Vikariat rettleiar

Vil du vere med og gjere ein forskjell?

Er du opptatt av å sjå moglegheiter framfor avgrensingar, og ønskjer å hjelpe menneske vidare mot arbeid og aktivitet? Då kan dette vere stillinga for deg.

Nav Nordfjord søkjer ein engasjert rettleiar i avdeling Arbeid og helse i 100 % mellombels stilling frå 01.01.2027 og fram til 31.08.2027. Oppmøtestad er Sandane.

Dette er ei spennande og variert stilling med to hovudområde:

50 % oppfølging av ungdom under 30 år som del av ungdomsgarantien, uavhengig av kva yting dei mottek.

50 % oppfølging av personar over 30 år med helseutfordringar, særleg innan sjukefråværsoppfølging og arbeidsavklaringspengar (AAP).

Kva går jobben ut på?

• følgje opp og rettleie personar mot arbeid, utdanning eller annan aktivitet
• kartleggje ressursar, arbeidsevne, interesser og moglegheiter saman med den enkelte
• motivere og støtte brukarar i endrings- og utviklingsprosessar
• samarbeide med arbeidsgjevarar, helsevesen, utdanningsinstitusjonar og andre relevante samarbeidspartnarar
• bidra til gode og heilskaplege løysingar som styrkjer moglegheitene for arbeid og aktivitet
• forvalte aktuelle ytingar og verkemiddel i tråd med gjeldande regelverk
• følgje opp ungdom omfatta av ungdomsgarantien

Du må ha

• fullført utdanning på bachelornivå. Relevant utdanning og/eller arbeidserfaring kan kompensere for utdanningskravet.
• god munnleg og skriftleg framstillingsevne på norsk
• gode digitale ferdigheiter og interesse for ny teknologi

Det er ein fordel om du har

• erfaring frå rettleiing og oppfølging av menneske i krevjande livssituasjonar
• kjennskap til Nav sitt samfunnsoppdrag og verkemiddelapparat
• kjennskap til arbeidsmarknaden og næringslivet i regionen
• erfaring frå samarbeid med arbeidsgjevarar og andre samarbeidspartnarar
• førarkort klasse B

Kven er du?

• trur på at alle menneske har ressursar og moglegheiter til å delta i arbeid eller aktivitet
• møter menneske i ulike livssituasjonar med respekt, engasjement og profesjonalitet
• er god til å skape relasjonar, motivere andre og byggje tillit
• arbeider strukturert og målretta, også når du har fleire oppgåver samtidig
• samarbeider godt med kollegaer og samarbeidspartnarar

Kvifor velje oss?

• ein meiningsfull jobb der du bidreg til at fleire kjem i arbeid og aktivitet
• varierte arbeidsoppgåver innan både ungdomsoppfølging og arbeid-/helsefeltet
• eit godt og inkluderande arbeidsmiljø med høg fagleg kompetanse
• gode moglegheiter for fagleg utvikling
• fleksibel arbeidstid, moglegheit for heimekontor og trening i arbeidstida
• lønn som rådgivar (kode 1434) frå kr 639 000 til 650 000 per år. For særleg kvalifiserte søkarar kan noko høgare lønn vurderast.
• god pensjonsordning, låneordning og forsikringar gjennom Statens pensjonskasse