Vi aukar grunnbemanninga og søkjer fleire sjukepleiarar og helsefagarbeidarar!

Rådgjevar/seniorrådgjevar i Avdeling for digitaliseringspolitikk

Digitaliserings- og forvaltningsdepartementet (DFD)

Om stillinga​ Avdeling for digitaliseringspolitikk har ei ledig fast stilling som rådgjevar/seniorrådgjevar i seksjon for personvern og digitale rettar. Seksjonen arbeider med implementering og forvaltning av EU-regelverk som har stor betydning for den digitale samfunnsutviklinga i Noreg, mellom anna KI-forordninga, forordning om digitale tenester og regulering av elektronisk identitet. Seksjonen har òg ansvar for digital tryggleik, digital inkludering, kommunikasjonsvern og personvern. Du vil bidra til utviklinga av politikk på eit område med høg politisk merksemd. Bruken av teknologi og digitalisering aukar, og påverkar kvardagen til kvar og ein av oss, og samfunnet som heilskap. Det gir store moglegheiter, men krev òg strategisk styring og regulering. Samfunnet er i rask endring, og både i perspektivmeldinga og digitaliseringsstrategien peikar regjeringa på utfordringane og behovet for omstilling. Digitalisering er eit nødvendig verkemiddel for å møte desse krava, samstundes som vi tek vare på rettstryggleik og tillit. Hos oss vil du bli del av eit dynamisk og tverrfagleg arbeidsmiljø som består av juristar, samfunnsvitarar og teknologar. Vi verdset høg fagleg kompetanse og evne til tverrfagleg samarbeid, og har ein kultur prega av openheit, tillit og fagleg utvikling. Arbeidsmiljøet er hektisk, men òg svært givande, med moglegheiter for personleg og profesjonell vekst. Vi legg stor vekt på å byggje relasjonar og samarbeid både internt i departementsfellesskapet og med eksterne aktørar. Arbeidsoppgåver​ Du vil inngå i eit fagleg sterkt og engasjert miljø, og arbeide med sentrale problemstillingar knytte til digitale rettar og regulering. Arbeidet vil spenne frå langsiktig utgreiing og regelverksutvikling til løpande oppfølging av saker med korte fristar. Du vil få ei sentral rolle i å bidra til kunnskapsgrunnlaget for politikkutforming. Du vil mellom anna: • utarbeide regelverk, herunder delta i innlemming og gjennomføring av EØS-relevant regelverk • arbeide med utgreiing og analyse • førebu saker for, og gi faglege råd til, politisk leiing • delta i fagdialog med underliggjande verksemder • behandle førespurnader frå publikum • bidra i seksjonen si øvrige oppgåveløysing innan digitaliseringsfeltet Vi søkjer deg som har​ Du må ha:​ • mastergrad i rettsvitskap/juridisk embetseksamen eller innan samfunnsvitskaplege fag • minimum tre års relevant erfaring for stilling som rådgjevar og fem års relevant erfaring for stilling som seniorrådgjevar • erfaring med regelverksarbeid, utgreiing eller digitaliseringsrelaterte problemstillingar • svært god skriftleg og munnleg framstillingsevne på norsk og engelsk Det er ønskjeleg at du har:​ • kjennskap til EØS-prosessar • kjennskap til regelverk og forvaltning knytt til digitalisering og/eller ID-regulering Personlige eigenskapar​ V​i ser etter deg som: • tar initiativ og driv arbeidet framover • evnar å handtere fleire parallelle prosessar og korte fristar • arbeider strukturert og planmessig • er fleksibel og løysingsorientert • samarbeider godt og bidreg til eit godt arbeidsmiljø • har stor arbeidskapasitet Det vil bli lagde vekt stor vekt på personleg egnethet. Utdannelse og erfaring må dokumenterast med CV, vitnemål og attestar. Vi tilbyr ​ Vi ønskjer deg velkomen inn i eit arbeidsfellesskap med dyktige kollegaer som er stolte av jobben sin. Vi tilbyr:  • kompetanseutvikling i eit sterkt fagmiljø  • fleksibel arbeidstid, betalt overtid og sommar-/vintertid  • moglegheit for trening i arbeidstida • medlemskap i Statens pensjonskasse med gode låne-, forsikrings- og pensjonsordningar • eit aktivt sosialt miljø med mange tilbod til dei tilsette og eige bedriftsidrettslag Løn:​ Stillinga blir lønt som rådgjevar i lønnsspennet 650 000-750 000 kroner per år eller seniorrådgjevar i lønnsspennet 750 000-850 000 kroner per år. Lønsplasseringa er avhengig av erfaring og kvalifikasjonar. Det blir trekt 2 prosent frå løna til innskot til Statens pensjonskasse. Autorisasjon​: Tilsette i Digitaliserings- og forvaltningsdepartementet må kunna autoriserast for tilgang til informasjon BEGRENSET etter sikkerheitslova. Les meir om autorisasjon her. Vi er opptekne av​ Mangfald er ein styrke og bidrar til endå betre oppgåveløysing. Derfor ønskjer vi medarbeidarar med ulike kompetansar, fagkombinasjonar, livserfaring og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å krysse av for dette i jobbsøkarportalen. Dersom det er kvalifiserte søkjarar, kallar vi inn minst éin frå kvar gruppe til intervju. Dersom du får jobben, legg vi til rette for deg dersom du har behov for det. Avkryssingane i jobbsøkarportalen blir ikkje brukt til andre føremål enn anonymisert statistikk som statlege verksemder rapporterer i årsrapportane sine. Informasjon til deg som søkjer ​ • Søknad med CV skal sendast elektronisk via lenkje på denne sida. Fyll ut CV-felta i portalen (sjølv om du legg ved ein ferdig utfylt CV). Dette er nødvendig for mellom anna å oppfylle kravet om fullstendige søkarlister. Vi ber også om at du lastar opp vedlegg (vitnemål, kurs/sertifiseringar og arbeidsattestar). Utdanning frå utlandet må dokumenterast med godkjenning frå NOKUT eller HK-dir. • DFD samarbeider med Semac om bakgrunnssjekk av aktuelle kandidatar. Bakgrunnssjekken blir gjennomført etter samtykke frå deg som søkjar og inneber at vi verifiserer CV og annan søknadsdokumentasjon i samband med tilsetjinga. • Vi gjer merksam på at opplysninga om at du er søkjar, kan bli gjort offentleg sjølv om du har bede om å ikkje bli ført opp på søkjarlista, jf. offentleglova § 25. Du vil bli informert før offentleggjeringa og få høve til å trekkje søknaden. Kontaktperson:​  For nærmare opplysningar om stillinga kan du ta kontakt med avdelingsdirektør, Åste Marie Skullerud på tlf 90967304 eller e-post aste-marie.skullerud@dfd.dep.no.  For nærmare opplysningar om rekrutteringsprosessen kan du ta kontakt med rekrutteringsrådgivar Annabel Tveit på tlf 97959303 eller annabel.tveit@dss.dep.no.

