Rådgivar - sakshandsaming, val og utvikling

Sakshandsamar i Tolletaten

Tolletaten

Vil du være med å bygge opp og forme ein nyoppretta seksjon? ​   Tolletaten har ei viktig rolle som samfunnsbeskyttar. Samfunnsoppdraget vårt er å sikre at lover og reglar for grensekryssande vareførsel blir etterlevde. Med brei og målretta verkemiddelbruk arbeider vi for auka etterleving før, under og etter grensepassering. No har du høve til å bli ein del av seksjon for saksbehandling i Tolletaten som sakshandsamar. Du får arbeide med eit breitt spekter av fagleg spennande oppgåver i ein seksjon med nasjonalt fagansvar og eit viktig samfunnsoppdrag. Seksjon for saksbehandling har eit nasjonalt ansvar for eit viktige saksfelt som omfattar løyve, autorisasjonar, godkjenningar, sanksjonar og innsynssaker. Seksjonen er under oppbygging og vil på sikt bestå av mellom 20 og 25 tilsette. Vi søkjer både rådgivarar og seniorrådgivarar med ulik fagleg bakgrunn.    Sentrale arbeidsoppgåver: ​ • sakshandsaming av søknader etter vareførselsregelverket (til dømes søknad om bistand til å beskytte immaterielle rettar, søknad om autorisasjonar som gir forenklingar for næringa, innsynskrav etter offentleglova mm.)  • behandling av kontrollrapporter og ilegging av sanksjonar for brot på vareførselsregelverket • klagesakshandsaming innan eige fagområde • bidra i effektiviserings- og utviklingsarbeid, og delta i arbeidet med regelverksutvikling innan fagområdet • opplæring innan seksjonen sine fagområde for tilsette i Tolletatens og for næringslivet •   samarbeid med andre einingar i etaten og med eksterne samarbeidsaktørar Du må rekne med variasjon i arbeidsoppgåver ut frå seksjonen sine prioriteringar og satsingar. Kvalifikasjonar:​ • Relevant bachelor for stilling som rådgivar. • Relevant mastergrad for stilling som seniorrådgivar (aktuelle fag for begge stillingar kan vere rettsvitskap, toll, logistikk og administrasjon mm.) I særlege tilfelle kan bestått bachelor erstatte krav om master. • Tollfaglig utdanning fra Tolletatens kompetansesenter og god realkompetanse kan erstatte kravet om bachelor- eller mastergrad. • Relevant arbeidserfaring, for stilling som seniorrådgivar er det krav om særleg relevant arbeidserfaring. • Gode fagkunnskapar og godt fagleg skjønn. • God digital kompetanse. • Svært god munnleg og skriftleg framstillingsevne på norsk. • God munnleg og skriftleg framstillingsevne på engelsk. Det er ønskjeleg med erfaring frå: ​ • digital sakshandsaming og bruk av relevante system og verktøy  • planlegging og gjennomføring av kurs og presentasjonar, både digitalt og fysisk • utviklings-, forbetrings- og prosessarbeid Vi søkjer deg som: ​ • trivst med ansvar for eigne saker og oppfølging av desse • er strukturert og leverer arbeid av høg kvalitet innanfor fastsette fristar • tek initiativ til forbetring og utvikling • har gode samarbeidsevner, lyttar til andre og bidreg til godt samarbeid • er ein positiv bidragsytar til arbeidsmiljøet   Er du på jakt etter nye utfordringar og synest dette verkar som eit interessant arbeid, er du velkomen til å søkje på stillingane. Vi ønskjer søkjarar med både kortare og lengre relevant erfaring.   Vi tilbyr:​ •    eit tverrfagleg arbeidsmiljø, med eit viktig felles samfunnsoppdrag •    moglegheit til å delta i arbeidsgrupper og prosjekt •    løn ut frå kvalifikasjonar og erfaring, i stillingskode som rådgivar 500 000 – 650 000 og seniorrådgivar 650 – 800 000. For særskilt kvalifiserte søkjarar til stilling som seniorrådgivar kan noko høgare lønn vurderast •    eit moderne kontorlokale sentralt på Danmarksplass, med sykkelparkering, treningsrom og ein veldriven kantine •    fleksibel arbeidstid, og moglegheit for BIA (rørsle i arbeidstida). I tillegg får du medlemskap i Statens pensjonskasse, som har gode forsikrings- og pensjonsordningar, og dessutan gode vilkår på bustadlån •    moglegheit for noko lågare stillingsprosent for kandidatar som av helsemessige årsaker har behov for det   Kandidatar som får tilbod om stilling, må rekne med å bli omfatta av SEMAC-bakgrunnssjekk. Du må kunne levere uttømmande politiattest ved tilbod om tilsetjing.  For meir informasjon om stillinga kan du kontakte avdelingsdirektør June Nesse på 477 97 831. Om du har spørsmål knytt til rekrutteringa kan HR kontaktast på PB_VD-HR@tollno  Søknadsfrist 23. august 2026     Til deg som søkjer jobb i Tolletaten​ Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar.   Mangfald gjer oss betre! For å løyse samfunnsoppdraget vårt treng vi medarbeidarar med ulike erfaringar og perspektiv. Difor oppmodar vi alle kvalifiserte kandidatar til å søkje – særleg deg med funksjonsnedsetjing, innvandrarbakgrunn eller hol i CV-en. Ved å krysse av for dette i søknaden kan du ha rett på positiv særbehandling. Les meir om dette på arbeidsgivarportalen.   Ver merksam på at namnet ditt kan bli offentleggjort på ei offentleg søkjeliste, i tråd med gjeldande regelverk. Vi nyttar Semac bakgrunnssjekk i samband med våre tilsetjingar.

