Osterøy kommune

Om stillinga​ Osterøy kommune søkjer etter driftsoperatør til fast stilling på VA- avdelinga.  Vår avdeling for vatn og avlaup består i dag av 5 personar, 1 fagleiar og 4 driftoperatørar. Oppgåvene våre er blant dei viktigaste tenestane ein kommune i dag leverer til sine innbyggjarar, nemleg trygt drikkevatn. Til dette har me 4 vassbehandlingsanlegg som skal driftast og vedlikehaldast, samt 3 avlaupsreinseanlegg og fleire kilometer med vassleidning og avlaupsleidning. Som ny medarbeidar vil du få naudsynt opplæring i prosessar og tilhøyrande tekniske installasjonar for å kunne delta i den daglege drifta og i obligatorisk vakt og bakvakt ordning. Arbeidsoppgåver​ • Drifte og styre prosesser samt utstyr ved reinseanlegg og vassverk • Overvaking av drift, akkreditert prøvetaking, rapportering, lekkasjesøk mm. • Vedlikehald og reparasjonar av teknisk utstyr. • Drift, ettersyn og vedlikehald av pumpestasjonar, leidningsnett, vassverk og reinseanlegg mm. • Utføre rapportering og internkontroll i FDV • Delta i vaktordning for vatn og avlaup • Andre oppgåver innanfor avdelinga kan tilkomma Vi tilbyr​ • Løn etter tariff • Godtgjersle for vaktordning • Gode pensjons og forsikringsordningar • Nye og flotte lokalar, med kontor, lunchrom, lager, garderobar og treningsrom • Positivt arbeidsmiljø med gode kollegaer, med lang erfaring • Moglegheit for kurs og faglig oppdatering. Kvalifikasjonskrav​ • Krav om fagbrev som rørleggar • Erfaring fra drift av kommunale VA anlegg er å føretrekkja • Ønskjeleg med driftsoperatørkurs VA • Førarkort kl. B er eit krav • Gode datakunnskapar  • Gode norsk kunnskapar Kven er du?​ • Lærevillig, og evner å tenke nytt og framtidsretta • Du er positiv, kan jobba sjølvstendig og i team • Du er løysingsorientert, og håndterer komplekse problemstillingar Offentleg tenestepensjon​  I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide - og livet ut! ​ Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar!  Sjå vår Pensjonsguide for meir informasjon om kva for godar du som tilsett i Osterøy kommune får med deg!

Om stillinga​ Osterøytunet er kommunen sin sjukeheim og ligg på Hauge. Sjukeheimen har 65  plassar fordelt på tre avdelingar, med tre-fire grupper i kvar avdeling. Kvar gruppe har 9-11 pasientar. Me har eige kjøkken og eigen lege.  Me søkjer assistentar og helsefagarbeidarar til helgestillingar på avdeling for pasientar med demenssjukdom.  Det er fleire ledige helgestillingar i stillingsstorleiken 16,67% og 17,14%, med arbeid kvar tredje helg, og 14,49%, med arbeid kvar fjerde helg.  I tillegg har vi et vikariat  på 21,6%, med arbeid kvar tredje helg ut 2026, med mulighet for forlenging. Før gjerne opp i søknadsteksten kva for stilling du er interessert i. På Osterøytunet nyttar vi moderne velferdsteknologiske løysingar, mellom anna nytt digitalt alarmsystem med mobile responsløysingar og RoomMate Me har fokus på utvikling, kompetansedeling og eit godt arbeidsmiljø der medarbeidarane får bidra med erfaringar og vere del av utviklinga av tenestene. Kven søkjer vi etter?​ Me søkjer etter deg som trives i lag med eldre! Du som er engasjert, jobbar sjølvstendig og samtidig har gode samarbeidsevne. Du må like å ha ansvar, men bør også like å spele kollegaene dine gode. Du bør evne å opprette god relasjon til både pasientar og dine kollegaer. Om du har eit godt humør og ei positiv innstilling er du langt på veg!  Høyres dette ut som deg - eller kanskje nokon du kjenner? Ikkje nøl med å ta kontakt med oss!  Vi tilbyr deg​ • Ei spanande og gjevande stilling • God opplæring • Du får samarbeide med fagleg dyktige og engasjerte kollegaer • Eit godt arbeidsmiljø med god blanding av fagleg kunnskap, humor og hjertevarme • Moglegheit for fagleg utvikling • Moglegheit til å påverke eigen arbeidplan i planlegginga av årsturnus (kvar haust) • Gode pensjons- og forsikringsvilkår Arbeidsoppgåver​ • Heilskapeleg omsorg og pleie • Bistand og rettleiing ut frå pasienten sine behov • Målretta miljøarbeid Kvalifikasjonar​ • Fagbrev som helsefagarbeidar er ønskeleg, men andre kan også søke • Søkarar utanfor Skandinavia må dokumentere skriftlege og munnlege norskkunnskapar gjennom bestått B2-test i norsk • Erfaring frå liknande arbeid er ein fordel • Personlege eigenskapar vil bli vektlagde • Grunnleggande IT-kunnskapar for bruk av digitale plattformer og journalsystem Andre opplysningar / Ansettelsesvilkår: ​ • Krav om politiattest som ikkje er eldre enn 3md. om du får tilbod om stilling. • Tilsetting skjer med 6 månaders prøvetid i samsvar med gjeldande regelverk i kommunen