Prosjektleiarar - med arbeidsstad i Sogn og Fjordane eller Møre og Romsdal

Linja AS

Linja byggjer, vedlikeheld og driftar eit straumnett rusta for framtida. Våre dyktige fagfolk løyser utfordringar som gjer regionen meir berekraftig, og gir kraft til nyskaping og utvikling. Som eitt av dei største nettseselskapa i landet, forsyner vi over 100 000 kundar frå Askvoll i sør til Ålesund i nord med straum. Vi er nær 300 tilsette på fleire lokasjonar i Sogn og Fjordane og Møre og Romsdal. Aktiviteten i nettet aukar, og vi har mange spennande prosjekt og eit omfattande investeringsprogram. Derfor ønskjer vi fleire dyktige prosjektleiarar med på laget. Hos oss får du ansvar for å drive prosjekt trygt og effektivt frå planlegging til gjennomføring, i tett samarbeid med fagmiljø og samarbeidspartar. Som prosjektleiar i Linja, vil du:​ • Leie større prosjekt på både distribusjonsnett og regionalnett • Planlegge prosjekt og sikre god gjennomføring frå start til slutt • Samarbeide tett med og leie dedikerte team • Bestilling og oppfølging av prosjektaktivitetar • Ansvar for helse, miljø og sikkerheit i prosjekta Dine kvalifikasjonar:​ • Bachelorgrad eller teknisk fagskule innan elkraft eller fornybar energi • Erfaring med bygging og drift av kraftnett er ein fordel, men ikkje eit krav • Kandidatar i sluttfasen av utdanning blir oppmoda til å søke • Fleksibilitet, initiativ og gode samarbeidsevner er viktige eigenskapar Vi tilbyr deg:​ • Sterkt fagleg fellesskap • Varierte og utviklande oppgåver • Konkurransedyktig løn og vilkår • Gode forsikringar og pensjonsvilkår • Fleksible ordningar for arbeidstid og høve til heimekontor Avdelinga sitt ingeniørmiljø er knytt til våre kontor i Dragsund, Florø, Måløy, Nordfjordeid, Sandane, Stranda, Stryn og Ålesund. Vi legg til rette for at du kan ha oppmøteplass på ein av desse lokasjonane. Samfunnet krev stadig meir av straumnettet. I denne stillinga får du vere med å utvikle og styrke denne kritiske infrastrukturen som er avgjerande for samfunnsutvikling og verdiskaping. Søknadsfrist: 23. august 2026. Vi vurderer søknader fortløpande, og oppmodar interesserte kandidatar til å søke snarast.​ Vil du bli med å utvikle straumnettet for framtida? Vi gler oss til å lese søknaden din! Ta kontakt om du har spørsmål om stillinga. Vi gjennomfører bakgrunnssjekk for mellom anna å verifisere opplysningar i CV og annan dokumentasjon. Bakgrunnssjekken blir utført av Semac etter at kandidaten er orientert om dette og har gitt sitt samtykke.

