Fysioterapeut- 80% fast stilling

Ønskjer du å bidra med heilskaplege fysioterapeutiske tiltak for barn og unge i Øystre Slidre kommune? Vi søkjer fysioterapeut med hovudfokus på barn og unge.

Øystre Slidre kommune har no ledig ei fast stilling som fysioterapeut i 80 % frå nyttår.

Dette er ei variert og meiningsfull stilling som gir deg moglegheit til å arbeide tett med barn på deira eigne arenaer, ved helsestasjon, i barnehage og skule. Du vil òg få moglegheit til å arbeide med andre aldersgrupper, men oppfølging av barn og unge vil vere hovudfokuset.

Du vil vere ein viktig ressurs i arbeidet med å styrkje helsa og meistringsevna til barn, samstundes som du samarbeider tett med andre kommunale tenester og spesialisthelsetenesta.

Stillinga omfattar òg allmenne fysioterapeutiske arbeidsoppgåver, der du vil bidra inn i den kommunale fysioterapitenesta med vurdering, behandling og oppfølging av brukarar, både individuelt og i grupper.

Det er krav om politiattest før tilsetjing, jf. helsepersonellova § 20 a.

Arbeidsoppgåver

• Oppfølging av barn og unge ved helsestasjon, skule og barnehage
• Tverrfagleg samarbeid med interne og eksterne samarbeidspartnarar
• Bidra til vidareutvikling av tenestetilbodet
• Fysikalsk behandling og målretta rehabilitering i brukaren sin heim ved behov
• Kurativ behandling av enkeltpersonar og leiing av gruppebasert trening for vaksne og eldre ved Helsetunet
• Vere koordinator for barn med samansette behov
• Samarbeide med ergoterapeut om formidling av hjelpemiddel

Kvalifikasjonar

• Bachelorgrad i fysioterapi
• Norsk autorisasjon som fysioterapeut
• Det er ønskjeleg med etter- og/eller vidareutdanning innan fysioterapi for barn og unge
• Erfaring som instruktør for styrke- og balansegupper er ein fordel
• God munnleg og skriftleg framstillingsevne
• Førarkort og tilgang til eigen bil

Personlege eigenskapar

• Du er positiv, motivert og engasjert
• Du er løysingsorientert, fleksibel og har evne til å arbeide både sjølvstendig og i team
• Du har gode samarbeidsevner og evne til å motivere andre
• Du arbeider strukturert og har god gjennomføringsevne
• Du er ansvarsmedviten, initiativrik og har ei positiv haldning til tverrfagleg samarbeid
• Det er krav om politiattest før tilsetjing, jf. helsepersonellova § 20 a.

Vi tilbyr

• Ei utfordrande stilling i ein kommune i utvikling
• Gode pensjons- og forsikringsordningar
• Løns- og arbeidsvilkår etter gjeldande tariffavtalar
• Eit godt sosialt og sterkt tverrfagleg arbeidsmiljø med faglege utfordringar og gode moglegheiter for personleg utvikling