Om stillinga​ Osterøy kommune har ein kommunal ungdomsskule som ligg på Hatland, like ved kommunesenteret i Lonevåg.   Osterøy ungdomsskule har kontinuerleg behov for trygge og stabile vaksne for å sikre at elevane får ein trygg, god og kjekk skulekvardag. Ved å søkje på denne stillinga søkjer du som tilkallingsvikar ved Osterøy ungdomsskule for skuleåret 2026/27 Ønskjer du å søkje som tilkallingsvikar ved barneskulane våre, er det ei eiga utlysing for dette. Arbeidet kan bestå av både undervisning og arbeid som pedagogisk medarbeidar i skule. Har du særleg kompetanse eller erfaring frå arbeid i skule ønskjer vi gjerne at du gjer greie for dette i søknaden din.  Vi vil fortløpande ta kontakt med aktuelle kandidatar etter kvart som behovet for vikar oppstår. Om du ikkje lenger ønskjer å stå på lista som tilkallingsvikar ber vi om at du trekkjer søknaden din eller gjer oss melding om at du ikkje lenger er tilgjengeleg.  Velkomen som jobbsøkjar i Osterøyskulen! Me gler oss til å bli kjent med deg! ​ Ønskja kompetanse hjå deg som vikar​ Erfaring frå arbeid med barn og unge, særleg i skule, er ønskjeleg men dette er likevel ikkje eit krav.  Vi ønskjer både søkjarar som har utdanning som lærar, barne- og ungdomsarbeidar, helsefagarbeidar eller tilsvarande. Har du ikkje den formelle kompetansen, men gjerne erfaring frå arbeid med barn og unge, ønskjer vi også å kome i kontakt med deg. Vi ønskjer vidare å kome i kontakt med deg som har andre relevante utdanningar og vi tar og gjerne i mot deg som er høgskulestudent i pedagogisk retta fag.  Personlege eigenskaper vi ser etter​ Vi søkjer etter deg som har eit ønskje om å arbeide med barn og unge og som trivast i rolla. Om du kan arbeide sjølvstendig, ta ansvar men og arbeide godt i team og er god på samarbeid, er dette eigenskapar som vil gå godt overens med arbeidet.  Arbeid i skule krev både tolmod men likefullt engasjement, kreativitet og positivitet! Vi er både ute og inne og ser etter deg som tar ei utfordring på strak arm og som bidrar der det trengs! Er du fleksibel på arbeidstider og kan kome på kort varsel er dette eit stort fortrinn.  Vi tilbyr deg​ • Gode arbeidsmiljø og kjekke kollegaer  • Ein utviklingsorientert organisasjon  • Uavhengig av kva for skule du arbeidar på, har skulen fokus på elevsyn som er tufta på fagfornyinga sin overordna del  • Skulane har fokus på profesjonelle læringsmiljø og framtidskompetanse  • Det er gode pensjonsvilkår i SPK (undervisningsstilling) og KLP(fagarbeidar/pedagogisk medarbeidar/assistent).  • Det er gode forsikringsvilkår som tilsett i Osterøy kommune! Desse er for tida plasserte hjå KLP  • Løn etter gjeldande avtaleverk. Vi har eigne ordningar for deg som er lærarstudent!   Video: https://youtu.be/5TIhcmaLglYAnna informasjon​ Alle søknadar skal registrerast gjennom JobbNorge.  Dersom du får tilbod om stilling i Osterøyskulen må du leggje fram gyldig politiattest som er heimla i Opplæringslova § 17-11. Attesten kan ikkje vere eldre enn tre månadar på tiltredingstidspunktet.  Eventuelle vitnemål og attestar frå tidlegare arbeidserfaringar må leverast til postmottaket ved tilbod om stilling, dersom du ikkje har lasta opp dette som vedlegg i søknaden din, slik at det vil bli gjort ei individuell vurdering av rett lønsnivå for deg med di erfaringsbakgrunn og utdanningsnivå!  Du er velkomen til å ta kontakt med ein av kontaktpersonane våre for ein kjekk prat. Kontaktinformasjon finn du nederst på denne sida.