Alsaker Fjordbruk

Er du vår senterleiar som skal ta havbrukssenteret inn i framtida?​ Lysefjorden Havbrukssenter​er Alsaker-konsernet sitt nye formidlingssenter for havbruk. Senteret opnar våren 2027. Me treng ein leiar, som ynskjer å ta ansvar for å bygge opp og drive vårt framtidsretta formidlingssenter. Ein operativ leiar som får fram det beste i folk sine tankar om det å byggje og utvikle ei av Noreg sine mest attraktive næringar. Me er godt i gong med å utvikle senteret sitt innhald og profil. No ynskjer me å få deg med på laget. Er du vår; Senterleiar,​som skal ta havbrukssenteret inn i framtida? Lysefjorden Havbrukssenter vert eitt av to formidlingssenter, som vert utvikla og drifta av Alsaker-konsernet. I dag driv me Røvær Havbrukssenter, som opna i 2018. Havbrukssentra er retta inn mot turistbesøk og elev-/studentgrupper. Dei viktigaste arbeidsoppgåvene vert å:​ • Formidle kunnskap om havbruk til turistar, elevar, studentar og samarbeidspartnarar • Byggje relasjonar mot ulike kundegrupper og marknadsføre senteret • Vera vårt ansikt utad lokalt/regionalt • Planleggje og gjennomføre visningsturar og arrangement • Ansvar for senteret si heilskaplege utvikling og drift Kven kan du vera:​ • Du er engasjert og har gode formidlingsevner • Du er praktisk og pedagogisk anlagt • Du er ryddig og vant til å jobbe med fleire ting samstundes • Du jobbar godt saman med andre og har leiareigenskapar • Du er sjølvgåande og fleksibel • Du er båtvand Det er ein fordel om du har kjennskap til havbruksnæringa. Arbeidsstad er Lysefjordsenteret på Oanes i Strand kommune. Løn og oppstart etter avtale. Lysefjorden Havbrukssenter er eit heilt nytt opplevingssenter som skal gje den besøkande innsikt i, og kunnskap om moderne havbruk. Havbrukssenteret er plassert ved inngongen til Lysefjorden, i Strand kommune, og vil mellom anna innehalde aktive, moderne og kunnskapsbaserte utstillingar, serveringsverksemd, ulike arrangement og visningsturar til våre sjølokalitetar. Lysefjorden Havbrukssenter er eigd av Alsaker-konsernet med hovudsete på Onarheim i Tysnes kommune. Konsernet er eit heilintegrert havbruksselskap, og av dei mest anerkjende havbrukskonserna internasjonalt. Elektronisk søknad skal benyttes via "søk på stilling"​ knappen på siden.

Driftsleiar matfisk​ Alsaker Fjordbruk er eit lokalt forankra havbrukskonsern med hovudkontor på Onarheim i Tysnes kommune. Me tek hand om laksen frå rogn til ferdig pakka produkt, og har aktivitet i 14 kommunar mellom Stavanger og Bergen. Me er det største privateigde oppdrettskonsernet i Sør-Norge, med 36 matfiskkonsesjonar, 5 settefiskanlegg, stamfiskanlegg, rensefiskanlegg, slakteri, brønnbåt og ein stor flåte av servicebåtar. Alsaker er ein del av Meidell konsern, som forutan havbruk omfattar marineservice-verksemda Tronds Marine Service, drift av eigne næringseigedomar samt bygde- og eigedomsutvikling. Me har over 4 milliardar i omsetnad og er om lag 500 tilsette i Hordaland og Rogaland. Les om oss på www.alsaker.no Vil du vere med å utvikle framtidas havbruk?​ For å styrkje driftsleiinga i Rogaland søkjer Alsaker Fjordbruk ein engasjert og operativ driftsleiar for sjølokalitetar. Som driftsleiar får du ei sentral rolle i den daglege leiinga av våre lokalitetar i Sør-Rogaland. Du vil ha ansvar for personaloppfølging, koordinering av drift og vidare utvikling av området i tett samarbeid med driftssjef. Arbeidskvardagen vil vere variert og operativ, gjennom jamleg nærvær på lokalitetane. Det må reknast med noko reising mellom anlegga og deltaking på møte ved hovudkontoret på Onarheim. Ansvarsområdet omfattar Ryfish AS sine Globe-anlegg i Lysefjorden. Anlegga er ein del av konsernet si satsing på lukka oppdrettsteknologi og fungerer samtidig som visningsanlegg for kundar og samarbeidspartnarar. Stillinga omfattar også lokalitetane Ådnøy i Høgsfjorden ved Høle og Rossholmen på Mosterøy, tilhøyrande Nordsjø Fjordbruk AS. Arbeidsoppgåver​ • Oppfølging og koordinering av den daglege drifta ved Ryfish AS, samt lokalitetane Ådnøy og Rossholmen • Personalansvar og oppfølging av om lag 10 medarbeidarar • Planlegging og koordinering av arbeidsoperasjonar • Oppfølging av fiskevelferd, biosikkerheit, kvalitet og HMS • Oppfølging av drift, vedlikehald og produksjon • Samarbeid med driftssjef, fiskehelseteneste og støttefunksjonar • Bidra til vidare utvikling av teknologi, arbeidsmetodar og driftsrutinar • Bidra til gode opplevingar for besøkande ved våre visningsanlegg Me ser etter deg som:​ • Har erfaring frå havbruk og god forståing for drift, fiskevelferd og biosikkerheit • Er ein tydeleg leiar som motiverer, utviklar og følgjer opp medarbeidarar • Tenkjer heilskapleg, tek eigarskap og får ting gjennomført • Er løysingsorientert, strukturert og trivst i ein variert arbeidskvardag • Kommuniserer godt og samarbeider godt med både kollegaer og eksterne samarbeidspartnarar Relevant utdanning innan havbruk, akvakultur eller tilsvarande er ein fordel. Me legg likevel størst vekt på relevant erfaring, leiareigenskapar og personlege eigenskapar. Me kan tilby​ • Ei spennande leiarstilling med ansvar for fleire lokalitetar • Moglegheit til å arbeide med framtidsretta teknologi innan havbruk • Varierte arbeidsdagar og dyktige kollegaer • Eit sterkt fagmiljø og gode utviklingsmoglegheiter • Ei sentral rolle i eit av Noregs leiande havbrukskonsern Elektronisk søknad skal benyttes via "søk på stilling"​ knappen på siden.