Leiar (jurist) for særavgift – juridisk avdeling, Skattedirektoratet

Særavgifter er eit viktig og effektivt verkemiddel for å skaffe staten inntekter. Samfunnsutviklinga, med fokus på klima, miljø og berekraft, pregar særavgiftsområdet spesielt, samtidig som forenkling av reglar og ordningar er sentralt. Som leiar for gruppa særavgift får du bidra til utvikling og effektivisering innan eit politisk viktig område. Kva går jobben ut på?​ Som leiar for gruppa særavgift får du eit fagleg overordna ansvar for rettsbruk og regelutvikling innanfor fagområdet særavgifter i Skatteetaten. Du har ansvar for utgreiingsarbeid, forslag til lov- og forskriftsendringar, avklaring av prinisipielle spørsmål og fagleg samarbeid med Finansdepartementet. Andre viktige oppgåver er:  • fagleg leiing og utvikling av medarbeidarane dine • å sikre einsarta og rett rettsbruk og regelverksutvikling i tråd med digitale målsetjingar og satsingar • fagleg bistand og dialog med fleire fagmiljø i Skatteetaten • stor grad av samarbeid med andre offentlege styresmakter og bransjar om forvaltning og utvikling av særavgiftene • å følgje med på internasjonal utvikling (EU- og EØS-rett) • utvikling av regelverk inn mot ulike prosjekt i etaten • løpande dialog med Finansdepartementet • å bidra i handteringa av mediaspørsmål på fagområda dine Du får personalansvar for 11 engasjerte og fagleg dyktige medarbeidarar. Arbeidsdagen vil vere hektisk, men givande, og du må kunne balansere meir strategisk arbeid med hastesaker og korte fristar. Kva kompetanse er viktig i denne rolla?​ Du må ha utdanning master i rettsvitskap eller juridisk embetseksamen. Du har: • god kjennskap til og erfaring frå fagområdet særavgift • god erfaring med å leie andre sitt arbeid, men ikkje nødvendigvis formell leiarerfaring • god forståing for samanhengar mellom regelverk, prosess og system og kva som byggjer etterleving • god forståing for, og evne til å kommunisere og formidle informasjon klart og tydeleg til ulike målgrupper Sjølv om du ikkje har arbeidd i det offentlege tidlegare, må du ha god kjennskap til og god forståing for korleis forvaltninga fungerer. Kva ser vi etter hos deg?​ Du er ein fagleg trygg og motiverande leiar som skapar engasjement. Du meistrar å leie sterke fagfolk og få dei til å trekkje i same retning. Du må samtidig ha evne til å ta prinsipielle avgjerder i faglege spørsmål og vegval. Du • evnar å tenkje langsiktig og strategisk, og kan løfte blikket for å forstå kva du og avdelinga bidrar med inn i ein større samanheng • er analytisk, har stor arbeidskapasitet og god gjennomføringsevne • balanserer drifts- og utviklingsoppgåver, ser etter høve til forenkling og evnar å få til endring og fornying • samarbeider godt, er ein god relasjonsbyggjar og er opptatt av å sjå tverrfagleg samarbeid som ein viktig faktor for heilskapen i kunnskapsgrunnlag og avgjerder • må kunne sikre framdrift i oppgåver og prosessar og utøve godt skjønn i faglege diskusjonar og avgjerder Leiarar i Skatteetaten er motiverte av å vere i ei leiarrolle, ønskjer å bruke tid på leiarskap og er villige til å utvikle eigen leiarskap. Vi håpar dette er noko du også kjenner deg att i. Kvifor skal du velje oss?