Rådgivar/seniorrådgivar innan informasjonssikkerheit

Høgskulen på Vestlandet

Høgskulen på Vestlandet, Avdeling for informasjonsteknologi og -tenester har ledig fast stilling i 100 % som rådgivar/seniorrådgivar innan informasjonssikkerheit​ Informasjonsforvaltning og -sikkerheit (ITFS) gir fagleg støtte til heile HVL innan informasjonsforvaltning, arkiv og informasjonssikkerheit. Vi arbeider med rettleiing, metodikk og langsiktig utvikling i tråd med gjeldande lovverk og nasjonale krav. Dette er ei rolle for deg som trivst i møte med interne brukarar, og som gir tydeleg råd og rettleiing om dokumentasjonskrav etter ISO 27001:2022. Arbeidsstaden er ein av høgskulens fem campusar: Bergen, Førde, Sogndal, Stord eller Haugesund. Ansvars- og arbeidsoppgåver:​ • Handtere og følgje opp sikkerheitshendingar og beredskapsprosessar i samarbeid med CISO • Forvalte og vidareutvikle LIS (leiingssystem for informasjonssikkerheit), inkludert styrande dokumentasjon, tiltak og policyar i tråd med ISO 27001:2022 • Oppdatere rutinar og sikkerheitspolicyar i tråd med nye krav og behov • Bidra i det praktiske sikkerheitsarbeidet – frå risikovurderingar til handtering av hendingar • Vere ein pådrivar for ein sterk sikkerheitskultur i HVL • Rettleie tilsette i risikovurderingar og praktisk sikkerheitsarbeid • Bidra til at sikkerheit vert opplevd som ein verdidrivar – ikkje ei hindring Kvalifikasjonskrav:​ Formell utdanning og kompetanse: • Relevant høgare utdanning, fortrinnsvis mastergrad, minimum bachelorgrad, innan informasjonssikkerheit, informasjonsvitskap, informatikk eller tilsvarande IT-relaterte fagområde. • Erfaring med IT-sikkerheit, gjerne frå utvikling eller arkitektur • Erfaring med ISO 27001 (sertifisering er ein fordel) • Evne til å omsetje krav til praktiske løysingar • Fagleg nysgjerrig og oppdatert på eit felt i rask utvikling • Gode norskkunnskapar, både skriftleg og munnleg (minimum B2) • Erfaring frå offentleg forvaltning er ein fordel • Nyutdanna vert òg oppmoda til å søkje Personlege eigenskapar: • Du identifiserer deg med verdiane våre: inkludere, utfordre og samhandle • Har gode samarbeids- og kommunikasjonsevner • Arbeider strukturert, sjølvstendig og leverer med høg kvalitet • Er analytisk, utviklingsorientert og løysingsorientert • Har god gjennomføringsevne og handterer fleire oppgåver samstundes • Må kunne autoriserast for begrensa, i samsvar med sikkerheitslova Vi tilbyr:​ • Gode pensjons-, forsikrings-, og låneordningar i Statens pensjonskasse • Spennande fagmiljø med moglegheit for kompetanseheving - og utvikling • Høve for trening i arbeidstida. Stillinga er løna etter Statens lønsregulativ, i stillingskode 1434 - rådgivar. For spesielt godt kvalifiserte søkjarar kan stillingskode 1364 - seniorrådgivar vurderast. Frå løna vil det bli trekt 2 % innskot til Statens pensjonskasse. Korleis søke på stillinga?​ Send søknad og CV ved å klikke på knappen merka ”Søk stilling” på denne sida. Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje. Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning.  HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.  Søknadar kan ikkje sendast på e-post til enkeltpersonar ved høgskulen. Generell informasjon:​ Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje. Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV. Arbeids- og opphaldsløyve i Norge er ein føresetnad for å tiltre stillinga.  Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane. Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering. Inkludere, utfordre og samhandle​ Les meir på våre heimesider.

