Region Vest, Norges vassdrags- og energidirektorat (NVE)

Vil du nytte kompetansen din i eit sikringsprosjekt med stor betydning for samfunnstryggleiken? Vi søker prosessleiar til ei 3-årig prosjektstilling i Åknes dreneringsprosjekt. Her vil du bidra med å sikre Storfjorden mot fjellskred og påfølgande flodbølge. Åknes-prosjektet skal greie ut og planlegge dreneringsløysingar som reduserar risikoen for fjellskred frå Åknes i Stranda kommune. NVE Region Vest har ansvaret for planlegging og gjennomføring av det pågåande sikringstiltaket på vegne av Skred- og vassdragsavdelinga. NVE har det nasjonale ansvaret for å handtere risikoen knytt til fjellskred, og har gjennom systematisk kartlegging og utgreiing, samt overvaking, opparbeidd seg omfattande kunnskap på området. Som prosessleiar vil du samarbeide tett med NVE sitt fagmiljø og regionkontor innan overvaking, varsling og sikring mot store fjellskred. Skred– og vassdragsavdelinga har for første gang eit prosjekt i Statens prosjektmodell. Det pågåande arbeidet med Åknes dreneringsprosjekt har vist behovet for å styrke prosjektorganisasjonen og kompetanse på Statens prosjektmodell. Du får dermed høve til å vere med å utvikle gode arbeidsformer, styrke prosjektorganisasjonen og bygge kompetanse som også vil vere viktig for framtidige sikringsprosjekt. Vi ser etter deg som kan arbeide strukturert i ein organisasjon der arbeidsformene framleis er under utvikling. Som prosessleiar for Åknes-prosjektet får du ei sentral rolle i planlegginga og gjennomføringa av eit stort og komplekst sikringsprosjekt. Du skal koordinere prosessar og leveransar, støtte viktige avgjersler og bidra til at prosjektet vert organisert og gjennomført i tråd med Statens prosjektmodell og NVE sitt kvalitetssystem. Slik bidreg du direkte til eit tiltak med stor betydning for samfunnstryggleiken i Storfjorden. Aktuell plassering er fortrinnsvis Førde, men hovudkontoret i Oslo eller kontoret på Stranda kan vere aktuelt. Kort om seksjonen og avdelinga:​ Skred- og vassdragsavdelinga har et breitt fagmiljø innan sikring, flaum, skred, fjellskred og arealplan, i tillegg til regionkontor med lokal kompetanse. I Åknes-prosjektet samarbeidar du med ulike fagseksjonar og regionkontor. Dette gjev deg tilgang til eit breitt og dyktig kompetansemiljø og høve til å bygge erfaring på tvers av fag og geografi. Arbeidsoppgåver​ Du får ei sentral rolle i prosjektgjennomføringa. Avhengig av erfaring og kompetanse vil arbeidsoppgåvene kunne omfatte: • utarbeide faglege analyser og avgjerdsgrunnlag som støttar planlegging, kvalitetssikring og vidare gjennomføring av prosjektet • planlegge, koordinere og følgje opp aktivitetar, ressursar og leveransar i tett samarbeid med prosjektleiar. Du vil ha ansvar for løpande prosessoppfølging, avklaringar, møtepunkt og prioriteringar for å sikre framdrift i tråd med prosjektplan • sikre etterleving av Statens prosjektmodell og NVE sitt interne kvalitetssystem ved å tolke krav, førebu avgjerdspunkt og følgje opp at naudsynt dokumentasjon, prosessark og styringsdokument er utarbeidd og kvalitetssikra Kvalifikasjonar​ Vi ser etter deg som har:​ • høgare relevant utdanning på bachelor- eller masternivå, til dømes innan ingeniørfag, naturvitenskap eller prosjektleiing. Andre relevante fagområde kan også vere aktuelle. Lang eller særleg relevant erfaring kan kompensere for delar av utdanningskravet • erfaring frå prosjektarbeid, gjerne innan prosjektleiing, prosessleiing, koordinering eller leveranseoppfølging • god munnleg og skriftleg kommunikasjonsevne på norsk og engelsk Du må vere sikkerheitsmessig skikka for stillinga. Det er ein fordel om du også har:​ • erfaring med styring av framdrift og kvalitet i prosjekt • kjennskap til eller erfaring med Statens prosjektmodell eller tilsvarande kvalitetssikringsregime for store offentlege prosjekt • gode digitale ferdigheiter og erfaring med verktøy for prosjektplanlegging og dokumentstyring • kunnskap om regelverk som er relevant for sikringstiltak, til dømes vassdragsforvaltning, byggherreforskrifta eller plan- og bygningslova • evne og motivasjon til å sette seg inn i nye arbeidsformer, regelverk og digitale verktøy • erfaring med anbodsprosessar og kunnskap om regelverket for offentlege anskaffingar • førarkort klasse B Personlege eigenskapar​ • du tek initiativ, finn løysingar og føl opp oppgåver til dei er gjennomført. • du har evne til å arbeide sjølvstendig og effektivt • du samarbeida godt med andre og bidreg til eit ope og konstruktivt arbeidsmiljø • du tilpassar deg nye arbeidsformer og bidreg konstruktivt når roller, rutiner og system er under utvikling • du formidlar komplekse faglege problemstillingar på ein tydleg og forståeleg måte til både fagfolk og andre målgrupper • du er fleksibel og kan omprioritere når framdrift eller andre kritiske situasjonar krev det Det vert lagt betydeleg vekt på om du er personleg eigna. Vi tilbyr​ I NVE blir du ein del av ein sterk, tverrfagleg kunnskapsorganisasjon. Vi er opptekne av at medarbeidarane våre skal ha rom for personleg utvikling, og gode moglegheiter for fagleg utvikling. NVE Region Vest held til i sentrale lokale ved Førde Torg, midt i Førde sentrum. Hos Region Vest får du:​ • høve til å trene i arbeidstida og tilgang til treningsstudio i nærleiken av kontoret • tilbod om deltaking i eit aktivt bedriftsidrettslag, som arrangerar fellesturar og aktivitetar saman med gode kollegaer • ein familievennleg og fleksibel personalpolitikk som tek omsyn til ulike behov og livsfaser • gode arbeidstidsordningar (fleksitid, sommartid, betalt overtid) • medlemskap i Statens pensjonskasse som mellom anna gir gode lånevilkår • moglegheit for delvis heimekontor når arbeidsoppgåvene tilseier det, i samsvar med NVE sine gjeldande retningslinjer • tilsetting som 1087 overingeniør/1434 rådgiver/1181/senioringeniør/1364 seniorrådgiver, med løn etter avtale og i tråd med NVE sin lønnspolitikk. Endeleg lønsplassering avheng av kvalifikasjonar Informasjon om prosessen:​ • Viss du ønskjer å bli sett bort frå den offentlege søkjarlista, må du grunngi dette. Vi varslar deg viss vi ikkje tek ønsket ditt til følge. Du vil då få moglegheita til å trekkja søknaden før offentleggjering • Dokumenter kompetansen og erfaringa di i CV-en, og legg ved vitnemål og relevante attestar elektronisk til søknaden • Vi meiner at inkludering og mangfald er ein styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Me vil leggja til rette for medarbeidarar som har behov for det • Vi oppmodar søkjarar til å kryssa av i jobbportalen dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me innkalla minst éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandlet på denne måten, må søkjarane oppfylla visse krav. Les meir om krava på Arbeidsgiverportalen • Ved behov kan det bli gjennomført ein utvida referansesjekk av kandidat(er) som blir innstilt. Dette inneber ein dokument- og kjeldekontroll for å stadfesta opphav og gyldigheit (m.a. av det som blir oppgitt i CVer eller dokument som blir vedlagde) Kontaktinformasjon​ Idun Nessestrand Vefring, senioringeniør, 41 23 69 58, idve@nve.no Jostein Mårdalen, regionsjef, 98283910, josma@nve.no Elisabeth Brøndrup Næss, HR-kontakt, 99047637, ebn@nve.no Arbeidssted​ Naustdalsvegen 1B 6800 Førde Nøkkelinformasjon:​ Arbeidsgiver: Norges vassdrags- og energidirektorat (NVE) Referansenr.: 5199194500 Stillingsprosent: 100% Engasjement Søknadsfrist: 08.11.2026