​ Høyrest dette givande ut? Då trur vi du vil trivast hos oss. Vi kan freiste med høvet til å jobbe med samfunnsaktuelle saker i ein nytenkjande organisasjon som haustar stor tillit i befolkninga. Du får jobbe tverrfagleg med kollegaer frå andre fagområde og med gode moglegheiter til å planleggje eigen arbeidsdag. I Skatteetaten investerer vi i leiing. Derfor tilbyr vi målretta og kontinuerleg leiarutvikling - tilpassa både strategiske leiarroller og leiarar for medarbeidarar. Gjennom felles leiarforventningar, strukturerte utviklingsløp og læringsarenaer der leiarar lærer av leiarar, legg vi til rette for utvikling som gir verdi både for den enkelte og for heile etaten. Hos oss får du rammer som sikrar deg ein fornuftig balanse mellom jobb og fritid. Du får fleksitid og sommartid, og du kan dessutan få trene litt i arbeidstida. Medlemskap i Statens pensjonskasse følgjer også med. Det betyr mellom anna at du får ein av Noregs beste pensjonsordningar og høve til å søkje om bustadlån med gunstige vilkår. Les meir på spk.no. Vi veit at mange ønskjer seg ein hybrid og fleksibel arbeidskvardag med høve til å veksle mellom å jobbe heimanfrå og å møtast på kontoret. Det vil vi sjølvsagt leggje til rette for. Hos oss kan du inngå avtale om heimearbeid når arbeidsoppgåvene tilseier at det let seg gjere. Du blir tilsett som underdirektør, med ei årslønn mellom 1 050 000 og 1 200 000 kroner, avhengig av kvalifikasjonane dine. For spesielt kvalifiserte kandidatar kan vi vurdere noko høgare lønn enn dette. Verdt å merke seg før du søkjer​ ​Vi bruker ikkje søknadsbrev​: Vi ber deg derfor om å levere ein god CV som skildrar kva du har gjort og oppnådd som gjer deg kvalifisert for stillinga du søkjer på. Vi er meir opptatt av kva du kan, erfaringane dine og kompetansen din enn kor flink du er til å skrive ein jobbsøknad. Du treng derfor ikkje å skrive eller leggje ved eit søknadsbrev. ​ Omvend referansesjekk​: For å sikre at du kjenner deg trygg på valet om å jobbe hos oss, tilbyr vi ein omvend referansesjekk. Dersom du er aktuell for stillinga, vil du få tilbod om å kontakte nokre av medarbeidarane våre, slik at du kan stille dei spørsmåla du vil, og finne ut om vi er ein god match. ​ Mangfald og likestilling​: Vi er på jobb for alle, og skal vere ein god stad å jobbe for alle. Likeverd, likestilling og mangfald er ein del av kulturen vår, og vi har nulltoleranse for diskriminerande praksis og oppførsel. Dersom du har hòl i CV-en din, funksjonsnedsetjing eller innvandrarbakgrunn, vil vi oppmoda deg til å krysse av for dette når du søkjer stillinga hos oss. Det gjer det mogleg for deg å få positiv særbehandling. Vi kallar alltid inn minst éin kvalifisert kandidat frå kvar av desse gruppene til intervju. ​ Offentleg søkjarliste​: Når du søkjer jobb hos oss, vil namnet ditt stå på ei offentleg søkjarliste. Du kan be om å bli unntatt frå lista ved å sende ein grunngitt førespurnad. Vi vil vurdere førespurnaden din etter mottak. ​ Bakgrunnssjekk​: Dersom vi tilbyr deg stillinga, vil vi gjennomføre ein bakgrunnssjekk for å verifisere utdanninga og arbeidserfaringa di. Vi ber om at du lastar opp vitnemål/karakterutskrifter via Vitnemålsportalen når du søkjer stillinga, og at eventuelle attestar blir lasta opp som vedlegg. Internasjonal utdanning må vere godkjend av Advokattilsynet. Kontaktinformasjon​Astrid M. Dugstad Tveter, seksjonssjef, 409 11 234 Arvid Stokke, Spesialrådgiver, 916 11 755 Arbeidssted​Fredrik Selmers vei 4 0663 Oslo Nøkkelinformasjon:​Arbeidsgiver: Skatteetaten Referansenr.: 5193855056 Stillingsprosent: 100% Fast Søknadsfrist: 28.10.2026