Rådgivar Kyrkjefag

Den norske kyrkja, Møre bispedøme

Møre bispedømmekontor er plassert i Molde og er i ferd med å flytte til Moldetrappa 2 i Romsdalskvartalet. Bispedømmekontoret har om lag 9 årsverk og er organisert i to avdelingar «Kyrkjefag og samfunn» og «HR og organisasjonsutvikling». Rådgjevarane i kyrkjefag  og samfunn er er ein del av biskopen og bispedømerådets administrasjon, og skal vere støtte for biskopen i hennar arbeid med tilsynet med vigsla medarbeidarar og kyrkjelydane, vere med å verkeleggjere bispedømets startegi og støtte prostar og dei lokale kyrkjelydane. I Møre bispedømme er det 95 sokn og 25 Kyrkjelege fellesråd. Fram mot 2030 har Møre unge og unge vaksne, kyrkja som samfunnsaktør og organisasjonsutvikling som satsninsområder. Møre bispedøme har ledig eit årsvikariat i avdeling for kyrkjefag og samfunn. Vi søkjer etter ein rådgjevar som kan gå inn i arbeidet i avdelinga, med hovudfokus på arbeidsfelta kyrkjeleg undervisning, diakoni, unge og unge vaksne og ungdomsdemokrati. Det vil og vere aktuelt med arbeidsoppgåver innan kommunikasjon. Kyrkjefagavdelinga arbeider tett saman, og det vil vere naturleg å tilpasse arbeidsoppgåvene til den kompetansen og erfaring som den som blir tilsett har. Det kan og vere aktuelt å gå inn i andre fagfelt innan kyrkjefag og samfunn. Ein søkjer etter ein person med høgare utdanning innan teologi, diakoni eller kyrkjeleg undervisning. Erfaring frå Den norske kyrkja, enten som tilsett eller frivillig er ønskeleg. Stillingsstørrelse er 50-100%. Varighet er 1 års vikariat, med moglegheit for forlenging. Kontorstad er Molde. Virkar dette spennande? Ta gjerne kontakt med avdelingsleiar Maria Vassli Gjære eller stiftsdirektør Bjørn Olaf Storhaug for ein prat om stillinga.  Arbeidsoppgåver​ • Bidra med rådgjeving, saksførebuande arbeid og kompetanseutvikling innan diakoni og kyrkjeleg undervisning og læring • Arbeide med oppbygging av ungdomsdemokratiet i Møre bispedøme • Vere med og utvikle satsing på unge og unge vaksne i Møre • Saman om misjon og menighet (SMM) • Kommunikasjonsarbeid • Kyrkjeval • Høringsarbeid • Oppgåvene vil til en viss grad bli tilpasset erfaring og kompetanse til den rette kandidaten Kvalifikasjonar​ Høgare utdanning, fortrinnsvis innan teologi, kyrkjeleg undervisning og læring eller diakoni Kjennskap til Den norske kyrkja som organisasjon Fordel med erfaring frå frivillig arbeid Personlege eigenskapar​ • God formuleringsevne skriftleg og munnleg • Gode samarbeidseigenskapar • Proaktiv og løsningsretta • Evne til å ta initativ og arbeide sjølvstendeg • Personlege eigenskapar vil bli særleg vektlagt Vi tilbyr​ • Løn etter hovudtariffavtalen i Den norske kyrkja, kode 1434 Rådgivar • Innskot i KLP. • Godtgjersler og tilskot etter dei vilkår som til kvar tid er fastsette. • Vi legg vekt på å tilby gode vilkår for kompetanseutvikling • Flexitid • Godt arbeidsmiljø i eit fagleg sterkt kollegium ANNA: Du må opplyse om du kan meistre begge målformer. Møre bispedøme har nynorsk som administrasjonsspråk.  Møre bispedøme skal vere ein arbeidsplass med rom og respekt for mangfald, uavhengig av etnisitet, alder, kjønnsidentitet, funksjonsevne eller legning. Vi oppfordrar derfor alle kvalifiserte kandidatar til å søke. Den som får tilbod om stillinga må legge fram barneombodsattest (politiattest), jfr Lov om tros- og livssynssamfunn § 20. Må vere medlem i Den norske kyrkja. Du er velkomen til å sende din søknad med CV, vitnemål og referansar via vårt elektroniske system, Webcruiter. Dersom du ikkje ynskjer namnet ditt på den offentlege søkjarlista, må dette grunngjevast i søknaden. Grunnane vil bli vurdert individuelt. Dersom bispedømeadministrasjonen ikkje finn dei tilstrekkelege, vert søkjaren kontakta før søkjarlista vert offentleggjort. Kontaktinformasjon​Maria Vassli Gjære, Avdelingsleiar Kirkefag, 91523568, MG285@kirken.no Bjørn Olaf Storhaug, Stiftsdirektør, 92810040, BS665@KIRKEN.NO Arbeidssted​Moldetrappa 1 6415 Molde Nøkkelinformasjon:​Arbeidsgiver: Den norske kirke Referansenr.: 5146721703 Stillingsprosent: 80% Vikariat Søknadsfrist: 10.08.2026