært gode resultat
minst ti års relevant arbeidserfaring
god innsikt i fagområdet og dei problemstillingane ekspertutvalet arbeider med. Særleg blir innsikt i den nasjonale arealpolitikken og arealforvaltning etter plan- og bygningslova vektlagt.
brei samfunnsforståing og evne til å tenkje heilskapleg
svært god skriftleg og munnleg framstillingsevne på norsk og god fremstillingsevne på engelsk
I tillegg er det ønskjeleg at du har budsjetterfaring.
Erfaring frå departementsarbeid innan arealforvaltning vil vere ein fordel.
Stillingen krever at du må kunne bli autorisert etter sikkerhetsloven på nivå BEGRENSET. Vil du vite mer kan du lese mer på nsm.no.
For å lukkast i rolla må du:
- ha evne til å leie, planleggje, koordinere og drive fram arbeidsprosessar
ha gode analytiske evner, og evne til å arbeide strukturert og systematisk
ha gode samarbeidsevner og god rolleforståing
takle høgt arbeidspress på ein god måte
Personleg eignaheit vil bli vektlagt.
Vi tilbyr:
- fleksible arbeidstidsordningar og betalt overtid
medlemskap i Statens pensjonskasse med gode vilkår for lån, forsikring og pensjon som sikrar deg og dine næraste
Lokala våre ligg sentralt i Oslo med kort veg til kollektivtransport.
Lønn:
Sekretariatsleiar blir innplassert i stillingskode 1114 som utgreiingsleiar i særleg uavhengig stilling. Årslønn: kr 796 600–966 300. For særleg kvalifiserte søkjarar kan noko høgare lønn vurderast. Frå lønna blir det trekt 2 % innskot til Statens pensjonskasse.
Vi er opptekne av:
Vi vil rekruttere den best kvalifiserte kandidaten til stillinga og treng derfor eit breitt rekrutteringsgrunnlag. I Klima- og miljødepartementet har vi eit personalpolitisk mål om å vere ein arbeidsgivar som speglar mangfaldet i samfunnet, og som tek i bruk potensialet i den samla kompetansen i befolkninga. Det betyr at vi ønskjer velkomen søkjarar med ulik arbeids- og livserfaring som av ulike årsaker ikkje kan dokumentere ein samanhengande yrkeskarriere.
Er dette stillinga for deg? Les følgjande:
- Vi ber om at du lastar opp vitnemål/karakterutskrifter (som kan hentast direkte frå Vitnemålsportalen) og relevante attestar.
Utanlandske vitnemål må vere godkjende. Sjå meir på hkdir.no.
Personopplysningane dine vil bli oppbevarte i samsvar med GDPR.
Vi gjer merksam på at opplysningar om søkjaren kan bli offentleggjorde sjølv om søkjaren har bede om å bli unnateken frå søkjarlista. Søkjaren vil bli orientert om dette på førehand.
Kvalifiserte kandidatar med ulik arbeids- og livserfaring blir oppmoda om å søkje.