100 % fast stilling som  miljøkoordinator og miljørettleiar

OPK-OV - Avd. Fellesfag/påbygg/HTHA, Vestland fylkeskommune

Os vidaregåande skule er ein kombinert skule som tilbyr studiespesialisering og yrkesfag. Skulen har om lag 700 elevar og 130 tilsette fordelt på to lokasjonar: Kolgskogheiane og Gymnasvegen. Ved studiespesialiserande tilbyr skulen fordjuping innan idrettsfag, realfag eller språk- og samfunnsfag. Skulen tilbyr fem yrkesfaglege utdanningsprogram: bygg- og anleggsteknikk, elektro- og datateknologi, helse- og oppvekstfag, sal, service og reiseliv, og teknologi- og industrifag. I tillegg har vi landsliner innan anleggsteknikk og yrkessjåfør, påbygg til generell studiekompetanse og særskilt tilrettelagd opplæring. Skulen sitt elevsyn er å møta eleven med respekt, fleksibilitet og ei positiv innstilling. Visjonen vår byggjer på føremålsparagrafen i opplæringslova: Vi arbeider med samfunnets viktigaste verdi og bidreg til ei god framtid gjennom å utvikla sosialt kompetente og fagleg dyktige elevar og lærlingar for vidare liv, utdanning og yrke. Skulen har ledig 100 % fast stilling som miljøkoordinator og miljørettleiar. Den som vert tilsett skal arbeida som ein del av skulen si elevteneste og arbeida med skulen sitt samla skulemiljø og i læringsmiljø i enkeltgrupper. Miljøkoordinator skal: • arbeide med, og planleggje for, førebyggjande, kontaktskapande og sosialpedagogiske aktivitetar for elevane våre • i samarbeid med elevteneste og skuleleiing, vere sentral i vidareføring av skulen sitt arbeid med eit trygt og godt skule- og læringsmiljø Arbeidsoppgåver​ I rolla som miljøkoordinator vert dette arbeidsoppgåvene: 1) Førebyggjande arbeid: • ta initiativ til og fremje tiltak som aukar trivsel og styrkar miljøet ved skulen • ha særleg søkelyset retta mot tiltak som motverkar mobbing, vald, rasisme og rusmiddelbruk • oppfølging av tiltak knytt til særskilte målgrupper som t.d. hybelbuarar, russ m.m.  • samarbeid med kommunale sosialpedagogiske tenester  • haldningsskapande arbeid knytt til sosiale media og nettvett 2) Kontaktskapande arbeid:  • skape best mogeleg kontakt mellom elevane og skulen  • stimulere til aktiv deltaking i skulesamfunnet  • stimulere til elevengasjement i opplæringa  • arrangere/tilretteleggje for sosiale og faglege aktivitetar i og utanfor ordinær skuletid som t.d. leksehjelp, open skule m.m.  3) Sosialpedagogisk arbeid: • hjelpe elevar til å finne seg til rette på skulen • yte hjelp til elevar som har personlege vanskar og sosiale vanskar • oppfølging i mobbesaker • mekling mellom elevar i konflikt • støtte lærarar i elevsaker og bidra i arbeidet med utvikling av klassemiljø Miljøkoordinator vil løyse desse oppgåvene saman med elevtenesta og samarbeide med ein annan miljøkoordinator ved skulen.   I rolla som miljørettleiar vert dette arbeidsoppgåvene: • Støtta faglærar i undervisinga av elevar med trong for særskilte pedagogiske, sosiale og helsemessige tilpassingar • Delta i planlegging og oppfølging av elevar i lag med lærar som har ansvar for undervisninga • Delta i opplæringsaktivitetar i klasserom, gymsal, på kjøkken, i verkstader og utandørs eller på andre arenaer • Samarbeida med andre fagarbeidarar og lærarar om å planleggja og gjennomføra undervising i tråd med individuelle opplæringsplanar. Anna elevretta arbeid i tråd med utdanning og kompetanse kan verta aktuelt på andre avdelingar ved skulen i framtida. Kvalifikasjonar​ Vi søkjer etter deg som har 3-årig U/H-utdanning (min. 180 studiepoeng), med vekt på sosialpedagogiske fag som t.d. sosionom, vernepleiar, sjukepleiar og pedagogikk.  Den som får stillinga skal: • ha gode skriftlege og munnlege norskkunnskapar. • vera personleg eigna til arbeid med ungdomar. • ha god munnleg og skriftleg framstillingsevne på norsk.  Personlege eigenskapar​ Personlege eigenskapar blir vektlagt. Vi ser etter deg som kommuniserer godt med elevar med særskilte behov og læringsutfordringar, og som kan samarbeide i team med føresette og kollegaer. Sterke relasjons- og samarbeidsevner vil bli vektlagt. Vi ønsker at du er:  • trygg, tydeleg og inkluderande  • er kreativ og initiativrik • deltar på fysiske aktivitetar i lag med elevane • meistrar å jobbe i ein hektisk kvardag med varierte arbeidsoppgåver  Vi tilbyr​ • eit miljø som er oppteke av utvikling for ungdom • eit engasjert kollegafellesskap med godt samarbeid opp mot lokalt næringsliv  • løn- og arbeidsvilkår i samsvar med lov- og avtaleverk  • gode offentlege pensjons- og forsikringsvilkår    Stillinga følgjer eit ordinært arbeidsår pga. behov for tiltak etter skuletid og i feriar.  Kontaktinformasjon​Lars Arne Nilssen, avdelingsleiar, 93897988 Arbeidsstad​Kolskogheiane 14 5210 Os Nøkkelinformasjon:​Arbeidsgivar: Vestland fylkeskommune Referansenr.: 5150825874 Stillingsprosent: 100% Fast Søknadsfrist: 26.07.2026